Russia Nuclear Weapons: అణ్వాయుధాలు బయటకు తీయనున్న రష్యా? అక్కడే దాచి పెడుతుందట!

Russia Nuclear Weapons: బెలారస్‌లో రష్యా అణ్వాయుధాలు మొహరిస్తుందన్న ఊహాగానాలు వినిపిస్తున్నాయి.

బెలారస్‌లో రష్యా అణ్వాయుధాలు మొహరిస్తుందన్న ఊహాగానాలు వినిపిస్తున్నాయి.

Russia Nuclear Weapons:

బెలారస్‌కు తరలింపు..? 

రష్యా-ఉక్రెయిన్ మధ్య యుద్ధం మొదలై ఏడాది దాటింది. ఇంకా పరిస్థితులు ఓ కొలిక్కి రాలేదు. రెండు దేశాలూ ఇంకా కయ్యానికి కాలు దువ్వుతూనే ఉన్నాయి. రెండువైపులా నష్టం వాటిల్లుతున్నా వెనక్కి తగ్గడం లేదు. పైగా రానురాను మరింత సంక్లిష్టంగా మారుతోంది. ఇరు దేశాల అధ్యక్షులూ ఒకరిపై ఒకరు తీవ్ర విమర్శలు చేసుకుంటున్నారు. పుతిన్ అయితే పదేపదే..అణుదాడులు చేస్తామంటూ హెచ్చరిస్తున్నారు. దీనిపై అంతర్జాతీయ సమాజమూ తీవ్రంగా స్పందించింది. ఈ చర్చ జరుగుతుండగానే ఓ సంచలన విషయం వెలుగులోకి వచ్చింది. రష్యాకు చెందిన పది ఎయిర్‌క్రాఫ్ట్‌లు బెలారస్‌కు వెళ్లడం కలకలం రేపుతోంది. ఇవన్నీ అణ్వాయుధాలును మోయగలిగే సామర్థ్యం ఉన్నవే. బెలారస్‌లో అణ్వాయుధాలను మొహరించడం...చట్టాన్ని ఉల్లంఘించినట్టు కాదని పుతిన్ స్పష్టం చేస్తున్నారు. చట్టానికి లోబడి మాత్రమే ఈ పని చేశామని వెల్లడించారు. అంతే కాదు. అమెరికా కూడా ఇదే పని చేస్తోందంటూ ఎదురు దాడికి దిగారు. ఐరోపా మిత్ర దేశాల్లో తమ అణ్వాయుధాలను దాచి ఉంచారని ఆరోపించారు. పోలాండ్‌తో సరిహద్దు పంచుకుంటున్న బెలారస్‌లో రష్యా అణ్వాయుధాలు ఉండటం అంతర్జాతీయంగా ఆందోళన పెంచుతోంది. జులై 1వ తేదీ నాటికి బెలారస్‌లో న్యూక్లియర్ వెపన్స్ స్టోరేజ్ నిర్మాణాన్ని పూర్తి చేస్తామని రష్యా తేల్చి చెబుతోంది. రష్యాకు మద్దతుగా నిలుస్తున్న బెలారస్‌పై అమెరికా ఆంక్షలు విధించిన వెంటనే రష్యన్ ఎయిర్ క్రాఫ్ట్‌లు అక్కడికి వెళ్లాయి. ఫలితంగా..రష్యా-ఉక్రెయిన్ మధ్య యుద్ధం మరో స్థాయికి వెళ్తుందా..? అన్న అనుమానాలు, భయాలు వ్యక్తమవుతున్నాయి. 

 

#BREAKING Russian President Vladimir Putin said Saturday he would deploy tactical nuclear weapons in neighbouring Belarus, adding that the United States has been placing such arms on their allies' territory "for decades". pic.twitter.com/ghlH81RF8m

— AFP News Agency (@AFP) March 25, 2023

అంతర్జాతీయ క్రిమినల్ కోర్టు తీర్పు

ఉక్రెయిన్‌పై ఏడాది కాలంగా యుద్ధం చేస్తున్న రష్యాకు అంతర్జాతీయ క్రిమినల్ కోర్టు షాక్ ఇచ్చింది. పుతిన్‌పై అరెస్ట్ వారెంట్ జారీ చేసింది. దీనిపై రష్యా స్పందించింది. International Criminal Court (ICC) తీసుకున్న నిర్ణయాన్ని ఖండించింది. ఉక్రెయిన్‌పై యుద్ధం చేయడాన్ని తీవ్రమైన నేరంగా పరిగణించడంపైనా అసహనం వ్యక్తం చేసింది. Reuters ప్రకారం...రష్యా ప్రతినిధి కీలక వ్యాఖ్యలు చేశారు. ICC నిర్ణయంపై తమకు ఎన్నో అనుమానాలున్నాయని తేల్చి చెప్పారు. ఇది కచ్చితంగా అనైతికం అంటూ మండిపడ్డారు. రష్యాతో పాటు మరెన్నో దేశాలు ICC విధానాలను వ్యతిరేకిస్తున్నాయని గుర్తు చేశారు. "ICC తీసుకున్న ఏ నిర్ణయమైనా చెల్లదు. రష్యా చట్టం ప్రకారం ఈ తీర్పుని మేం ఏ మాత్రం పరిగణనలోకి తీసుకోవడం లేదు" స్పష్టం చేశారు. ఒకవేళ పుతిన్ వేరే దేశానికి వెళ్లినప్పుడు ICC అరెస్ట్ వారెంట్ ప్రకారం ఆయనను అదుపులోకి తీసుకుంటే ఎలా..? అని మీడియా అడిని ప్రశ్నపై అసహనం వ్యక్తం చేశారు రష్యా ప్రతినిధి. "ప్రస్తుతానికి దీనిపై చర్చ అనవసరం. మేం చెప్పాలనుకుంటోంది కూడా ఇదే" అని సమాధానమిచ్చారు. రష్యా విదేశాంగ శాఖ ప్రతినిధి  మరియా జకోర్వా కూడా ఇదే బదులు ఇచ్చారు. ఇంటర్నేషనల్ క్రిమినల్ కోర్టు తీర్పుని రష్యా పరిగణనలోకి తీసుకోవడం లేదని తేల్చి చెప్పారు. దాదాపు ఏడాదిగా కొనసాగుతున్న ఈ యుద్ధంలో రెండు దేశాలూ పట్టు వీడటం లేదు. ఫలితంగా భారీ స్థాయిలో ఆస్తి నష్టం వాటిల్లుతోంది.