Bypoll Results 2025: గుజరాత్, పంజాబ్ లలో సత్తా చాటిన AAP, కేరళలో ఎల్డీఎఫ్ ఓటమి.. బెంగాల్ లో మమతా టీఎంసీ ఘన విజయం
గుజరాత్లోని విశావదర్ను, పంజాబ్లోని లూథియానా వెస్ట్ను ఆప్ విజయం సాధించింది. గుజరాత్లోని కడిని బిజెపి కైవసం చేసుకుంది. కేరళలోని నీలంబర్ను కాంగ్రెస్ నెగ్గింది. కలిగంజ్లో టిఎంసి గెలిచింది.
ByElection Results 2025 న్యూఢిల్లీ: జూన్ 19న నాలుగు రాష్ట్రాల్లోని ఐదు అసెంబ్లీ నియోజకవర్గాల్లో జరిగిన ఉప ఎన్నికలు వచ్చాయి. ఆమ్ ఆద్మీ పార్టీ (AAP) గుజరాత్, పంజాబ్లలో విజయాలు సాధించగా, కేరళలో కాంగ్రెస్ నేతృత్వంలోని యునైటెడ్ డెమోక్రటిక్ ఫ్రంట్ (UDF) అధికారంలో ఉన్న లెఫ్ట్ డెమోక్రటిక్ ఫ్రంట్ (LDF)కు షాక్ ఇచ్చింది. పశ్చిమ బెంగాల్లో తృణమూల్ కాంగ్రెస్ ఘన విజయం సాధించి తన పట్టును నిలుపుకుంది.
గుజరాత్లోని విశావదర్లో ఆప్ విజయం
గుజరాత్ జునాగఢ్ జిల్లాలోని విశావదర్ స్థానంలో ఆప్ మాజీ రాష్ట్ర అధ్యక్షుడు గోపాల్ ఇటాలియా విజయం సాధించారు. భారతీయ జనతా పార్టీ (BJP) అభ్యర్థి కిరిత్ పటేల్ను 17,554 ఓట్ల తేడాతో ఓడించారు. ముఖ్యంగా, 2007 నుండి బిజెపి ఈ స్థానంలో విజయం సాధించలేదు. డిసెంబర్ 2023లో ఆప్ ఎమ్మెల్యే భూపేంద్ర భయాని రాజీనామా చేయడంతో ఈ స్థానం ఖాళీ అయింది. భయాని తరువాత బిజెపిలో చేరారు.
గుజరాత్ లోని మెహసానా జిల్లాలోని కాడి స్థానాన్ని బీజేపీ నిలుపుకుంది బీజేపీ అభ్యర్థి రాజేంద్ర చావడా కాంగ్రెస్ అభ్యర్థి రమేష్ చావడాను 39,452 ఓట్ల తేడాతో ఓడించారు. షెడ్యూల్డ్ కులాల అభ్యర్థులకు రిజర్వ్ చేసిన ఈ స్థానం ఫిబ్రవరిలో బిజెపి ఎమ్మెల్యే కర్సన్ సోలంకి మృతితో ఉప ఎన్నిక వచ్చింది. పార్టీ పనితీరుకు బాధ్యత వహిస్తూ, గుజరాత్ కాంగ్రెస్ అధ్యక్షుడు శక్తిసింగ్ గోహిల్ విసవాదర్, కాడిలలో ఓడిపోవడంతో రాజీనామా చేశారు.
పంజాబ్లో స్థానాన్ని నిలుపుకున్న ఆప్, లుధియానా వెస్ట్లో కాంగ్రెస్ ఓటమి
పంజాబ్లో అధికారంలో ఉన్న ఆప్ లుధియానా వెస్ట్ నియోజకవర్గాన్ని నిలబెట్టుకుంది. అభ్యర్థి సంజీవ్ అరోరా 10,637 ఓట్ల తేడాతో కాంగ్రెస్ అభ్యర్థి భరత్ భూషణ్ ఆశును ఓడించారు, ఆశుకు 24,542 ఓట్లు రాగా, సంజీవ్ అరోరా 35,179 ఓట్లు సాధించారు. బిజెపి అభ్యర్థి జీవన్ గుప్తా 20,323 ఓట్లు సాధించగా, శిరోమణి అకాలీదళ్కు చెందిన పరుప్కర్ సింగ్ ఘుమాన్ 8,203 ఓట్లు సాధించారు. ఈ ఏడాది ప్రారంభంలో ఆప్ ఎమ్మెల్యే గుర్ప్రీత్ బాస్సీ గోగి చనిపోవడంతో ఇక్కడ ఉప ఎన్నిక అనివార్యమైంది.
ఉప ఎన్నికల్లో రెండు స్థానాల్లో ఆప్ విజయాలను "2027కి సెమీ-ఫైనల్"గా ఆప్ జాతీయ కన్వీనర్ అరవింద్ కేజ్రీవాల్ అభివర్ణించారు. Xలో ఇలా అన్నారు, "కాంగ్రెస్, బిజెపి రెండూ రెండు స్థానాల్లోనూ కలిసి ఎన్నికల్లో పోటీ చేశాయి. ఈ పార్టీల లక్ష్యం ఆప్ను ఓడించడం. కానీ ప్రజలు ఈ రెండు పార్టీలను రెండు చోట్లా తిరస్కరించి ఆప్ అభ్యర్థులను గెలిపించారు" అని కేజ్రీవాల్ పేర్కొన్నారు.
పంజాబ్ ముఖ్యమంత్రి భగవంత్ మాన్ కూడా ఉప ఎన్నికల ఫలితాలపై హర్షం వ్యక్తం చేశారు. ఈ ఫలితాలు తన ప్రభుత్వం పనితీరు పట్ల ప్రజల సంతృప్తికి నిదర్శనం అన్నారు. "మేము పంజాబ్ అభివృద్ధి, శ్రేయస్సు కోసం పూర్తి నిజాయితీతో రాత్రింభవళ్లు కష్టపడుతున్నాం" అని అన్నారు.
కేరళలోని నీలంబూర్ స్థానంలో ఎల్డిఎఫ్ ఓటమి
కేరళలో కాంగ్రెస్ నేతృత్వంలోని యుడిఎఫ్ నీలంబూర్ నియోజకవర్గంలో విజయం సాధించింది. హోరాహోరీగా జరిగిన ఎన్నికల్లో సిపిఐ(ఎం)ను ఓడించింది. దివంగత పార్టీ నేత ఆర్యదన్ మహమ్మద్ కుమారుడు కాంగ్రెస్ అభ్యర్థి ఆర్యదన్ శౌకత్ సిపిఐ(ఎం) రాష్ట్ర కార్యదర్శి సభ్యుడు స్వరాజ్పై 11,077 ఓట్ల తేడాతో గెలుపొందారు. రెండుసార్లు ఎమ్మెల్యేగా చేసిన ఎల్డిఎఫ్ మద్దతుదారుడైన పి.వి.అన్వర్ రాజీనామా చేయడంతో ఇక్కడ ఉప ఎన్నిక వచ్చింది.
కేరళ ముఖ్యమంత్రి పినరయి విజయన్ రెండవసారి పదవీ బాధ్యతలు చేపట్టిన తరువాత పుతుప్పల్లి, పాలక్కాడ్, త్రికాకరాలలో ఓడిపోవడంతో ఎల్డిఎఫ్కు ఉప ఎన్నికల్లో నాలుగో ఓటమి. సిపిఐ(ఎం) నాయకులు ప్రజల తీర్పును గౌరవిస్తున్నామని చెప్పారు. అయితే, శౌకత్ మాట్లాడుతూ, "ఇది కేరళ ప్రజలు ఊహించిన విజయం - ఎల్డిఎఫ్ ప్రభుత్వానికి వ్యతిరేకంగా ఇది ఒక ప్రధాన విజయం" అని అన్నారు. స్వతంత్ర అభ్యర్థిగా మళ్లీ పోటీ చేసిన అన్వర్ రెండు ఫ్రంట్లకు షాకిస్తూ బలమైన పోటీ ఇచ్చారు.
కలిగంజ్లో టీఎంసీ భారీ విజయం
పశ్చిమ బెంగాల్లో తృణమూల్ కాంగ్రెస్ కలిగంజ్ అసెంబ్లీ స్థానంలో తన పట్టును నిలుపుకుంది. టీఎంసీ అభ్యర్థి అలిఫా అహ్మద్ బిజెపి నేత ఆశిష్ ఘోష్పై భారీ విజయం సాధించారు. అహ్మద్ కు 1,02,759 ఓట్లు రాగా, ప్రత్యర్థి ఘోష్ను 50,049 ఓట్ల తేడాతో ఓడించారు. ఎన్నికల సంఘం డేటా ప్రకారం కాంగ్రెస్-లెఫ్ట్ మద్దతుతో పోటీ చేసిన అభ్యర్థి కబిల్ షేక్ 28,348 ఓట్లతో మూడో స్థానంలో నిలిచారు. రాజకీయాల్లోకి ప్రవేశించడానికి కోల్కతాలో ఐటి ఉద్యోగాన్ని వదిలిపెట్టిన 38 ఏళ్ల ఇంజనీర్ అలిఫా అహ్మద్, ఫిబ్రవరిలో తన తండ్రి, మాజీ ఎమ్మెల్యే నసిరుద్దీన్ అహ్మద్ మరణంతో ఉప ఎన్నిక నిర్వహించారు.
టాప్ హెడ్ లైన్స్
ట్రెండింగ్ వార్తలు
