IIT Bombay: రామాయణాన్ని కించపరుస్తూ స్కిట్, విద్యార్థులకు రూ.లక్ష జరిమానా విధించిన ఐఐటీ

Ramayana Skit: రామాయణాన్ని కించపరుస్తూ స్కిట్ వేసిన విద్యార్థులపై ఐఐటీ బాంబే ఫైర్ అయింది. ఒక్కొక్కరికీ రూ.లక్షకుపైగా జరిమానా విధించింది.

రామాయణాన్ని కించపరుస్తూ స్కిట్ వేసిన విద్యార్థులపై ఐఐటీ బాంబే ఫైర్ అయింది. ఒక్కొక్కరికీ రూ.లక్షకుపైగా జరిమానా విధించింది.

 Ramayana Skit in IIT Bombay: రామాయణాన్ని కించపరుస్తూ నాటకం వేసిన 8 మంది ఐఐటీ బాంబే విద్యార్థులకు యాజమాన్యం భారీ జరిమానా విధించింది. మత విశ్వాసాలను దెబ్బ తీసే విధంగా వ్యవహరించినందుకు ఒక్కొక్కరికీ రూ.1.2 లక్షల ఫైన్ వేసింది. మార్చి 31వ తేదీన కాలేజ్‌లో జరిగిన ఓ ఈవెంట్‌లో కొంత మంది విద్యార్థులు Raahovan పేరుతో ఓ స్కిట్ వేశారు. రామాయణానికి ఇది పేరడీ. అయితే కొంత మంది విద్యార్థులు ఈ నాటకంపై అభ్యంతరం వ్యక్తం చేశారు. మత విశ్వాసాలను దెబ్బ తీశారని మండి పడ్డారు. హిందువులు ఎంతో గొప్పగా భావించే రామాయణాన్ని కించపరిచారని ఫిర్యాదు చేశారు. దీనిపై క్రమశిక్షణా కమిటీ తీవ్రంగా స్పందించింది. భారీ జరిమానాలు విధిస్తూ జూన్ 4వ తేదీన ఆదేశాలిచ్చింది. 8 మంది ఈ స్కిట్ వేయగా వాళ్లలో నలుగురికి రూ.1.2 లక్షల జరిమానా విధించగా మరో నలుగురికి ఒక్కొక్కరికీ రూ.40 వేల ఫైన్ వసూలు చేసింది. మరి కొన్ని ఆంక్షలూ విధించింది. హాస్టల్‌ నుంచి డిబార్ చేసింది. మరో నెల రోజుల్లోగా ఈ జరిమానా చెల్లించాలని తేల్చి చెప్పింది యాజమాన్యం. ఈ నిబంధనల్ని ఉల్లంఘిస్తే మరింత కఠిన చర్యలు తీసుకోవాల్సి ఉంటుందని హెచ్చరించింది. 

ఏప్రిల్ 8వ తేదీన ఈ వివాదం రాజుకుంది. రామాయణానికి పేరడీ అని చెప్పి నాటకం వేశారు విద్యార్థులు. తమకు అనుకూలంగా మార్చుకుని అందులోని పాత్రల్ని అవమానించారని ఓ వర్గం ఆరోపించింది. ఈ స్కిట్‌కి సంబంధించిన వీడియోలూ సోషల్ మీడియాలో వైరల్ అయ్యాయి. సీత పాత్ర వేసిన మహిళ తనను కిడ్నాప్ చేసిన వ్యక్తిని పొగడడం, ఆమెని తీసుకెళ్లిన చోటు చాలా బాగుందని చెప్పడం లాంటివి కొందరికి అసహనం కలిగించాయి.