Watch Video: ఆ వాచ్ విలువ రూ.27 కోట్లు- అవాక్కయ్యారా? ఇదీ సంగతి!

Watch Video: ఆ వాచ్ విలువ అక్షరాలా రూ.27 కోట్లు. అవును అంతటి ఖరీదైన వాచ్‌ను అక్రమంగా తరలిస్తోన్న ఓ వ్యక్తిని కస్టమ్స్ అధికారులు పట్టుకున్నారు.

ఆ వాచ్ విలువ రూ.27 కోట్లు- అవాక్కయ్యారా? ఇదీ సంగతి!

Watch Video: సాధారణంగా ఓ వాచ్ విలువ ఎంత ఉంటుంది? వేలల్లో ఉంటుంది, మరీ రిచ్ అయితే లక్షల్లో ఉంటుంది. కానీ వాచ్ విలువ రూ.27 కోట్లు అంటే నమ్ముతారా? అవును దిల్లీ విమానాశ్రయంలో అక్రమంగా తరలిస్తోన్న ఓ వాచ్‌ను కస్టమ్స్ అధికారులు పట్టుకున్నారు. ఆ వాచ్ విలువ అక్షరాలా రూ.27 కోట్లు. 

షాక్!

అత్యంత ఖ‌రీదైన చేతి గడియారాన్ని అక్రమంగా తరలించేందుకు ప్రయత్నిస్తున్న ఓ వ్యక్తిని దిల్లీలోని ఇందిరా గాంధీ అంతర్జాతీయ విమానాశ్రయంలో కస్టమ్స్ అధికారులు అరెస్ట్ చేశారు. అతని నుంచి స్వాధీనం చేసుకున్న వాచీల్లో ఒకటి బంగారంతో వజ్రాలు పొదిగినదని, దాని విలువ రూ.27.09 కోట్లు అని అధికారులు గురువారం తెలిపారు. 

" విలువ పరంగా చూస్తే మేం పట్టుకున్న అతిపెద్ద విలాసవంతమైన వస్తువుల్లో ఇది ఒకటి. ఈ వాచీల విలువ దాదాపు 60 కిలోల బంగారంతో సమానం. దుబాయ్ నుంచి మంగళవారం ఇక్కడికి వచ్చిన ఓ ప్రయాణికుడి దగ్గర ఇవి దొరికాయి.     

The seized watches belong to international premium luxury brands including Jacob & Co and Rolex pic.twitter.com/Cjz1raonhR

— Delhi Customs (Airport & General) (@AirportGenCus) October 6, 2022

                                "

-  జుబైర్ రియాజ్ కమిలి, కస్టమ్స్ కమిషనర్ 

ఇలా దొరికాడు!

సదరు ప్రయాణికుడిని కస్టమ్స్ శాఖ అధికారులు తనిఖీ చేసినపుడు ఈ వాచీలు బయటపడ్డాయి. నిందితుడు భారత పౌరుడు. అతని వద్ద మొత్తం ఏడు చేతి గడియారాలు స్వాధీనం చేసుకున్నట్లు అధికారులు తెలిపారు.  స్వాధీనం చేసుకున్న గడియారాల్లో జాకబ్ & కో (మోడల్: BL115.30A), పియాజెట్ లైమ్‌లైట్ స్టెల్లా (SI.No.1250352 P11179), రోలెక్స్ ఓస్టెర్ పెర్పెచ్యువల్ డేట్ జస్ట్ బ్రాండ్లకు చెందిన ఈ వాచీలు అత్యంత ఖరీదైనవి.

వాటిలో  జాకబ్ అండ్ కంపెనీ(మోడల్ బిఎల్115.30ఎ) విలువ రూ. 27.09 కోట్లని తెలిపారు. ఏడు రిస్ట్ వాచీలతోపాటు వజ్రాలు పొదిగిన బంగారం బ్రేస్‌లెట్, ఒక ఐఫోన్ పిఆర్‌ఓ 256 జిబి కూడా ఆ వ్యక్తి నుంచి స్వాధీనం చేసుకున్నట్లు తెలిపారు. వీటి మొత్తం విలువ రూ.28.17 కోట్లని ఆయన చెప్పారు. వాచీలను స్వాధీనం చేసుకుని ప్రయాణికుడిని అరెస్టు చేశారు.

నిందితుడు ఓ ట్రావెలర్ కాగా, అతని మామకు దుబాయ్‌లో ఖరీదైన గడియారాల షోరూమ్ ఉందని, యునైటెడ్ అరబ్ ఎమిరేట్స్ (యుఎఇ)లోని ఇతర ప్రదేశాలలో దీనికి శాఖలు ఉన్నాయని కస్టమ్స్ డిపార్ట్‌మెంట్ సీనియర్ అధికారి తెలిపారు.

ప్రాణ భయం!

గుజరాత్‌కు చెందిన ఓ క్లయింట్ వీటిని అందచేయాల్సి ఉందని నిందితుడు చెప్పినట్లు సమాచారం. నిందితుడు ఇప్పటి వరకు కస్టమర్ పేరు వెల్లడించలేదని, తనకు ప్రాణ భయం ఉందని చెప్పాడని తెలిపారు. 

" దిల్లీ విమానాశ్రయంలో అప్రమత్తమైన కస్టమ్స్ అధికారులు భారీ ట్రాఫిక్ ఒత్తిడిని ఎదుర్కొన్నప్పటికీ ఈ వ‌స్తువుల‌ను స్వాధీనం చేసుకున్న‌ారు. దిల్లీలోని ఓ ఫైవ్ స్టార్ హోటల్‌లో ఉన్న క‌స్ట‌మ‌ర్‌కు ఈ వ‌స్తువుల‌ను అందించాల‌ని నిందితుడు చెప్పాడు. కానీ ఇప్పటి వరకు కస్టమర్ పేరు వెల్లడించలేదు. తనకు ప్రాణ భయం ఉందని చెప్పాడు.                                      "

-  సూర్జిత్ భుజ్‌బల్, దిల్లీ కస్టమ్స్ జోన్ చీఫ్ కమిషనర్