Diwali 2022: కార్గిల్‌లో ప్రధాని- సైనికులతో కలిసి మోదీ దీపావళి సంబరాలు

Diwali 2022: కార్గిల్‌లో సైనికులతో కలిసి ప్రధాని నరేంద్ర మోదీ దీపావళి సంబరాలు చేసుకుంటున్నారు.

(Image Source: PTI)

Diwali 2022: ప్రధాని నరేంద్ర మోదీ (Narendra Modi) జమ్ముకశ్మీర్‌లోని కార్గిల్‌ (Kargil) చేరుకున్నారు. భద్రతా సిబ్బందితో కలిసి మోదీ దీపావళి వేడుకలను జరుపుకుంటున్నారు.

Prime Minister Narendra Modi has landed in Kargil, where he will celebrate #Diwali with soldiers: PMO pic.twitter.com/9M4eqfgEly

— ANI (@ANI) October 24, 2022

2014లో ప్రధానిగా ఎన్నికైనప్పటి నుంచి సరిహద్దు ప్రాంతాల్లో భద్రతా దళ సిబ్బందితో కలిసి దీపావళి పండుగను మోదీ జరుపుకుంటున్నారు. ప్రతి ఏటా అదే సంప్రదాయాన్ని కొనసాగిస్తూ దేశ సరిహద్దుల్లో విధులు నిర్వహిస్తున్న జవాన్లతో కలిసి పండగ సంబరాల్లో మోదీ పాల్గొంటున్నారు. గతేడాది జమ్ముకశ్మీర్‌లోని రాజౌరీ జిల్లా నౌషేరా సెక్టార్‌లో సైనికులతో కలిసి మోదీ దీపావళి వేడుకల్లో పాల్గొన్నారు. ఈ సారి కార్గిల్‌లో ఈ వేడుకలను నిర్వహిస్తున్నారు.

శుభాకాంక్షలు

అంతకుముందు రాష్ట్రపతి ద్రౌపది ముర్ము, ప్రధాని నరేంద్ర మోదీ.. దేశ ప్రజలందరికీ దీపావళి శుభాకాంక్షలు తెలిపారు.

" దేశ ప్రజలందరికీ దీపావళి శుభాకాంక్షలు! ఈ పవిత్రమైన, కాంతివంతమైన పండుగ రోజున జ్ఞానం అనే దీపాన్ని వెలిగించడం ద్వారా అందరి జీవితాల్లో ఆనందాన్ని తీసుకురావడానికి ప్రయత్నిద్దాం. ఈ గొప్ప పండుగ రోజున, దేశ ప్రజలందరి జీవితాల్లో సంతోషం, శ్రేయస్సు వెల్లివిరియాలని నేను ప్రార్థిస్తున్నాను.                                             "

-ద్రౌపది ముర్ము, రాష్ట్రపతి

Wishing everyone a Happy Diwali. Diwali is associated with brightness and radiance. May this auspicious festival further the spirit of joy and well-being in our lives. I hope you have a wonderful Diwali with family and friends.

— Narendra Modi (@narendramodi) October 24, 2022

" అందరికీ దీపావళి శుభాకాంక్షలు. దీపావళి కాంతి, ప్రకాశంతో ముడిపడిన పండుగ. ఈ పవిత్రమైన పండుగ మన జీవితాల్లో సంతోషం, శ్రేయస్సును రెట్టింపు చేయాలని కోరుకుంటున్నాను. అందరూ తమ కుటుంబం, స్నేహితులతో అద్భుతమైన దీపావళిని జరుపుకోవాలని నేను ఆశిస్తున్నాను.                                                     "

-ప్రధాని నరేంద్ర మోదీ

స్వీట్లు

సిలిగురి సమీపంలోని ఫుల్‌బారి వద్ద భారత్-బంగ్లాదేశ్ సైనికులు స్వీట్లు పంచుకున్నారు. సరిహద్దు వెంబడి మోహరించిన బోర్డర్ సెక్యూరిటీ ఫోర్స్ 176 బెటాలియన్ సిబ్బంది దీపావళి సందర్భంగా బంగ్లాదేశ్ భద్రతా దళ సిబ్బందితో స్వీట్లు పంచుకున్నారు. 

West Bengal | Border Security Force's (BSF) 176 Battalion exchanged sweets with Border Guard Bangladesh (BGB) at Fulbari, India-Bangladesh border near Siliguri, to mark the occasion of #Diwali pic.twitter.com/GtQd5XRK38

— ANI (@ANI) October 24, 2022