Priyanka Gandhi: హోటల్‌లో దోశలు వేసిన ప్రియాంక గాంధీ, భలే టేస్టీగా ఉన్నాయంటూ ట్వీట్

Priyanka Gandhi Dosas: 

ఎన్నికల ప్రచారంలో..
 
కర్ణాటకలో క్యాంపెయినింగ్ జోరు మరింత పెరిగింది. బీజేపీ, కాంగ్రెస్ పోటాపోటీ ప్రచారం చేస్తున్నాయి. కాంగ్రెస్ జనరల్ సెక్రటరీ ప్రియాంక గాంధీ ప్రచారంలో చాలా యాక్టివ్‌గా కనిపిస్తున్నారు. మైసూరులో ర్యాలీ చేసిన ఆమె ఓ హోటల్‌కి వెళ్లారు. టిఫిన్ చేసేసి వస్తారేమో అనుకున్నారంతా. కానీ ఆమె నేరుగా హోటల్‌లోని కిచెన్‌లోకి వెళ్లారు. అక్కడి వాళ్లను పలకరించారు. పక్కనే దోశ పిండి గిన్నె కనబడగానే తన చేతికి పని చెప్పారు. అక్కడి సిబ్బందితో మాట్లాడుతూనే పెనంపై దోశలు వేశారు ప్రియాంక గాంధీ. అట్లకాడ తీసుకుని చాలా నింపాదిగా వాటిని అటూ ఇటూ తిప్పారు. దోశలు రెడీ చేసిన తరవాత హోటల్‌ ఓనర్‌తో కాసేపు సరదాగా ముచ్చటించారు. వాళ్లందరితో కలిసి సెల్ఫీ కూడా తీసుకున్నారు. ఈ వీడియోని తన ట్విటర్‌లో షేర్ చేశారు ప్రియాంక. దోశలు వేయడాన్ని ఎంతో ఎంజాయ్ చేశానంటూ ట్వీట్ చేశారు. 

"మైలారీ హోటల్‌కి వెళ్లి అక్కడ దోశలు వేయడాన్ని చాలా ఎంజాయ్ చేశాను. నిజాయితీ, శ్రమ ఉంటే ఎదుగుతాం అనడానికి ఈ హోటలే ఉదాహరణ. ఇంత మంచి ఆతిథ్యం ఇచ్చినందుకు హోటల్ ఓనర్‌కి చాలా థాంక్స్. దోశలు చాలా రుచిగా ఉన్నాయి. నా కూతురుని కూడా ఇక్కడికి తీసుకొచ్చి దోశలు తినిపిస్తాను"

- ప్రియాంక గాంధీ, కాంగ్రెస్ జనరల్ సెక్రటరీ 

Enjoyed making dosas with the legendary Myalri Hotel owners this morning….what a shining example of honest, hard work and enterprise.

Thank you for your gracious hospitality.
The dosas were delicious too…can’t wait to bring my daughter to Mysuru to try them. pic.twitter.com/S260BMEHY7

— Priyanka Gandhi Vadra (@priyankagandhi) April 26, 2023

ఇటీవల కాంగ్రెస్ సీనియర్ నేత రాహుల్ గాంధీ ఆసక్తికర వ్యాఖ్యలు చేశారు. ఓ యూట్యూబ్ ఛానల్‌కి ఇచ్చిన ఇంటర్వ్యూలో సరదాగా మాట్లాడారు. తనకు ఇష్టమైన వంటలేంటో చెప్పిన రాహుల్ ఫేవరేట్ కుక్ ఎవరన్నదీ రివీల్ చేశారు. 'Khaane Mein Kya Hai' అనే యూట్యూబ్ ఛానల్‌కి ఇంటర్వ్యూ ఇచ్చారు. బిహార్ మాజీ ముఖ్యమంత్రి లాలూ ప్రసాద్ యాదవ్ చాలా బాగా వంట చేస్తారని ఇంట్రెస్టింగ్ విషయం చెప్పారు రాహుల్. కానీ తన అమ్మ వండిన వంటలే తనకు ఎంతో నచ్చుతాయని అన్నారు. 

"ఫుడ్ అంటే నాకెంతో ఇష్టం. లాలూ ప్రసాద్ యాదవ్ చాలా బాగా వంట చేస్తారు. కానీ మా అమ్మ చేసిన వంటకు ఏదీ సాటి రాదు. మా అమ్మ వంట ప్రియాంకకు నచ్చదు. అయినా సరే వంటల్లో మా అమ్మే నంబర్ వన్. సెకండ్ ర్యాంక్ ప్రియాంకకు ఇచ్చేస్తాను. ఉదయమే కాఫీ తాగుతాను. కేవలం రాత్రి పూట మాత్రమే టీ తాగుతాను. ఫ్రెంచ్ డిసర్ట్స్ కన్నా నాకు మన ఇండియన్ స్వీట్స్ అంటేనే చాలా ఇష్టం. స్పైసీ ఫుడ్ చాలా తక్కువే తింటాను"

- రాహుల్ గాంధీ

Also Read: Bengaluru: ర్యాపిడో డ్రైవర్ లైంగిక వేధింపులు, బైక్‌పై నుంచి దూకేసిన మహిళ