Warehouse Collapsed In Delhi: నిర్మాణంలో ఉన్న గోడ కూలి ఐదుగురు మృతి

Warehouse Collapsed In Delhi: దిల్లీలో నిర్మాణంలో ఉన్న గోడ కూలి ఐదుగురు మృతి చెందారు.

(Image Source: ANI)

Warehouse Collapsed In Delhi: దిల్లీ ఘోర ప్రమాదం జరిగింది. నిర్మాణంలో ఉన్న గోదాము గోడ కూలి ఐదుగురు కూలీలు ప్రాణాలు కోల్పోయారు. మరో 9 మంది గాయపడ్డారు. అలీపుర్ ప్రాంతంలో శుక్రవారం ఈ ఘటన జరిగింది. 

Alipur wall collapse, Delhi | Of the 10 people rescued, 4 dead. The injured have been sent to the hospital. Rescue operation continues as some more people are feared trapped: Delhi Police pic.twitter.com/XwQccfjxZf

— ANI (@ANI) July 15, 2022

సహాయక చర్యలు

Alipur wall collapse, Delhi | 5 dead, 9 injured including 2 critical cases. Debris being cleared from the site: Delhi Police pic.twitter.com/imcY7jApt5

— ANI (@ANI) July 15, 2022

ఈ ప్రమాదంలో శిథిలాల కింద మరికొంత మంది చిక్కుకున్నారు. వారిని రక్షించేందుకు పోలీసులు, అగ్నిమాపక సిబ్బంది తీవ్రంగా ప్రయత్నిస్తున్నారు. ప్రమాద సమయంలో ఆ ప్రాంతంలో 20-25 మంది కూలీలు పనిచేస్తున్నట్లు సమాచారం. అయితే ఇది అక్రమ నిర్మాణమని స్థానికులు ఆరోపించారు. ఇప్పటికే అధికారులకు ఫిర్యాదు చేసినా పట్టించుకోలేదని విమర్శించారు. అందుకే ఇలా ప్రమాదం జరిగిందని స్థానికులు తెలిపారు.

దిల్లీ ప్రభుత్వం

ఈ ప్రమాదంపై దిల్లీ ముఖ్యమంత్రి అరవింద్ కేజ్రీవాల్ స్పందించారు. బాధితులకు మెరుగైన చికిత్స అందించాలని ఆదేశించినట్లు పేర్కొన్నారు.

అలీపూర్ ప్రమాదం చాలా బాధాకరం. అధికార యంత్రాంగం ద్వారా రెస్క్యూ ఆపరేషన్ కొనసాగుతోంది. ఈ విషాద సమయంలో దిల్లీ ప్రభుత్వం బాధితులకు అండగా ఉంది.మృతుల ఆత్మకు శాంతి కలగాలని, క్షతగాత్రులు క్షేమంగా ఉండాలని భగవంతుడిని ప్రార్థిస్తున్నాను.

క్షతగాత్రులకు మెరుగైన చికిత్స అందిస్తున్నట్లు దిల్లీ ఉప ముఖ్యమంత్రి మనీశ్ సిసోడియా తెలిపారు. మృతులకు ప్రగాఢ సానుభూతి వ్యక్తం చేశారు.