Lakhimpur Violence: ఆసుపత్రిలో చేరిన ఆశిష్ మిశ్రా.. కేంద్రమంత్రి కుమారుడికి డెంగీ!

లఖింపుర్ ఘటనలో ప్రధాన నిందితుడిగా ఉన్న కేంద్ర హోంశాఖ సహాయ మంత్రి అజయ్ మిశ్రా కుమారుడు ఆశిష్ మిశ్రా ఆసుపత్రిలో చేరారు. ఆయనకు డెంగీ సోకినట్లు వైద్యులు తెలిపారు. జైలు వద్ద ఉన్న ఆసుపత్రిలోనే ఆయనకు చికిత్స అందిస్తున్నట్లు అధికారులు తెలిపారు.

Lakhimpur Kheri violence incident: Main accused Ashish Mishra, who is currently lodged in district jail has been shifted to a govt hospital due to suspected dengue, a senior jail official said his blood sample has been sent for confirmation of dengue.

— ANI UP (@ANINewsUP) October 24, 2021

శుక్రవారం ఆయనకు రెండు రోజుల కస్టడీ విధిస్తూ కోర్టు ఆదేశాలిచ్చింది. అయితే తనకు జ్వరంగా ఉందని ఆశిష్ చెప్పడంతో అధికారులు ఆయన రక్తం శాంపిళ్లను పరీక్షకు పంపారు. రిపోర్టులో ఆశిష్‌కు డెంగీ వచ్చినట్లు ధ్రువీకరణైంది. అతని ఆరోగ్యం క్షీణించడంతో ఆశిష్ మిశ్రాను శనివారం రాత్రి 10 గంటలకు జైలు ఆసుపత్రిలో చేర్చారు.

ఇప్పటికే ఆశిష్‌ మిశ్రాకు రెండు సార్లు పోలీసు కస్టడీ విధించింది కోర్టు. లఖింపుర్ కేసులో మరో ముగ్గుర్ని పోలీసులు అరెస్ట్ చేశారు. ఇప్పటివరకు మొత్తం 13 మంది పోలీసులు అరెస్ట్ చేశారు.