చంద్రుడిపై సెంచరీ చేసిన ప్రజ్ఞాన్ రోవర్, 100 మీటర్లు ప్రయాణించినట్టు ఇస్రో ప్రకటన

Chandrayaan-3 Updates: 

100 మీటర్ల ప్రయాణం..

ఆదిత్య L1 ని విజయవంతంగా ప్రయోగించిన ఇస్రో చంద్రయాన్ 3 గురించి మరో ఇంట్రెస్టింగ్ అప్‌డేట్ ఇచ్చింది. ప్రజ్ఞాన్ రోవర్ చంద్రుడిపై ఓ కీలక మైలురాయిని దాటిందని ప్రకటించింది. చంద్రుడి ఉపరితలంపై 100 మీటర్ల మేర ప్రయాణించిందని వెల్లడించింది. ఇంకా అదే జోష్‌తో తిరుగుతోందని తెలిపింది. "ప్రజ్ఞాన్ 100" అంటూ ఓ ట్వీట్ చేసింది. రోవర్‌ని మరో రెండు రోజుల్లో స్లీప్‌ మోడ్‌లో పెడతామని ఇస్రో చీఫ్ ఎస్ సోమనాథ్ ప్రకటించారు. 

"చంద్రుడిపైన ప్రజ్ఞాన్ రోవర్ దూకుడు మీదుంది. 100 మీటర్లు ప్రయాణించింది. ఇంకా ప్రయాణిస్తూనే ఉంది"

- ఇస్రో 

Chandrayaan-3 Mission:

🏏Pragyan 100*

Meanwhile, over the Moon, Pragan Rover has traversed over 100 meters and continuing. pic.twitter.com/J1jR3rP6CZ

— ISRO (@isro) September 2, 2023

ఆడుకుంటున్న రోవర్..

చంద్రయాన్ 3 కి సంబంధించి రోజుకో ఆసక్తికర అప్‌డేట్‌ షేర్ చేస్తున్న ఇస్రో...ఇటీవలే ఓ స్పెషల్ వీడియో విడుదల చేసింది. ప్రజ్ఞాన్ రోవర్‌ వీడియోని షేర్ చేసింది. చంద్రుడి ఉపరితలంపై రోవర్‌ అటూ ఇటూ కదులుతున్న వీడియోని ట్విటర్‌లో పోస్ట్ చేసింది. ఈ వీడియోలో రోవర్ 360 డిగ్రీల కోణంలో తిరుగుతోంది. సేఫ్ రూట్‌ని చూసుకుంటూ ముందుకు కదులుతుండటాన్ని గమనించవచ్చు. ఇందులో రోవర్‌ డ్యాన్స్ చేస్తున్నట్టుగా ఉంది. ఈ వీడియోపై ఇస్రో చాలా పొయెటిక్‌గా స్పందించింది. రోవర్‌ చంద్రుడిపై తిరుగుతుంటే చిన్న పిల్లాడు చందమామపై ఆడుకుంటున్నట్టుగా ఉందని ట్వీట్ చేసింది. 

"సేఫ్ రూట్‌ కోసం రోవర్ ప్రయత్నిస్తోంది. ఈ క్రమంలోనే 360 డిగ్రీల కోణంలో తిరుగుతోంది. ల్యాండర్ ఇమేజర్ కెమెరా ఈ వీడియోని రికార్డ్ చేసింది. ఈ వీడియో చూస్తుంటే ఓ చిన్న పిల్లాడు చందమామపై ఆడుకుంటుంటే తల్లి ఆ పిల్లాడిని చూస్తూ సంతోషిస్తున్నట్టుగా అనిపిస్తోంది"

- ఇస్రో 

 

Chandrayaan-3 Mission:
The rover was rotated in search of a safe route. The rotation was captured by a Lander Imager Camera.

It feels as though a child is playfully frolicking in the yards of Chandamama, while the mother watches affectionately.
Isn't it?🙂 pic.twitter.com/w5FwFZzDMp

— ISRO (@isro) August 31, 2023