Viral Video: బిడ్డను కాపాడేందుకు ప్రాణాలిచ్చేసిన తల్లి జింక- ఇది కదా అమ్మ ప్రేమంటే!

ప్రపంచంలో అమ్మ ప్రేమను మించింది ఏదీ లేదు. ప్రతి క్షణం పిల్లల కోసమే తపించే అమ్మ కంటే ఎవరూ ఎక్కువ కాదు. పిల్లలకు చిన్న కష్టం వస్తేనే తల్లి తల్లడిల్లిపోతుంది. అలాంటిది తన బిడ్డకు ఆపద వస్తే ఊరుకుంటుందా? ప్రాణాలకు తెగించి కాపాడుతుంది. అవసరమైతే ప్రాణాలైనా ఇచ్చేస్తుంది. తాజాగా ఇలాంటి ఓ వీడియో సోషల్ మీడియాలో వైరల్ అవుతోంది. 

తల్లి త్యాగం

No words can describe the power, beauty and heroism of mother's love 🙏🏻

Heartbreaking video of a mother deer sacrificing herself for saving her baby 😞

It reminds us to Never ignore your parents and family.
Respect them and take care of them when it's your turn 🙏🏻

(VC : SM ) pic.twitter.com/e8K9WQiqIc

— Sonal Goel IAS (@sonalgoelias) April 6, 2022

ఐఏఎస్ అధికారిణి సోనాల్ గోయెల్ ఓ జింకపై దాడి చేయబోతున్న మొసలి వీడియోను ట్విటర్‌లో షేర్‌ చేశారు. ఇందులో నదిలో ఆకలితో ఉన్న ఓ మొసలికి కొంత దూరంలో జింక ఈత కొడుతూ కనిపించింది. జింకను ఆహారంగా చేసుకోవాలని మొసలి దానిని పట్టుకునేందుకు వేగంగా కదులుతూ వచ్చింది. అయితే కొంత దూరంలో ఉన్న తల్లి జింక రాబోయే ప్రమాదాన్ని గమనించి తన బిడ్డను రక్షించుకునేందుకు వెంటనే నీటిలోకి దూకి రెండింటి మధ్యలోకి వస్తుంది. దీంతో దూరంలో ఉన్న పిల్ల జింకను వదిలేసి పక్కనే ఉన్న తల్లి జింకను మొసలి తన ఆహారంగా తీసుకుంది. తన బిడ్డను కాపాడనుకునే క్రమంలో తల్లి జింక ప్రాణత్యాగం చేసింది.

ఏప్రిల్ 6న పోస్టు చేసిన ఈ వీడియో ప్రస్తుతం నెట్టింట్లో వైరల్‌గా మారింది. దీనిని చూసిన నెటిజన్లు జింక ప్రాణత్యాగం తల్లి ప్రేమకు నిదర్శనమని ప్రశంసిస్తున్నారు. ఈ హృదయ విదారక ఘటన గుండెల్ని పిండేస్తోందని కామెంట్‌ చేస్తున్నారు. అమ్మ ప్రేమకు ఎలాంటి భేదాలు, హద్దులు లేవని నెటిజెన్లు ట్వీట్ చేస్తున్నారు. ప్రస్తుతం ఈ వీడియో బాగా వైరల్ అవుతోంది.

Also Read: Intelligence Report: భారత పవర్ గ్రిడ్‌పై చైనా హ్యాకర్ల దాడి- ఇవేం పనులురా నాయనా?

Also Read: New York Ganesh Temple Street: అమెరికాలో ఓ వీధికి 'గణేశ్ టెంపుల్' పేరు- ఎందుకు పెట్టారంటే?