Nobel Prize 2021 For Physics: భౌతిక శాస్త్రంలో ముగ్గురికి నోబెల్.. సుకురో, క్లాస్, పారిసీకి దక్కిన పురస్కారం

భౌతికశాస్త్రంలో నోబెల్ బహుమతి 2021ని కమిటీ ప్రకటించింది. ఫిజిక్స్‌లో ముగ్గురికి నోబెల్‌ బహుమతి దక్కింది. సుకురో మనాబే, క్లాస్‌హాసెల్‌మేన్‌, జార్జియోపారిసీకి సంయుక్తంగా ఈ పురస్కారం ఇస్తున్నట్లు నోబెల్ కమిటీ ప్రకటించింది.

BREAKING NEWS:
The Royal Swedish Academy of Sciences has decided to award the 2021 #NobelPrize in Physics to Syukuro Manabe, Klaus Hasselmann and Giorgio Parisi “for groundbreaking contributions to our understanding of complex physical systems.” pic.twitter.com/At6ZeLmwa5

— The Nobel Prize (@NobelPrize) October 5, 2021

భూతాపం తీవ్రతను అంచనా వేయడంపై సాగిన పరిశోధనల నేపథ్యంలో వీరికి అవార్డు ఇస్తున్నట్లు తెలిపింది.

వైద్య శాస్త్రంలో..

2021 ఏడాదికి గాను వైద్యశాస్త్రానికి సంబంధించిన నోబెల్​ బహుమతిని ప్రకటించారు. డేవిడ్​ జులియస్​, ఆర్డెమ్​ పటాపౌటియన్​ను సంయుక్తంగా నోబెల్​ బహుమతి వరించింది. వేడి, చలి, స్పర్శకు మానవ శరీరంలోని నాడీ వ్యవస్థ ఎలా ప్రతిస్పందిస్తుందనే అంశంపై వీరిద్దరూ పరిశోధనలు చేశారు.

ఉష్ణ గ్రాహకాలపై పరిశోధన కోసం మిరపకాయల్లోని కాప్సాయ్​సిన్​ అనే ఘాటైన పదార్థాన్ని డేవిడ్ ఉపయోగించారు. వేడికి ప్రతిస్పందించేలా చర్మంలో ఉండే సెన్సార్​ను గుర్తించారు. ఇదే తరహాలో చర్మం, శరీరంలోని అవయవాలు స్పర్శకు ఎలా స్పందిస్తాయనే అంశంపై ఆర్డెమ్ పరిశోధన చేశారు.

ఈ అవార్డులో భాగంగా బంగారు పతకంతో పాటు దాదాపు 1.14 మిలియన్ల అమెరికన్ డాలర్లను బహుమతిగా ఇస్తారు. ఇదే ఈ ఏడాదిలో ప్రకటించిన మొదటి నోబెల్ బహుమతి. భౌతిక శాస్త్రానికి సంబంధించి ఈరోజు పురస్కారం ప్రకటించారు. రసాయన శాస్త్రం, సాహిత్యం, శాంతి, ఆర్థిక శాస్త్రంపై త్వరలోనే బహుమతులు ప్రకటించనున్నారు.

Also Read: Nobel Prize 2021: డేవిడ్, ఆర్డెమ్‌కు వైద్య రంగంలో సంయుక్తంగా నోబెల్ బహుమతి

Also Read:WhatsApp Down: వాట్సాప్, ఫేస్‌బుక్ డౌన్.. ఫన్నీ మీమ్స్‌తో ఆడేసుకుంటున్న నెటిజన్స్

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channelసబ్‌స్క్రైబ్‌ చేయండి