Students Comedy Letter : అమ్మాయిలు రసగుల్లా అని పిలుస్తున్నారు భరించలేకపోతున్నాం - ప్రిన్సిపాల్‌కు ఏడో తరగతి విద్యార్థుల లెటర్!

నిక్ నేమ్స్ పెట్టి అమ్మాయిలు అల్లరి చేస్తున్నారని అబ్బాయిలు స్కూల్ ప్రిన్సిపల్‌కు మొర పెట్టుకున్నారు. ఇంతా చేసి వారంతా ఏడో తరగతి. వారు రాసిన లెటర్ ఇప్పుడు సోషల్ మీడియాలో తెగ తిరిగేస్తోంది.

పాపం అబ్బాయిలు.. అమ్మాయిలు ఏడిపిస్తున్నారట !

ఉత్తరప్రదేశ్‌లోని ( UP )  ఔరారియా అనే ఊళ్లో నవోదయ విద్యాలయం ( Navodya School ) ఉంది. విద్యాలయం అన్నాక.. విద్యార్థులు.. విద్యార్థినీలు ఉంటారు. ప్రిన్సిపాల్ కూడా ఉంటారు. ఇప్పుడు మనం చెప్పుకునే సమస్యలో ముగ్గురూ ఉన్నారు. ప్రిన్సిపాల్‌కు ఏడో తరగతి విద్యార్థులు అంటే... అచ్చంగా అబ్బాయిల ( 7Th Class Students )  నుంచి ఓ లేఖ వచ్చింది. ఆ లేఖలో ఏముందంటే..  క్లాసులో అమ్మాయిలందరూ తమకు నిక్ నేమ్స్ పెట్టి వాటితో పిలుస్తున్నారని.. భరించలేకపోతున్నామని వారు ఆ లేఖ ( Students Letter ) ద్వారా ఫిర్యాదు చేశారు.

ఇంతకీ అమ్మాయిలు ..క్లాస్ మేట్స్ ( Class Mates ) అయిన అబ్బాయిలకు పెట్టిన పేర్లేమిటంటే... ఒకరికేమో లల్లా ( Lalla ) అని పెట్టారట. అంటే పెద్దగా బుర్ర ఎదగలేదని చెప్పడానికి ఈ పదం వాడతారు. ఇంకొకరికి రసగుల్లా ( Rasagulla )  అనిపెట్టారు.  ఇంకొకరికి దామర్ అని పెట్టారు. ఇది రోడ్ నిర్మాణంలో వాడే రోడ్డు రోలర్ లాంటిది. ఇలాంటి నిక్ నేమ్స్ పెట్టి పిలవడం వల్ల తాము తట్టుకోలేకపోతున్నామని ఆ అమ్మాయిలపై చర్యలు తీసుకోవాలని లెటర్‌లో విద్యార్థులు కోరారు. ఈ లెటర్ సోషల్ మీడియాలో వైరల్ అయింది. 

పిల్లలే కదా అని కామెడీగా తీసుకోలేదు.. స్కూల్ యాజమాన్యం సీరియస్‌గా తీసుకుని వారి తల్లిదండ్రులను ( Parents ) పిలింపించింది. అమ్మాయిలతో పాటు అబ్బాయిల తల్లిదండ్రులను కూడా పిలిపించారు. కౌన్సెలింగ్ ఇచ్చారు. అలాంటి లెటర్లు ( Letters ) రాసిన అమ్మాయిలకూ పద్దతుల గురించి చెప్పారు. ఆ సమస్య అంతటితో పరిష్కారం అయిందని.. ఇప్పుడు రెండు వైపులా ఎలాంటి కంప్లయింట్స్ ( No Complaints ) లేవని స్కూల్ వర్గాలు చెబుతున్నాయి. మొత్తానికి ఈ సమస్య ఇలా పరిష్కారమయిందని సంతోషపడాలో... ఆరు, ఏడో తరగతుల్లో నిక్ నేమ్స్ పెట్టి అబ్బాయిల్ని అడపిల్లలు ర్యాగింగ్ ( Ragging ) చేసే స్థాయికి వెళ్లారని బాధపడాలో తెలియడం లేదని సోషల్ మీడియాలో గుసగుసలు వినిపిస్తున్నాయి.