India Pakistan tension: పౌరవిమానాల్ని అడ్డం పెట్టుకుని పాకిస్తాన్ దాడులు- డ్రోన్లంటినీ కూల్చేశాం - భారత్ కీలక ప్రకటన
India: పౌరుల ప్రాణాలను అడ్డం పెట్టి భారత్ పై పాకిస్తాన్ దాడులకు ప్రయత్నిస్తోంది. అన్ని డ్రోన్ దాడులను నిర్వీర్యం చేశామని విక్రమ్ మిస్త్రి తెలిపారు.
Pakistan is trying to attack India : పాకిస్తాన్ తన పౌరుల ప్రాణాలను పణంగా పెట్టి, రక్షణగా వాడుకుని భారత్ పై దాడులు చేస్తోందని భారత్ ఆరోపించింది. గురువారం జరిగిన దాడులపై వింగ్ కమాండర్ వ్యోమికా సింగ్, కల్నర్ సోఫియా ఖురేషి, విదేశాంగ కార్యదర్శి విక్రమ్ మిస్త్రీ వివరాలు ప్రకటించారు. మే 7న సాయంత్రం 08:30 గంటలకు డ్రోన్లు, క్షిపణులతో పాకిస్తాన్ దాడులకు ప్రయత్నించిందని వింగ్ కమాండర్ వ్యోమికా సింగ్ తెలిపారు. డ్రోన్ , క్షిపణిదాడిని ప్రారంభించినప్పటికీ పాకిస్తాన్ తన పౌర వైమానిక ప్రాంతాన్ని మూసివేయలేదని తెలిపారు. భారతదేశంపై దాడి చేస్తే వెంటనే ప్రతి దాడి జరుగుతుందని తెలిసినప్పటికీ పాకిస్తాన్ పౌర విమానాలను కవచంగా ఉపయోగించుకుందని తెలిపారు. భారతదేశం , పాకిస్తాన్ మధ్య అంతర్జాతీయ సరిహద్దు సమీపంలో ఎగురుతున్న అంతర్జాతీయ విమానాలకు ఇది ప్రమాదకరమన్నారు. దీనికి సంబంధించి ఎయిర్ స్పేస్ స్క్రీన్ షాట్లను చూపించారు. పంజాబ్ సెక్టార్లో అధిక వాయు రక్షణ హెచ్చరిక పరిస్థితిలో అప్లికేషన్ ఫ్లైట్ రాడార్ 24 యొక్క డేటాను చూపిస్తోందన్నారు. భారత్ దాడులు ప్రారంభించిన తర్వాత ఎయిర్ స్పేస్ మూసివేశామని భారతదేశం వైపు ఉన్న వైమానిక ప్రాంతం పౌర వాయు ట్రాఫిక్కు పూర్తిగా దూరంగా ఉందనితెలిపారు. అయితే, కరాచీ మరియు లాహోర్ మధ్య వైమానిక మార్గంలో ఎగురుతున్న పౌర విమానాలు ఉన్నాయన్నారు. భారత వైమానిక దళం దాని ప్రతి దాడిలో సంయమనం పాటించిందని దీని వల్ల అంతర్జాతీయ పౌరవిమానాలకు ముప్పు తప్పిందన్నారు. భారత మిలిటరీ లక్ష్యాలను పాకిస్తాన్ టార్గెట్ చేసింది.. 300-400 డ్రోన్లతో పాక్ దాడికి ప్రయత్నించింది.. వాటిని సమర్థవంతంగా కూల్చేశామని వింగ్ కమాండర్ వ్యోమిక సింగ్ ప్రకటించారు.
#WATCH | Delhi: Wing Commander Vyomika Singh says, "...Pakistan did not close its civil airspace despite it launching a failed unprovoked drone and missile attack on 7 May at 08:30 hours in the evening. Pakistan is using civil airliner as a shield, knowing fully well that its… pic.twitter.com/VaTB61Wqr6
— ANI (@ANI) May 9, 2025
మే 7 , 8 తేదీల్లో రాత్రి సమయంలో సైనిక మౌలిక సదుపాయాలను లక్ష్యంగా చేసుకునే ఉద్దేశ్యంతో పాకిస్తాన్ సైన్యం మొత్తం పశ్చిమ సరిహద్దు అంతటా భారత గగనతలాన్ని అనేకసార్లు ఉల్లంఘించిందని కల్నర్ సోఫియా ఖురేషి తెలిపారు. పాకిస్తాన్ సైన్యం నియంత్రణ రేఖ వెంబడి భారీ క్యాలిబర్ ఆయుధాలను కూడా ప్రయోగించిందన్నారు. 36 ప్రదేశాలలో చొరబాటుకు ప్రయత్నించడానికి దాదాపు 300 నుండి 400 డ్రోన్లను ఉపయోగించారు. భారత సాయుధ దళాలు ఈ డ్రోన్లలో చాలా వాటిని కూల్చివేశాయన్నారు. ఇంత పెద్ద ఎత్తున వైమానిక చొరబాట్ల ఉద్దేశ్యం వాయు రక్షణ వ్యవస్థలను ధ్వంసం చేయడం, నిఘా సమాచారాన్ని సేకరించడమన్నారు. డ్రోన్ల శిథిలాల ఫోరెన్సిక్ దర్యాప్తు జరుగుతోంది. అవి టర్కిష్ అసిస్గార్డ్ సోంగర్ డ్రోన్లు అని ప్రాథమిక నివేదికలు సూచిస్తున్నాయని తెలిపారు.
#WATCH | Delhi: Colonel Sofiya Qureshi says, "On the night of May 7 and 8, the Pakistani army violated Indian airspace several times over the entire western border with the intention of targeting military infrastructure. Not only this, the Pakistani army also fired heavy caliber… pic.twitter.com/H5mkCdPqgW
— ANI (@ANI) May 9, 2025
పాకిస్తాన్ ని రెచ్చగొట్టే చర్యలు సైనిక స్థావరాలతో పాటు భారత నగరాలు , పౌర మౌలిక సదుపాయాలను లక్ష్యంగా చేసుకున్నాయి. భారత సాయుధ దళాలు బాధ్యతాయుతంగా స్పందించాయి. పాకిస్తాన్ చేసిన ఈ దాడులను పాకిస్తాన్ అధికారికంగా , స్పష్టంగా తిరస్కరించడం వారి కుట్రల తీరుకు నిదర్శనం అన్నారు. పాకిస్తాన్ తన చర్యలను అంగీకరించడానికి బదులుగా, అమృత్సర్ వంటి నగరాలను లక్ష్యంగా చేసుకుని పాకిస్తాన్ను నిందించడానికి భారత సాయుధ దళాలే ప్రయత్నిస్తున్నాయని అసంబద్ధమైన , దారుణమైన వాదనలు చేసిందని విమర్శించారు. అలాంటి చర్యలలో బాగా ప్రావీణ్యం కలిగి ఉన్నారని.... భారతదేశం డ్రోన్ దాడి ద్వారా నాన్కామా సాహిబ్ గురుద్వారాను లక్ష్యంగా చేసుకున్నట్లు పాకిస్తాన్ తప్పుడు సమాచారాన్ని వ్యాప్తి చేసిందని విమర్శించారు. మత విద్వేషాలను సృష్టించే ఉద్దేశ్యంతో పాకిస్తాన్ పరిస్థితికి మతపరమైన రంగును ఇవ్వడానికి తీవ్రంగా ప్రయత్నిస్తోందన్నారు.
#WATCH | Delhi: Foreign Secretary Vikram Misri says, "... Instead of owning up to its actions, Pakistan made the preposterous and outrageous claims that it is the Indian armed forces that is targeting its own cities like Amritsar and trying to blame Pakistan... They are… pic.twitter.com/vGWUukxbqe
— ANI (@ANI) May 9, 2025
టాప్ హెడ్ లైన్స్
ట్రెండింగ్ వార్తలు
