Tamilnadu Updates: ఎట్టకేలకు విజయ్‌కు VCK సపోర్ట్ లెటర్ - ఈ సారి గవర్నర్ ప్రమాణ స్వీకారానికి అంగీకరించడం లాంఛనమే

CM Vijay: తమిళ రాజకీయాల్లో బిగ్ ట్విస్ట్ చోటు చేసుకుంది. విజయ్ ప్రభుత్వానికి వీసీకే అధికారికంగా మద్దతు ఇచ్చింది. దాంతో విజయ్ ప్రమాణ స్వీకారం చేయడానికి ఆటంకాలు తొలగిపోయాయి.

ఎట్టకేలకు విజయ్‌కు VCK సపోర్ట్ లెటర్ - ఈ సారి గవర్నర్ ప్రమాణ స్వీకారానికి అంగీకరించడం లాంఛనమే

Source : x

VCK support letter to Vijay:   తమిళనాడు ప్రభుత్వ ఏర్పాటులో నెలకొన్న ఉత్కంఠకు ఎట్టకేలకు తెరపడింది.  తమిళగ వెట్రి కళగం   అధినేత విజయ్‌కు మద్దతు ఇచ్చే విషయంలో దోబూచులాడిన  విడుతలై చిరుతైగల్ కట్చి ఎట్టకేలకు తన నిర్ణయాన్ని ప్రకటించింది. వీసీకే అధ్యక్షుడు తోల్ తిరుమావళవన్ శనివారం సాయంత్రం అధికారికంగా మద్దతు లేఖను టీవీకే ఎన్నికల వ్యూహకర్త, కీలక నేత ఆదవ్ అర్జునకు అందజేశారు. దీంతో టీవీకే కూటమి బలం మ్యాజిక్ ఫిగర్ 118 దాటి  119  కు (TVK 108, కాంగ్రెస్ 5, లెఫ్ట్ పార్టీలు 4, VCK 2) చేరుకుంది.

శనివారం ఉదయం నుండి జరిగిన సుదీర్ఘ చర్చల అనంతరం వీసీకే తన పట్టును సాధించుకున్నట్లు తెలుస్తోంది. ప్రభుత్వంలో భాగస్వామ్యం, కీలక పదవుల విషయంలో విజయ్ నుండి గట్టి హామీ పొందిన తర్వాతే తిరుమావళవన్ ఈ నిర్ణయం తీసుకున్నట్లు సమాచారం. ఆదవ్ అర్జున గతంలో వీసీకేలోనే పనిచేసిన అనుభవం ఉండటంతో, ఆయన మధ్యవర్తిత్వం ఇరు పార్టీల మధ్య పొత్తు కుదరడంలో కీలక పాత్ర పోషించింది. వీసీకే మద్దతుతో విజయ్ పక్షాన ఉన్న ఎమ్మెల్యేల సంఖ్య పెరగడంతో, ఆయన ముఖ్యమంత్రి కావడం ఇప్పుడు లాంఛనంగా మారింది.   

#WATCH | Chennai | TVK supports celebrate after VCK extends its support to TVK to form the government in Tamil Nadu.

VCK President Thol Thirumavalavan has handed over the official confirmation letter to TVK leader Aadhav Arjuna. pic.twitter.com/5PjEDuo0AH

— ANI (@ANI) May 9, 2026

గవర్నర్ రాజేంద్ర విశ్వనాథ్ అర్లేకర్ ఈ సాయంత్రం తిరువనంతపురం వెళ్లే లోపే విజయ్ ఆయన్ని కలిసి మద్దతు లేఖలను సమర్పించనున్నారు. ఇప్పటికే మూడుసార్లు రాజ్‌భవన్‌కు వెళ్లిన విజయ్, ఈ సారి పూర్తి మెజారిటీకి సంబంధించిన 119 మంది ఎమ్మెల్యేల సంతకాలతో కూడిన లేఖను అందించనున్నారు. అన్నీ అనుకూలిస్తే, ఆదివారం  లేదా ఎల్లుండి జవహర్‌లాల్ నెహ్రూ ఇండోర్ స్టేడియంలో విజయ్ ముఖ్యమంత్రిగా ప్రమాణ స్వీకారం చేసే అవకాశం ఉందని టీవీకే వర్గాలు చెబుతున్నాయి.  

VIDEO | Chennai: TVK workers celebrate as VCK extends support to form Vijay’s government in Tamil Nadu.

(Full video available on PTI Videos - https://t.co/n147TvrpG7) pic.twitter.com/QIP53mt0Pk

— Press Trust of India (@PTI_News) May 9, 2026

మరోవైపు, సీపీఐ, సీపీఐ(ఎం) పార్టీలు ఇప్పటికే బయట నుంచి మద్దతు ఇస్తామని ప్రకటించగా, వీసీకే మాత్రం ప్రభుత్వంలో చేరే అవకాశం ఉందని తమిళ మీడియాలో జోరుగా ప్రచారం సాగుతోంది. తిరుమావళవన్ కోరుకున్నట్లుగా సామాజిక సమీకరణాల ఆధారంగా కేబినెట్‌లో ప్రాధాన్యత ఇచ్చేందుకు విజయ్ అంగీకరించినట్లు తెలుస్తోంది.  తమిళనాడులో గత అయిదు రోజులుగా కొనసాగుతున్న రాజకీయ అనిశ్చితి ముగింపు దశకు చేరుకుంది. ఒక స్టార్ హీరోగా వెండితెరను ఏలిన విజయ్, ఇప్పుడు పక్కా రాజకీయ లెక్కలతో అధికారాన్ని చేజిక్కించుకోవడం భారత రాజకీయాల్లోనే ఒక అరుదైన ఘట్టంగా నిలవనుంది. విజయ్ తన ప్రమాణ స్వీకారం తేదీని నేటి రాత్రికి అధికారికంగా ప్రకటించే అవకాశం ఉంది.  

మరిన్ని చదవండి

2 సీట్ల పార్టీ - డిప్యూటీ సీఎం సహా ఎన్ని కోరికలో - విజయ్‌కు వీసీకే గండం !

రోజూ గవర్నర్ వద్దకు విజయ్ - సోషల్ మీడియాలో మీమ్స్ వెల్లువ - నవ్వకుండా ఉండలేరు!