Rishi Sunak: రిషి సునాక్ ఫేర్‌వెల్ స్పీచ్, అక్షతా మూర్తి డ్రెస్‌పై సోషల్ మీడియాలో ట్రోల్స్ - ధరెంతో తెలుసా?
UK Election Results: యూకే ఎన్నికల్లో ఓటమి పాలైన రిషి సునాక్ భావోద్వేగ ప్రసంగం ఇచ్చారు. ఈ సమయంలో అక్షతా మూర్తి వెనకే ఉన్నారు. అయితే ఆమె డ్రెస్‌పై సోషల్ మీడియాలో ట్రోల్స్ వస్తున్నాయి.
Rishi Sunak's Resignation Speech: బ్రిటన్ ప్రధాని పదవి నుంచి రిషి సునాక్ తప్పుకున్నారు. ఈ సందర్భంగా ఆయన ఎమోషనల్‌ స్పీచ్ ఇచ్చారు. దేశం కోసం ఎంతో చేశానని, ప్రజలు ప్రభుత్వ మార్పుని కోరుకున్నారని వెల్లడించారు. తనపై దేశ ప్రజలు ఎంత కోపంగా ఉన్నారో ఈ ఫలితాల ద్వారా అర్థమైందని చెప్పారు. ఈ సమయంలో రిషి సునాక్ వెనకే నిలబడ్డారు ఆయన సతీమణి అక్షతా మూర్తి. రిషి సునాక్ స్పీచ్‌తో పాటు అక్షతా మూర్తి వేసుకున్న డ్రెస్ కూడా వైరల్ అవుతోంది. డ్రెస్ కలర్ నుంచి డిజైన్ వరకూ సోషల్ మీడియాలో పెద్ద డిస్కషనే జరుగుతోంది. కొందరైతే ఈ డ్రెస్ కాస్ట్ గురించీ పోస్ట్‌లు పెట్టారు. ఒక్కొక్కరూ ఒక్కో విధంగా సెటైర్లు వేశారు. "ఆమె డ్రెస్‌ని జాగ్రత్తగా పరిశీలిస్తే ఓ విమానం కనిపిస్తుంది. అది కాలిఫోర్నియా వెళ్తోంది" అంటూ ఓ నెటిజన్ కామెంట్ చేశాడు.
అంతే కాదు. ఆమె డ్రెస్ QR కోడ్‌లా ఉందని మరి కొందరు ఫన్నీగా కామెంట్స్ చేశారు. ఇక ఈ డ్రెస్ ధర 395 పౌండ్లు. అంటే మన కరెన్సీలో రూ.42 వేలు. యూకే ప్రధాని బాధ్యతలు చేపట్టిన తొలి సంపన్నుడిగా రికార్డు సృష్టించారు రిషి సునాక్. ఆయన భార్య అక్షతా మూర్తి ఇన్‌ఫోసిస్‌ ఫౌండర్ నారాయణ మూర్తి కూతురు. యూకేలోని Downing Street లో ఈ ఇద్దరికీ విలాసవంతమైన భవనాలున్నాయి. ఈ జంట గురించి ప్రతి వార్తా వైరల్ అవుతూనే ఉంటుంది. రిషి సునాక్ ఫేర్‌వెల్ స్పీచ్ ఇస్తుండగా వెనకాల చేతిలో గొడుగుతో నిలబడ్డారు అక్షతా మూర్తి. ఆ గొడుగు గురించి కూడా నెటిజన్లు రకరకాలుగా మాట్లాడుకుంటున్నారు.
టాప్ హెడ్ లైన్స్
ట్రెండింగ్ వార్తలు
