Russia-Ukraine War: ఆ దేశాలకు పుతిన్ వార్నింగ్- ఉక్రెయిన్ యుద్ధంలో రష్యా తరఫున బరిలోకి 'రిజర్వ్స్'!

Russia-Ukraine War: పశ్చిమ దేశాలకు రష్యా అధ్యక్షుడు వ్లాదిమిర్ పుతిన్ వార్నింగ్ ఇచ్చారు. అలానే ఉక్రెయిన్ యుద్ధంలో తమ 'రిజర్వ్స్‌'ను వినియోగించాలని నిర్ణయించారు.

(Image Source: PTI)

Russia-Ukraine War: రష్యా- ఉక్రెయిన్ యుద్ధం మొదలై దాదాపు 7 నెలలు పూర్తవుతోంది. అయితే ఇప్పటికే రష్యా తన లక్ష్యాన్ని చేరుకోలేదు. దీంతో ఆ దేశ అధ్యక్షుడు వ్లాదిమిర్ పుతిన్ కీలక నిర్ణయం తీసుకున్నారు. రష్యా సైన్యంలోకి 3 లక్షల మంది 'రిజర్వ్స్' తిరిగి పిలుస్తున్నారు. 

రిజర్వ్స్ అంటే?

గతంలో సైన్యంలో పని చేసి ప్రస్తుతం పౌర జీవితంలో ఉన్నవారిని 'రిజర్వ్స్' అంటారు. వీరి సేవలను ఉక్రెయిన్‌పై సైనిక చర్యలో ఉపయోగించుకోనున్నట్లు రష్యా అధ్యక్షుడు వ్లాదిమిర్ పుతిన్ ప్రకటించారు. ఈ మేరకు బుధవారం జాతినుద్దేశించి చేసిన ప్రసంగంలో పుతిన్ అన్నారు.

⚡️President Putin Address - Key Points:

- West is calling to weaken, divide and destroy Russia

- Support for compatriots to determine their own futures pic.twitter.com/qdB92XSCSG

— RT (@RT_com) September 21, 2022

వార్నింగ్

" ఉక్రెయిన్‌పై సైనిక చర్యలో 'రిజర్వ్స్' సేవలు వినియోగించుకోవాలని నిర్ణయించాం. ఉక్రెయిన్‌లోని దోన్బస్ రీజియన్‌లో ఉన్న మా వారిని రక్షించుకోవడం రష్యా బాధ్యత. అలాగే దేశంలో ఆయుధాల ఉత్పత్తిని పెంచేందుకు నిధుల కేటాయింపును పెంచాం. ఉక్రెయిన్‌లోని రష్యా నియంత్రణలోని గల భూభాగాల్లోని ప్రజలు.. నియో నాజీల పాలనలో ఉండాలని కోరుకోవడం లేదు. వారికి స్వేచ్ఛ కల్పిస్తాం. పశ్చిమ దేశాలను రష్యాను బ్లాక్ మెయిల్ చేస్తున్నాయి. కానీ ఆ బెదిరింపులకు రష్యా తలొగ్గదు. ఎందుకంటే వారి హెచ్చరికలను ఎదుర్కొనే ఆయుధ సంపత్తి మా సొంతం. హద్దులు దాటి ఐరోపా దేశాలు ఇది గుర్తు పెట్టుకోవాలి.                                                 "

-   వ్లాదిమిర్ పుతిన్, రష్యా అధ్యక్షుడు

ఇటీవల

సుదీర్ఘ సాగుతోన్న రష్యా- ఉక్రెయిన్ ఘర్షణపై ఇటీవల కీలక వ్యాఖ్యలు చేశారు పుతిన్. రష్యా అనుకున్నది సాధించే వరకు వెనక్కి తగ్గేదే లేదన్నారు.

" లక్ష్యం సాధించే వరకు ఉక్రెయిన్‌పై సైనిక చర్య కొనసాగుతుంది. ఆంక్షల ద్వారా రష్యాను ఒంటిరిని చేయలేరు. సైనిక చర్యను ప్రారంభించింది మేం కాదు. దాన్ని అంతం చేసేందుకు రష్యా ప్రయత్నిస్తోంది. మా చర్యలన్నీ డాన్‌బాస్‌ వాసులకు సహాయం చేయడమే లక్ష్యంగా ఉన్నాయి. ఇది మా కర్తవ్యం. ఈ లక్ష్యాన్ని సాధించే వరకు మా చర్యలు కొనసాగుతాయి.                                                          "

-వ్లాదిమిర్ పుతిన్, రష్యా అధ్యక్షుడు