Viral News: లేడీస్ వాష్రూమ్లోని డస్ట్బిన్లో మొబైల్, వీడియో రికార్డ్ అవుతుండగా చూసి షాకైన మహిళ
Bengaluru: బెంగళూరులోని ఓ కాఫీ షాప్లో వాష్రూమ్లో మహిళ మొబైల్ని గుర్తించింది. డస్ట్బిన్లో పెట్టి వీడియో రికార్డింగ్ చేస్తున్నట్టు కనిపెట్టింది. ఫిర్యాదు మేరకు ఓ వ్యక్తిని పోలీసులు అరెస్ట్ చేశారు.
Viral News in Telugu: బెంగళూరులోని ఓ పాపులర్ కాఫీ షాప్లో మహిళకు ఊహించని అనుభవం ఎదురైంది. వాష్రూమ్లోని డస్ట్బిన్లో మొబైల్ కనిపించింది. ఫ్లైట్ మోడ్లో పెట్టి వీడియో రికార్డింగ్ ఆన్ చేసి వెళ్లారు. అప్పటికే రెండు గంటల పాటు వీడియో రికార్డ్ అయినట్టు ఆ మహిళ గుర్తించింది. బీఈఎల్ రోడ్లోని Third Wave Coffee ఔట్లెట్లో ఈ ఘటన జరిగింది. ఇన్స్టాగ్రామ్లో ఇందుకు సంబంధించిన ఓ పోస్ట్ వైరల్ అవుతోంది. ఔట్లెట్లో ఏం జరిగిందో వివరిస్తూ ఈ పోస్ట్ పెట్టారు యూజర్. వాష్రూమ్లో మొబైల్ చూసి ఆ మహిళ ఎంత కంగారు
పడిపోయిందో ఈ పోస్ట్లో వివరించారు. (Also Read: Viral News: గ్రౌండ్లో క్రికెట్ ఆడుతూ పోల్ పట్టుకున్న బాలుడు, ఎలక్ట్రిక్ వైర్ తగిలి అక్కడికక్కడే మృతి)
"బెంగళూరులోని థర్డ్ వేవ్ కాఫీ ఔట్లెట్లో ఉన్నాను. ఆ సమయంలోనే ఓ మహిళకు వాష్రూమ్లోని డస్ట్బిన్లో మొబైల్ కనిపించింది. ఫోన్ కనిపించకుండా చాలా జాగ్రత్తగా అందులో దాచిపెట్టారు. దాదాపు 2 గంటల పాటు వీడియో రికార్డ్ అయింది. ఫ్లైట్ మోడ్లో పెట్టడం వల్ల అక్కడ మొబైల్ ఉన్నట్టు ఎవరికీ తెలియలేదు. కెమెరా మాత్రం కనిపించేలా డస్ట్ బిన్కి ఓ రంధ్రం పెట్టారు. ఆ మహిళ ఇది గుర్తించి సిబ్బందికి చెప్పింది. అక్కడ పని చేస్తున్న ఉద్యోగి ఈ పని చేసినట్టు తేలింది. పోలీసులు వెంటనే వచ్చి ఆ వ్యక్తిని విచారించారు. కఠిన చర్యలు తీసుకుంటామని చెప్పారు"
- ఇన్స్టా పోస్ట్
We regret the unfortunate incident at our BEL Road outlet in Bengaluru and want to emphasize that such actions are absolutely unacceptable at Third Wave Coffee. We acted swiftly to address the situation by immediately terminating the person & ensuring the safety of our customers.
— Third Wave Coffee (@thirdwaveindia) August 10, 2024
ఇంత కన్నా దారుణం ఇంకేం ఉంటుందని నెటిజన్లు కామెంట్స్ పెడుతున్నారు. ఇకపై ఏ రెస్టారెంట్కి వెళ్లినా జాగ్రత్తగా ఉండాలని సూచిస్తున్నారు. అయితే..ఈ ఘటనపై థర్డ్ వేవ్ ఔట్లెట్ వెంటనే స్పందించింది. X వేదికగా ఓ పోస్ట్ పెట్టింది. ఇలాంటి వాటిని అసలు సహించమని, ఇకపై జరగకుండా జాగ్రత్తలు తీసుకుంటామని వెల్లడించింది. ఆపై క్షమాపణలూ చెప్పింది. ఆ ఉద్యోగిని వెంటనే జాబ్ నుంచి తొలగించినట్టు తెలిపింది. నిందితుడిని అరెస్ట్ చేసిన పోలీసులు విచారణ చేపడుతున్నారు. షాపింగ్ మాల్స్లోనూ వాష్రూమ్స్లో కెమెరాలు పెట్టి రికార్డింగ్ చేసిన ఘటనలు నమోదయ్యాయి. తరచూ ఎక్కడో ఓ చోట మహిళలకు ఇలాంటి చేదు అనుభవాలు ఎదురవుతున్నాయి. బయట వాష్రూమ్స్ యూజ్ చేయాలంటేనే భయం వేస్తోందని కామెంట్స్ పెడుతున్నారు నెటిజన్లు. ఇంత పెద్ద స్టోర్స్లోనూ ఇలాంటి దారుణాలు జరిగితే ఎలా అని ప్రశ్నిస్తున్నారు.
Also Read: Viral News: బ్యాగ్లో బాంబు ఉందంటూ ప్యాసింజర్ బెదిరింపులు, ఎయిర్పోర్ట్లో హై అలెర్ట్