Republic day 2022: వాయుసేన శకటంతో 'శివాంగి' కవాతు.. రఫేల్ జెట్ తొలి మహిళా పైలట్ విశేషాలివే!

రఫేల్​ ఫైటర్​ జెట్​ తొలి మహిళా పైలట్​ శివాంగి సింగ్​.. వాయుసేన శకటంతో కవాతులో పాల్గొన్నారు. ఇంతకీ శివాంగి సింగ్ ఎవరు?

శివాంగి సింగ్

భారత 73వ గణతంత్ర వేడుకలు అట్టహాసంగా జరిగాయి. వాయుసేన విన్యాసాలు, శకటాల ప్రదర్శనతో పరేడ్​ ఆకట్టుకుంది. దేశ సైనిక సామర్థ్యాన్ని చాటిచెప్పింది. పరేడ్​లో సైన్యం, వాయుసేన, నావికాదళం, కేంద్ర పారాబలగాలు, ఎన్​సీసీ, ఎన్​ఎస్​ఎస్​ విభాగాలు భాగమయ్యాయి. పలు ఆయుధ వ్యవస్థలు, యుద్ధట్యాంకులు, క్షిపణులను సైన్యం ప్రదర్శించింది. అయితే ఇందులో ప్రధాన ఆకర్షణగా నిలిచారు.. రఫేల్ ఫైటర్ జెట్ తొలి మహిళా పైలట్ శివాంగి సింగ్.

#RepublicDayParade | Indian Air Force tableau displays the theme 'Indian Air Force Transforming for the future'. It showcases scaled-down models of MiG-21, Gnat, Light Combat Helicopter (LCH), Aslesha radar and Rafale aircraft. #RepublicDay pic.twitter.com/t1iaU7OsTX

— ANI (@ANI) January 26, 2022

శివాంగి సింగ్.. భారత వాయుసేన శకటంతో పాటు కవాతులో పాల్గొన్నారు. ఐఏఎఫ్​ శకటం పరేడ్​లో భాగమైన రెండో మహిళా ఫైటర్​ జెట్​ పైలట్‌గా శివాంగి రికార్డ్ సృష్టించారు. గతేడాది ఫ్లైట్​ లెఫ్టినెంట్​ భావనా కాంత్​.. పరేడ్​లో పాల్గొని ఆ ఘనత సాధించిన తొలి మహిళా ఫైటర్​ జెట్​ పైలట్​గా నిలిచారు.

ఎవరీ శివాంగి..

• శివాంగి సింగ్.. వారణాసిలో ప్రాథమిక విద్యను అభ్యసించారు.
• బనారస్‌ హిందూ యూనివర్సిటీలో ఉన్నత విద్యను పూర్తి చేశారు. 
• 7 యూపీ ఎయిర్‌ స్క్వాడ్రన్‌లో ఎన్‌సీసీ క్యాడెట్‌గా శివాంగి ఉన్నారు. 
• శివాంగి 2016లో ఐఏఎఫ్‌కి ఎంపికయ్యారు.
• 2017లో ఏర్పాటైన రెండో మహిళా ఫైటర్‌ పైలట్ల బృందంలో ఈమె ఓ సభ్యురాలు.
• హైదరాబాద్‌లో శిక్షణ పూర్తయ్యాక రాజస్థాన్‌ సరిహద్దులోని వైమానిక స్థావరంలో విధుల్లో చేరారు.
• ఇక్కడే వింగ్‌ కమాండర్‌ అభినందన్‌ వర్థమాన్‌ వద్ద శిక్షణ పొందే అవకాశం శివాంగికి దొరికింది.
• మిగ్-21ను నడపడంలో శివాంగి అసాధారణ ప్రతిభాపాటవాలను ప్రదర్శించడంతో రఫేల్‌ నడిపే అర్హతను ఆమె సాధించారు.
• రఫేల్ యుద్ధ విమానాన్ని నడిపిన తొలి మహిళా పైలట్‌గా శివాంగి సింగ్ రికార్డ్ సృష్టించారు.