Lost and Found Service: విమాన ప్రయాణంలో వస్తువులు మిస్సింగ్! ఆ మరిచిపోయిన ఐటెమ్స్ను ఇలా తిరిగి పొందవచ్చు
Lost and Found Service at Airports | విమాన ప్రయాణాల్లో కొన్ని సందర్భాల్లో అనుకోకుండా మీ విలువైన వస్తువులు మరిచిపోతుంటారు. లేక మీరు వాటిని కలెక్ట్ చేసుకోవడం జరుగుతుంది. వీటికి పరిష్కారం దొరికింది.
How to Retrieve the Lost Item during Air Travel | ప్రపంచ వ్యాప్తంగా విమానయానం దూర గమ్యాలను చేరుకోవడానికి సులభమైన, వేగవంతమైన మార్గంగా మారింది. అయితే, కొన్ని సందర్భాల్లో ప్రయాణికులు అనుకోకుండా తమ విలువైన వస్తువులను మరచిపోతుంటారు. ముఖ్యంగా పాస్పోర్ట్, ల్యాప్టాప్, వాలెట్ వంటి విలువైన వస్తువులు దొరకడం మరింత కష్టంగా మారుతుంది. అయితే ప్రపంచ వ్యాప్తంగా ఎయిర్లైన్స్ రోజూ కొన్ని వేల సంఖ్యలో కోల్పోయిన వస్తువులను యజమానులకు తిరిగి అందించడానికి కృషి చేస్తున్నాయి. మీరు కోల్పోయిన వస్తువులను తిరిగి పొందాలంటే, కొన్ని విషయాలు పాటించాల్సి ఉంటుంది.
విమానంలో వస్తువు మరిచిపోతే వెంటనే మీరు ప్రయాణించిన ఎయిర్లైన్ సిబ్బందిని సంప్రదించండి:
మీరు విమానంలో లేదా విమానాశ్రయంలో ఏదైనా వస్తువు మరిచిపోతే ఆందోళన చెందకండి. మీరు ఆ వస్తువును చివరిసారి ఎక్కడ ఉపయోగించారో గుర్తించడానికి ప్రయత్నించాలి. మీ వస్తువు విమానంలో ఉండిపోయింది అనుకుంటే, వెంటనే ఎయిర్లైన్ సిబ్బందిని సంప్రదించాలి. విమానాశ్రయంలో కస్టమర్ సర్వీస్ డెస్క్ వద్ద కూడా రిపోర్ట్ చేయవచ్చు. మీ బోర్డింగ్ పాస్ లేదా డిజిటల్ టికెట్ చూపించి మీ ప్రయాణ సమాచారాన్ని ఇవ్వండి.
విమానాశ్రయంలో వస్తువు మరిచిపోతే - Lost & Found కార్యాలయం:
ఎయిర్లైన్లు Lost & Found విభాగంలో కోల్పోయిన వస్తువులను సేకరించి యజమానులకు తిరిగి అందించే ప్రక్రియను నిర్వహిస్తాయి. గమ్యస్థానానికి చేరిన తర్వాత ఎయిర్లైన్ ఆఫీసు లేదా వెబ్సైట్ ద్వారా సమాచారం అందించవచ్చు. కొన్ని ఎయిర్లైన్లు ఆన్లైన్ ట్రాకింగ్ సౌకర్యాన్ని కూడా కల్పిస్తాయి. మీరు విమానాశ్రయంలో వస్తువు మరిచిపోయినట్లు అనిపిస్తే, అక్కడి Lost & Found కార్యాలయాన్ని సంప్రదించండి. ప్రధాన విమానాశ్రయాల్లో ఈ సేవకు సంబంధించిన వెబ్సైట్ లేదా మొబైల్ యాప్ ద్వారా రిపోర్ట్ నమోదు చేసుకోవడానికి సౌకర్యం ఉంది. మీ వస్తువు చివరిసారి ఎక్కడ ఉంచారు, దానికి సంబంధించి ప్రత్యేక లక్షణాలను వివరించండి. వస్తువుపై ఉన్న ప్రత్యేక గుర్తులు, మీ సీటు నంబర్, టెర్మినల్ సమాచారం వంటి ముఖ్యమైన వివరాలను జత చేయండి. ఈ విధానం ద్వారా అధికారులు మీ వస్తువును త్వరగా గుర్తించి, మీకు సమాచారం అందించే అవకాశం ఉంటుంది.
ఫోన్ లేదా ఈమెయిల్ ద్వారా ఫాలో-అప్ చేయండి (Follow up via Phone/ Email)
మీ రిపోర్ట్ సమర్పించిన తర్వాత, ఎయిర్లైన్ లేదా విమానాశ్రయ అధికారులతో ఫోన్ లేదా ఈమెయిల్ ద్వారా ఫాలో-అప్ చేయడం మంచిది. మీకు ఇచ్చిన రెఫరెన్స్ నంబర్ ద్వారా మీ వస్తువు స్థితిగతుల గురించి వివరాలు త్వరగా తెలుసుకోవచ్చు.
వస్తువు లభించినప్పుడు - ఎలా పొందవచ్చు? (How to Retrieve the Lost Item:)
మీ వస్తువు లభించినప్పుడు, ఎయిర్లైన్ లేదా విమానాశ్రయం అధికారులు మీకు సమాచారం అందిస్తారు. ఆ సమయంలో, మీరు ఇచ్చిన ఐడీ ప్రూఫ్ తో Lost & Found కార్యాలయానికి వెళ్లి మీ వస్తువును తిరిగి పొందవచ్చు. కొన్ని సందర్భాలలో, వస్తువులు పోస్టల్ ద్వారా పంపించవచ్చు, కానీ ఇది ప్రత్యేకంగా అందించే సేవ మాత్రమే.
ముందస్తు జాగ్రత్తలు:
మీ ప్రయాణంలో వస్తువులు కోల్పోకుండా ఉండేందుకు, ఈ క్రింది జాగ్రత్తలు తీసుకోవాలి:
- ముఖ్యమైన వస్తువులు (ఫోన్, పాస్పోర్ట్, వాలెట్) ప్రత్యేకంగా Carry-on baggage లో జాగ్రత్తగా ఉంచుకోండి.
- విమానాశ్రయంలో బయలుదేరే ముందు లేదా విమానం దిగే సమయంలో మీ వస్తువులను సమీక్షించడం అలవాటు చేసుకోండి.
- సెక్యూరిటీ చెకప్ సమయంలో మీ వస్తువులపై ప్రత్యేక దృష్టి పెట్టండి.
ప్రపంచ వ్యాప్తంగా విమానాశ్రయాలు ప్రయాణికుల భద్రతా ప్రమాణాలకు అనుగుణంగా తమ సేవలను అభివృద్ధి చేస్తున్నాయి. ఓక వేళ మీ విలువైన వస్తువులు మరిచి పొతే, ఎయిర్లైన్ మరియు విమానాశ్రయ అధికారుల సూచనలు పాటించడం ద్వారా సమస్యను సులభంగా పరిష్కరించవచ్చు. ముందస్తు జాగ్రత్తలు తీసుకోవడం ద్వారా అనవసరమైన సమస్యలను నివారించవచ్చు.
టాప్ హెడ్ లైన్స్
ట్రెండింగ్ వార్తలు
