News
News
X

Bundelkhand Expressway: బుందేల్‌ఖండ్ ఎక్స్‌ప్రెస్‌వేలో అప్పుడే గుంతలు, ప్రధానిని టార్గెట్ చేసిన ప్రతిపక్షాలు

Bundelkhand Expressway: ప్రధాని మోదీ వారం క్రితం ప్రారంభించిన బుందేల్‌ఖండ్ ఎక్స్‌ప్రెస్‌వేలో గుంతలు ఏర్పడ్డాయి. ఇటీవల కురిసిన వర్షాలకు రోడ్డు కుంగిపోయింది.

FOLLOW US: 

Bundelkhand Expressway: 

పెద్ద మనుషులు వచ్చి ప్రారంభించిన రోడ్డు ఇది: అఖిలేష్ యాదవ్

ప్రధాని మోదీ ఇటీవలే ప్రారంభించిన యూపీలోని బుందేల్‌ఖండ్ ఎక్స్‌ప్రెస్‌వే భారీ వర్షాలకు దెబ్బ తింది. ఓ ప్రాంతంలో పూర్తిగా కుంగిపోయింది. దాదాపు ఒకటిన్నర అడుగు లోతుకు కూరుకుపోయింది. వారం క్రితమే ప్రధాని మోదీ ఈ రోడ్‌ను ప్రారంభించారు. అప్పుడే రోడ్డు పాడైపోవటంపై ప్రతిపక్షాలు విమర్శిస్తున్నాయి. ఈ డ్యామేజ్ కారణంగా రెండు కార్లు, ఓ బైక్‌కు యాక్సిడెంట్‌కు గురయ్యాయని స్థానిక మీడియా వెల్లడించింది. సమాజ్‌వాదీ పార్టీ అధ్యక్షుడు అఖిలేష్ యాదవ్ ఈ రోడ్ డ్యామేజ్‌కు సంబంధించిన వీడియోను ట్విటర్‌లో పోస్ట్ చేశారు. భాజపాపై విమర్శలు గుప్పించారు. "భాజపా ఏ పనైనా అన్యమనస్కంగా చేస్తుందనటానికి ఇదే నిదర్శనం. పెద్ద మనుషులు వచ్చి ఈ ఎక్స్‌ప్రెస్‌వేను ప్రారంభించారు. వారం రోజుల్లోనే ఇందులోని అవినీతి ఏంటో బయటపడింది. దీనిపైన రన్‌వేలు నిర్మించకపోవటం మంచిదైంది" అని ట్వీట్ చేశారు అఖిలేష్ యాదవ్. తరవాత ఆమ్‌ఆద్మీ పార్టీ కూడా స్పందించింది. యూపీ సీఎం యోగి ఆదిత్యనాథ్, ప్రధాని మోదీపై విమర్శలు చేసింది.

 

ప్రతిష్ఠాత్మక రహదారిలో ఎందుకిలా? 

ఈ ఘటనపై ఉత్తర్‌ప్రదేశ్ ఎక్స్‌ప్రెస్‌వే ఇండస్ట్రియల్ డెవలప్‌మెంట్ అథారిటీ అధికారులు స్పందించారు. రోడ్డు కుంగిపోలేదని, నీళ్లు నిలిచిపోవటం వల్ల కాస్త పాడైందని వివరించారు. మరమ్మతు పనులు పూర్తయ్యాయని, ట్రాఫిక్ కూడా క్లియర్ అయిందని వెల్లడించారు. రిపేర్ జరుగుతున్న సమయంలోనే ఎవరో వీడియో తీసి వైరల్ చేశారని చెప్పారు. ఈ 296 కిలోమీటర్ల ఫోర్ లేన్ రహదారి నిర్మాణానికి రూ.14,850 కోట్లు ఖర్చు చేసింది కేంద్ర ప్రభుత్వం. ఈ ఎక్స్‌ప్రెస్‌ వేతో స్థానికంగా పెద్ద ఎత్తున పరిశ్రమలు ఏర్పాటవటమే కాకుండా కనెక్టివిటీ కూడా పెరగనుంది. చిత్రకూట్‌ను లక్నో-ఆగ్రా ఎక్స్‌ప్రెస్‌వేతో అనుసంధానించే ఈ నాలుగు వరుసల రహదారికి 2020 ఫిబ్రవరి 29న ఫౌండేషన్ స్టోన్‌ వేశారు ప్రధాని మోదీ. ఉత్తర్‌ప్రదేశ్ ఎక్స్‌ప్రెస్ వేస్ ఇండస్ట్రియల్ డెవలప్‌మెంట్ అథారిటీ(UPEIDA) నేతత్వంలో ఈ రహదారి నిర్మాణం చేపట్టారు. ప్రస్తుతానికి 4 లేన్ హైవే అయినప్పటికీ...భవిష్యత్‌లో దీన్ని ఆరు వరుసలకు విస్తరించాలని చూస్తున్నారు. రహదారి భద్రత విషయంలోనూ ఏ మాత్రం వెనకాడకుండా ర్యాపిడ్ యాక్షన్ ఫోర్స్ (RAF)ను అందుబాటులో ఉంచుతారు. వీరితో పాటు పోలీసులు కూడా అందుబాటులో ఉంటారు. ప్రతిష్ఠాత్మకంగా భావించిన ఈ రహదారి నిర్మాణంలో లోపాలు బయటపడటమే చర్చనీయాంశమైంది.

Published at : 22 Jul 2022 11:23 AM (IST) Tags: Akhilesh Yadav Bundelkhand Expressway Bundelkhand Expressway Damage Bundelkhand Expressway Uttar Pradesh

సంబంధిత కథనాలు

Breaking News Live Telugu Updates: హైదరాబాద్‌లో పేలిన ఎలక్ట్రిక్ బైక్, చార్జింగ్ పెడుతుండగా ఘటన

Breaking News Live Telugu Updates: హైదరాబాద్‌లో పేలిన ఎలక్ట్రిక్ బైక్, చార్జింగ్ పెడుతుండగా ఘటన

Har Ghar Tiraraga: ఢిల్లీ నుంచి గల్లీదాకా హర్ ఘర్‌ తిరంగా - దేశ వ్యాప్తంగా మువ్వన్నెల జెండా రెపరెపలు

Har Ghar Tiraraga: ఢిల్లీ నుంచి గల్లీదాకా హర్ ఘర్‌ తిరంగా - దేశ వ్యాప్తంగా మువ్వన్నెల జెండా రెపరెపలు

Sunday Funday: నేడు ‘సండే ఫండే’, సింపుల్‌గా ఇలా పార్కింగ్ చేస్కోండి! ట్రాఫిక్‌‌లో ఇరుక్కోకుండా ఇలా వెళ్లొచ్చు!

Sunday Funday: నేడు ‘సండే ఫండే’, సింపుల్‌గా ఇలా పార్కింగ్ చేస్కోండి! ట్రాఫిక్‌‌లో ఇరుక్కోకుండా ఇలా వెళ్లొచ్చు!

టీచర్‌తో వివాహేతర సంబంధం, ప్రియుడితో కలిసి భర్త హత్యకు సుపారీ - చివరికి ఏమైందంటే !

టీచర్‌తో వివాహేతర సంబంధం, ప్రియుడితో కలిసి భర్త హత్యకు సుపారీ - చివరికి ఏమైందంటే !

Global Healthcare Summit: గ్లోబల్ హెల్త్ స‌మ్మిట్‌‌లో పాల్గొనండి - ఏపీ సీఎం జ‌గ‌న్‌ను ఆహ్వానించిన ఎన్నారై డాక్టర్లు

Global Healthcare Summit: గ్లోబల్ హెల్త్ స‌మ్మిట్‌‌లో పాల్గొనండి - ఏపీ సీఎం జ‌గ‌న్‌ను ఆహ్వానించిన ఎన్నారై డాక్టర్లు

టాప్ స్టోరీస్

NTR In Oscar Race : హాలీవుడ్ హీరోలతో పోటీ - ఎన్టీఆర్‌కు ఆస్కార్?

NTR In Oscar Race : హాలీవుడ్ హీరోలతో పోటీ - ఎన్టీఆర్‌కు ఆస్కార్?

Tirumala Heavy Rush : తిరుమలలో భారీ రద్దీ, ఈ నెల 21 వరకు బ్రేక్ దర్శనాలు రద్దు

Tirumala Heavy Rush : తిరుమలలో భారీ రద్దీ, ఈ నెల 21 వరకు బ్రేక్ దర్శనాలు రద్దు

Rain Updates: అల్పపీడనం ఎఫెక్ట్ - తెలంగాణలో మరో 3 గంటల్లో భారీ వర్షాలు, ఏపీలో అక్కడ పిడుగులు పడే ఛాన్స్: IMD

Rain Updates: అల్పపీడనం ఎఫెక్ట్ - తెలంగాణలో మరో 3 గంటల్లో భారీ వర్షాలు, ఏపీలో అక్కడ పిడుగులు పడే ఛాన్స్: IMD

ఇప్పుడు కుమారి ఒంటరే - బాయ్‌ఫ్రెండ్‌తో ఆ సినిమా విడుదలకు ముందు...

ఇప్పుడు కుమారి ఒంటరే - బాయ్‌ఫ్రెండ్‌తో ఆ సినిమా విడుదలకు ముందు...