సౌదీ అరేబియా దగ్గర ఎంత బంగారం ఉంది? చమురు సమృద్ధిగా ఉన్న ఈ దేశంలో అంత బంగారం ఎక్కడి నుంచి వచ్చింది?
Saudi Arabia: నల్ల బంగారం భూమిగా పిలిచే సౌదీ అరేబియా ఇప్పుడు బంగారు నిల్వలు భారీగా ఉన్నాయ్.. భవిష్యత్తులో బంగారం సౌదీ అరేబియాకు కొత్త బలం అవుతుందా?
Gold Rates: సౌదీ అరేబియా..దశాబ్ధాలుగా నల్ల బంగారం ( చమురు-Black Gold) తో ప్రపంచాన్ని ఆకట్టుకున్న ఈ దేశంలో ఇప్పుడు నిజమైన బంగారంతో వార్తల్లో నిలిచింది. 2026 జనవరి లో సౌదీ ప్రభుత్వ యాజమాన్యంలో మైనింగ్ కంపెనీ మాడెన్ ఈ విషయం అధికారికంగా ప్రకటించింది. దేశంలో నాలుగు ప్రధాన ప్రాంతాల్లో కొత్తగా 7.8 మిలియన్ ఔన్సులు బంగారు నిక్షేపాలు కనుకొన్నారు. అంటే 221 టన్నుల బంగారు నిల్వలు కనుగొన్నారు. ఇది సౌదీ మైనింగ్ చరిత్రలో అతిపెద్ద ఆవిష్కరణల్లో ఒకటి
బంగారం ధరలు మళ్లీ ఆకాశాన్ని అంటుతున్నాయ్. భారీగా పెరిగిన బంగారం మళ్లీ తగ్గుతూ వస్తోంది. అయితే ఎడారి నేల కింద దాగి ఉన్న చమురు మాత్రమే కాకుండా, బంగారం ప్రకాశం కూడా ఇప్పుడు సౌదీ అరేబియా యొక్క అదృష్టాన్ని మార్చేలా ఉంది. వివాహాల వైభవం నుంచి సెంట్రల్ బ్యాంక్ ఖజానాల వరకు, బంగారం బలమైన ఉనికి ప్రతిచోటా స్పష్టంగా కనిపిస్తుంది. ఇటీవలి ఆవిష్కరణలు సౌదీ అరేబియా తన ఆర్థిక వ్యవస్థను కొత్త ఎత్తులకు నడిపించడానికి చమురుతో పాటు బంగారం శక్తిని ఉపయోగించుకుంటుందా అనే చర్చకు దారితీసింది
సౌదీ అరేబియాలో, వివాహాలు కేవలం కుటుంబ వేడుకలే కాదు, ప్రతిష్ట , సామాజిక హోదాకు చిహ్నాలు కూడా. ఖరీదైన బహుమతులు ఇక్కడ సర్వసాధారణం, బంగారు నాణేలు లేదా భారీ ఆభరణాలను బహుమతిగా ఇవ్వడం సంప్రదాయంలో ఒక భాగంగా మారింది. ఇక్కడ బంగారం కేవలం ఒక ఆభరణం మాత్రమే కాదు, భద్రత గౌరవానికి చిహ్నం.
వరల్డ్ గోల్డ్ కౌన్సిల్ నివేదిక ప్రకారం, సౌదీ అరేబియా దాదాపు 323.1 టన్నుల బంగారు నిల్వలను కలిగి ఉంది. ఈ సంఖ్య దానిని అగ్ర అరబ్ దేశాలలో ఒకటిగా . ప్రపంచంలోని టాప్ 20 కేంద్ర బ్యాంకులలో ఒకటిగా పేర్కొంది. ఈ నిల్వలు దేశ ఆర్థిక బలాన్ని ప్రదర్శిస్తాయి. సౌదీ సెంట్రల్ బ్యాంక్, లేదా SAMA నష్టాలను తగ్గించడానికి అంతర్జాతీయ మార్కెట్లో కాలానుగుణంగా బంగారాన్ని కొనుగోలు చేసి విక్రయిస్తుంది. ప్రపంచ మార్కెట్లో అనిశ్చితి పెరిగినప్పుడు లేదా డాలర్ బలహీనపడినప్పుడు, బంగారం సురక్షితమైన వనరుగా పనిచేస్తుంది.
ఈ మధ్య మక్కా ప్రాంతంలో అల్ ఖుర్మా ప్రావిన్స్లోని మన్సౌరా-మస్సారా ప్రాజెక్ట్ సమీపంలో పెద్ద బంగారు నిక్షేపాలు కనుగొన్నారు. ఇప్పటికే నిర్వహించిన పరీక్షలలో టన్ను ధాతువులో మంచి బంగారం ఉందని గుర్తించారు. మరిన్ని పరీక్షలు ఈ అంచనా సరైనదని నిరూపిస్తే, రాబోయే సంవత్సరాల్లో సౌదీ అరేబియా బంగారం ఉత్పత్తి సామర్థ్యం గణనీయంగా పెరిగే అవకాశం ఉంది. సౌదీ ఆర్థిక వ్యవస్థ చాలా కాలంగా చమురుపై ఆధారపడి ఉంది, కానీ చమురు ధరలలో హెచ్చుతగ్గులు ఆర్థిక సమతుల్యతను ప్రభావితం చేస్తాయి. ద్రవ్యోల్బణం, ప్రపంచ మాంద్యం లేదా ఆర్థిక సంక్షోభ సమయాల్లో బంగారం సురక్షితమైన స్వర్గధామంగా పనిచేస్తుంది. అందుకే ఆ దేశం తన ఆస్తులలో కొంత భాగాన్ని డాలర్లలో కాకుండా బంగారంలో ఉంచుతుంది.
సౌదీ అరేబియా విజన్ 2030 కింద చమురు ఆధారిత ఆర్థిక వ్యవస్థ నుంచి బయటపడి మైనింగ్, టూరిజం, టెక్ వంటి రంగాలపై దృష్టి పెడుతోంది. ఈ బంగారు ఆవిష్కరణ ఆ లక్ష్యానికి పెద్ద బూస్ట్ అనే చెప్పాలి. ప్రస్తుతం బంగారం ధర ఎక్కువ ఉండడంతో ఇది బిలియన్ల డాలర్ల విలువైన సంపదగా మారనుంది. ఉద్యోగాలు, విదేశీ పెట్టుబడులు, ఆర్థిక వైవిధ్యీకరణకు దోహదం చేస్తుంది. సౌదీలో బంగారు గనులున్నాయి కానీ ఈ తాజా ఫైండింగ్స్ దేశాన్ని ప్రపంచ బంగారు మ్యాప్ లో బలంగా నిలబెడతాయి. చమురు తర్వాత బంగారం కూడా సౌదీ ఆర్థిక శక్తికి కీలకం కానుంది
Before You Go
PM Modi Gains 10 Lakh Followers In 12 Hours | పీఎం మోదీ సోషల్ మీడియాలో రికార్డ్
టాప్ హెడ్ లైన్స్
ట్రెండింగ్ వార్తలు
