Drugs: ఢిల్లీ ఎయిర్ పోర్ట్ లో భారీగా డ్రగ్స్ స్వాధీనం.. 72 కోట్ల విలువైనవిగా గుర్తింపు

ఢిల్లీ ఎయిర్ పోర్టులో భారీగా డ్రగ్స్ పట్టుకున్నారు అధికారులు. విదేశాల నుంచి భారత్ కు తరలిస్తున్న మహిళను అరెస్టు చేశారు.

ప్రతీకాత్మక చిత్రం

ఢిల్లీ విమానాశ్రయ అధికారులు.. భారీ మొత్తంలో డ్రగ్స్​ను స్వాధీనం చేసుకున్నారు. విదేశాల నుంచి భారత్​కు డ్రగ్స్ తరలిస్తున్న ఓ మహిళను పోలీసులు.. అరెస్టు చేశారు. మహిళ దగ్గర నుంచి స్వాధీనం చేసుకున్న వాటి విలువ సుమారు.. 72 కోట్లు ఉంటుందని అధికారులు చెబుతున్నారు. 

దుబాయ్​ మీదుగా ఆ మహిళ.. భారత్​కు వచ్చింది. ఢిల్లీ విమానాశ్రయంలో ఆమె అనుమానాస్పదంగా తిరుగుతుంది. అయితే ఆమెపై అనుమానం వచ్చి.. టెర్మినల్ 3 వద్ద కస్టమ్స్ అధికారులు పరిశీలించారు. మహిళకు చెందిన లగేజీని పరిశీలించారు. రెండు లెదర్ ఫోల్డర్లను స్వాధీనం చేసుకున్నారు.. అవి అధికంగా బరువుతో ఉన్నాయి. అనుమానంతో వాటిని కత్తిరించి.. తనిఖీ చేశారు అధికారులు.  ఆ తర్వాత వాటిని చూసి షాక్ అయ్యారు. అందులో డ్రగ్స్ ఉన్నట్టు గుర్తించారు. స్క్రీనింగ్ సమయంలో నిఘా వారికి చిక్కకుండా కార్బన్, బ్లాక్ టేప్ లతో డ్రగ్స్ ను మహిళ కనిపించకుండా.. చుట్టి పెట్టింది. పాలీ బ్యాగుల్లో డ్రగ్స్ ను తీసుకొస్తుంది. 

మహిళ తీసుకొచ్చిన డ్రగ్స్ ను స్వాధీనం చేసుకున్నారు అధికారులు..  ఈ మేరకు కేసు నమోదు చేసిన దర్యాప్తు చేస్తున్నారు.

భారత్-పాక్ సరిహద్దులో..
ఇటీవలే పంజాబ్​లోని భారత్​-పాక్ సరిహద్దు ప్రాంతంలో భద్రతా బలగాలు భారీగా డ్రగ్స్​ను స్వాధీనం చేసుకున్నాయి. వాటి విలువ రూ. 55 కోట్లు ఉంటుందని అధికారులు వెల్లడించారు. దేశంలోకి అక్రమంగా తరలిస్తున్న 11 ప్యాకెట్ల హెరాయిన్​ను బర్రెక్ సరిహద్దు అవుట్ పోస్టు వద్ద గుర్తించినట్లు  భద్రతా బలగాలు తెలిపాయి.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి