Delhi High Court: వివాహేతర బంధంలో నైతికత వేరు..నేరం వేరు - నిందితుడికి ఢిల్లీ హైకోర్టు బెయిల్

Rape Case Bail: వేర్వేరు వ్యక్తులను పెళ్లి చేసుకున్న ఇద్దరి మధ్య శారీరక సంబంధాలు అనైతికమే అవుతాయి కానీ.. నేరం కాబోదని ఢిల్లీ హైకోర్టు స్పష్టం చేసింది. నిందితుడికి బెయిల్ మంజూరు చేసింది.

వివాహేతర బంధంలో నైతికత వేరు..నేరం వేరు - నిందితుడికి ఢిల్లీ హైకోర్టు బెయిల్

Source : x

Delhi High Court on Consensual Relationship :   వివాహేతర సంబంధాలు, నైతిక విలువలు, వ్యక్తిగత స్వేచ్ఛపై ఢిల్లీ హైకోర్టు బుధవారం ఒక కీలక తీర్పును వెలువరించింది. ఒక మహిళా అడ్వకేట్‌పై అత్యాచారం, బ్లాక్‌మెయిలింగ్‌కు పాల్పడినట్లు ఆరోపణలు ఎదుర్కొంటున్న జిమ్ ట్రైనర్‌కు బెయిల్ మంజూరు చేస్తూ,  న్యాయస్థానాలు నేరాన్ని నిర్ణయించేటప్పుడు నైతికతను వేరుగా ఉంచాలి  అని జస్టిస్ గిరీష్ కత్ఫాలియా స్పష్టం చేశారు. వ్యక్తిగత స్వేచ్ఛకు సంబంధించిన విషయాల్లో సామాజిక నైతికతను ప్రాతిపదికగా తీసుకోలేమని కోర్టు అభిప్రాయపడింది.

కేసు ఏమిటంటే ? 

బాధితురాలు ఒక ప్రాక్టీసింగ్ అడ్వకేట్. ఢిల్లీలోని ఒక జిమ్‌లో పరిచయమైన ట్రైనర్, తనకు మత్తుమందు ఇచ్చి ఘాజియాబాద్‌లోని ఒక ఓయో   హోటల్‌కు తీసుకెళ్లి అత్యాచారం చేశాడని ఆమె ఆరోపించారు. అంతేకాకుండా, తనకు తెలియకుండా ఫోటోలు తీసి, వాటిని సోషల్ మీడియాలో పెడతానని బెదిరిస్తూ పదేపదే అత్యాచారానికి పాల్పడ్డాడని, సుమారు రూ. 65,000 వసూలు చేశాడని ఆమె తన ఫిర్యాదులో పేర్కొన్నారు.

 కోర్టు పరిశీలనలో కీలక అంశాలు 

అయితే, నిందితుడు కోర్టుకు సమర్పించిన ఫోటోలు , వీడియో క్లిప్పింగ్‌లను పరిశీలించిన న్యాయమూర్తి, వారి మధ్య ఉన్న బంధం పరస్పర అంగీకారంతో కూడినదిగా  కనిపిస్తోందని అభిప్రాయపడ్డారు. బాధితురాలు వయోజనురాలు మాత్రమే కాకుండా, చట్టాలపై అవగాహన ఉన్న న్యాయవాది కూడా అని కోర్టు గుర్తు చేసింది. నిందితుడి ఫోన్ నుండి ఎటువంటి అభ్యంతరకరమైన ఫోటోలు లేదా బ్లాక్‌మెయిలింగ్ వీడియోలు దర్యాప్తులో లభించలేదని కోర్టు పేర్కొంది. 

Delhi HC has granted bail to a gym trainer accused in a rape case while observing that “morality has to be kept separate from the offence” when deciding questions concerning personal liberty.

— Live Law (@LiveLawIndia) May 13, 2026

 నైతికతపై ధర్మాసనం వ్యాఖ్యలు 

ప్రభుత్వ తరపు న్యాయవాది  నిందితుడు వివాహితుడై ఉండి, ఒక బిడ్డకు తండ్రి అయి ఉండి కూడా వివాహేతర సంబంధం పెట్టుకోవడం నేరమని, అతనికి బెయిల్ ఇవ్వకూడదని కోరారు. దీనిపై స్పందించిన జస్టిస్ కత్ఫాలియా ఒక వ్యక్తి వివాహితుడై ఉండి మరొకరితో ప్రేమ వ్యవహారం నడపడం అనేది నైతికతకు సంబంధించిన విషయం. ఒక వ్యక్తి స్వేచ్ఛను  నిర్ణయించేటప్పుడు నేరాన్ని, నైతికతను వేరుగా చూడాలి అని పేర్కొన్నారు. అలాగే మతపరమైన విభేదాల గురించి ప్రాసిక్యూషన్ చేసిన వాదనలను కూడా కోర్టు తోసిపుచ్చింది.  ఈ బంధం పరస్పర అంగీకారంతో సాగినట్లు కనిపిస్తోందని భావిస్తూ, నిందితుడికి కోర్టు బెయిల్ మంజూరు చేసింది.  

 

మరిన్ని చదవండి

పొదుపు పిలుపే కాదు..పాటిస్తున్నారు కూడా - కాన్వాయ్‌ సైజ్ తగ్గించుకున్న మోదీ - అదే బాటలో వీఐపీలు

అన్నాడీఎంకే చీలిక క్రెడిట్ విజయ్‌కే -30 మంది ఎమ్మెల్యేలతో భేటీ - బలపరీక్షలో మద్దతుగా ఓటేయడం ఖాయమే !