Tirupati Laddu Controversy : తిరుపతి లడ్డూ నెయ్యిలో బీఫ్ ఫ్యాట్, ఫిష్ ఆయిల్ నిజమే - ల్యాబ్ రిపోర్టులు బయట పెట్టిన టీడీపీ నేత ఆనం

Tirupati Laddu Animal Fat: తిరుపతి లడ్డూని తయారు చేసే నెయ్యిలో బీఫ్ ఫ్యాట్, ఫిష్ ఆయిల్ కలిసిన రిపోర్టుల్ని టీడీపీ బయట పెట్టింది. దేశంలోని ప్రముఖ ల్యాబ్‌లో టెస్టు చేసిన రిపోర్టును మీడియాకు విడుదల చేశారు.

నెయ్యిలో బీఫ్ కొవ్వు, ఫిష్ ఆయిల్ కలిపినట్లుగా తేల్చిన ల్యాబ్ రిపోర్టులు

Source : x

TDP revealed reports that beef fat and fish oil were mixed in the ghee used to make Tirupati Laddu : తిరుమల లడ్డూ తయారీలో ఉపయోగించే నెయ్యిలో బీఫ్ కలిపారంటూ చంద్రబాబు చేసిన ఆరోపణలకు ఆధారాలను టీడీపీ బయట పెట్టింది. నెయ్యిని పరీక్షించిన వివిధ ల్యాబ్ ల రిపోర్టులను టీడీపీ నేత ఆనం  వెంకట రమణారెడ్డి మీడియాకు విడుదల చేశారు. టీటీడీకి కాంట్రాక్టర్లు సరఫరా చేసిన నెయ్యిలో కేవలం 19 శాతం మాత్రమే నెయ్యి ఉన్నట్లుగా గుర్తించారు.   

NABL report on TIRUMALA ghee issue...

Pressmeet by anam venkatramana reddy.

3rd Point - PALM OIL & BEEF TALLOW
4th Point - LARD (animal fat)

ఎవరు చేశారో కానీ... నాశనం అయిపోతారు రా.... 🙏

గోవిందా......🙏 pic.twitter.com/wUaHkdsHMV

— thaNOs™ ️️ ️️ (@Thanos_Tweetss) September 19, 2024

దేశంలోనే ప్రసిద్ది చెందిన  NDDB CALF ల్యాబ్ లో టీటీడీకి సరఫరా చేస్తున్న నెయ్యిని పరీక్షించారు. ఈ  నెయ్యిలో సోయాబీన్, పొద్దు తిరుగుడు, ఆలివ్, గోధుమ బీన్, మొక్కజొన్న, పత్తి గింజలతోపాటు చేప నూనె, బీఫ్ టాలో, పామాయిల్, పంది కొవ్వు కూడా ఇందులో వాడినట్లు తేల్చారు.  
 

దారుణం.. పురుగులు పట్టి పోతారు...

తిరుమల లడ్డూ తయారీకి వాడిన నెయ్యిలో గొడ్డు మాంసం, ఫిష్ ఆయిల్, కుళ్ళిపోయిన జంతు మాంసం వాడారు. గుజరాత్ లోని నేషనల్ డైరీ డెవలప్మెంట్ బోర్డ్ శాంపిల్స్ లో సంచలన వివరాలు..

మీరు మనుషులేనా @ysjagan ?#YCPAnimalFatInTirumalaLaddu#FekuJagan#EndOfYCP… pic.twitter.com/HY3y3VxWzI

— Telugu Desam Party (@JaiTDP) September 19, 2024

తిరుమల లడ్డూలో ఇలా బీఫ్ కొవ్వును కలిపి అమ్మిన వైనంపై చంద్రబాబు నాయుడు కూటమి ఎమ్మెల్యేల సమావేశంలో ప్రకటించారు. ఆ వెంటనే ఈ అంశంపై పెను దుమారం రేగింది. టీటీడీ చైర్మన్ గా చేసిన వైవీ సుబ్బారెడ్డి చంద్రబాబుపై పరువు నష్టం దావా వేస్తానని ప్రకటించారు. ఆధారాలు బయట పెట్టాలని డిమాండ్ చేసారు. ఆ వెంటనే తెలుగుదేశం పార్టీ ఈ మేరకు.. ఆధారాలు బయటపెట్టడం సంచలనంగా మారింది. టీటీడీ ఈవోగా బాధ్యతలు చేపట్టిన వెంటనే.. ప్రస్తుత ఈవో శ్యామలరావు.. నెయ్యిని టెస్టు చేయించి.. వెంటనే కాంట్రాక్టర్ ను బ్లాక్ లిస్టులో పెట్టించారు. 

వైసీపీ ప్రభుత్వం అధికారంలోకి వచ్చే వరకూ కర్ణాటక ప్రభుత్వ రంగంలోని నందిని డెయిరీకి చెందిన స్వచ్చమైన ఆవు నెయ్యినే టీటీడీ కొనుగోలు చేసేది. అయితే అతి తక్కువ ధర నిర్ణయించడంతో నంది డైరీ సరఫరా చేయలేమని చెప్పింది. టెండర్లలో కూడా పాల్గొనలేదు. అత్యంత క్వాలిటీ నెయ్యి కేజీ రూ. వెయ్యి వరకూ అవుతుదంని కానీ టీటీడీ రూ. 320కే సరఫరా చేయాలని టెండర్లు పిలించిందని.. కఅంత తక్కువకు క్వాలిటీ నెయ్యి ఎలా వస్తుందో కనీసం పరిశీలన చేయలేదని టీడీపీ నేత ఆనం వెంకటరమణా రెడ్డి ఆరోపించారు.