Ram Navami Surya Tilak 2024: బాల రాముడి సూర్య తిలకాన్ని చూసి ప్రధాని భావోద్వేగం, చరిత్రాత్మకం అంటూ పోస్ట్
Surya Tilak 2024: అయోధ్య రాముడి సూర్య తిలకాన్ని దర్శించిన ప్రధాని మోదీ భావోద్వేగానికి లోనయ్యారు.
Ayodhya Surya Tilak 2024: అయోధ్య రామ మందిరంలో సూర్య తిలక దర్శనం (Ram Navami Surya Tilak 2024) భక్తుల్ని పరవశంలో ముంచేసింది. బాల రాముడి ఆలయంలో తొలిసారి రామ నవమి వేడుకలు జరిగాయి. ఈ సందర్భంగానే ఈ అపూర్వ ఘట్టం కనిపించింది. సరిగ్గా మధ్యాహ్నం 12.01 నిముషాలకు రాముడి నుదుటిన సూర్య కిరణాలు ప్రసరించాయి. దాదాపు 3-4 నిముషాల పాటు ఈ తిలకం దర్శనమిచ్చింది. ఆ సమయంలో ఆలయం అంతా జైశ్రీరామ్ నినాదాలతో మారు మోగింది. ఈ అద్భుతాన్ని ఆన్‌లైన్‌లో వీక్షించిన ప్రధాని నరేంద్ర మోదీ భావోద్వేగానికి గురయ్యారు. అసోంలోని నల్బరీలో ర్యాలీలో పాల్గొనేందుకు వెళ్లిన సమయంలో ట్యాబ్‌లో ఈ వీడియో చూశారు మోదీ. ఆ తరవాత X వేదికగా ఓ ఎమోషనల్ పోస్ట్ పెట్టారు. అయోధ్యలో రామ నవమి జరగడం చరిత్రాత్మకం అని అన్నారు. ఈ సూర్య తిలకం దేశాన్ని మరింత ముందుకు తీసుకెళ్లేందుకు స్ఫూర్తినిస్తుందని ఆకాంక్షించారు.
"నల్బరీలో ర్యాలీలో పాల్గొన్న తరవాత ఈ సూర్య తిలకం దర్శనం చేసుకున్నాను. అయోధ్య రాముడిపై సూర్య కిరణాలు పడిన ఆ అపూర్వ ఘట్టాన్ని వీక్షించాను. కోట్లాది మంది ప్రజలతో పాటు నాకూ ఇది చాలా భావోద్వేగమైన క్షణం. అయోధ్యలో రామ నవమి వేడుకలు జరగడం నిజంగా చరిత్రాత్మకం. మన జీవితాల్లోకి ఈ సూర్య తిలకం కొత్త శక్తినివ్వాలని, మన దేశాన్ని మరింత ముందుకు తీసుకెళ్తుందని ఆకాంక్షిస్తున్నాను"
- ప్రధాని నరేంద్ర మోదీ
After my Nalbari rally, I watched the Surya Tilak on Ram Lalla. Like crores of Indians, this is a very emotional moment for me. The grand Ram Navami in Ayodhya is historic. May this Surya Tilak bring energy to our lives and may it inspire our nation to scale new heights of glory. pic.twitter.com/QqDpwOzsTP
— Narendra Modi (@narendramodi) April 17, 2024
సూర్య తిలకాన్ని చూస్తున్న ఫొటోలను సోషల్ మీడియాలో పంచుకున్నారు. ప్రజలందరూ ఈ అద్భుతాన్ని కచ్చితంగా చూడాలని కోరారు. ర్యాలీలో పాల్గొన్న సమయంలో సూర్య తిలకం గురించి ప్రస్తావించారు. సెల్‌ఫోన్‌లలో టార్చ్ లైట్ ఆన్ చేసి అదే సూర్యుడికి తిలకంగా భావించాలని అన్నారు. ఆ తరవాత జై శ్రీరామ్ అంటూ నినదించారు.
టాప్ హెడ్ లైన్స్
ట్రెండింగ్ వార్తలు
