Weight Loss With Rice : అన్నం తింటూ కూడా బరువు తగ్గించే బెస్ట్ డైట్ ప్లాన్.. 7 రోజులు ఇది ఫాలో అయిపోండి
Diet Plan With Rice : బరువు తగ్గడానికి అన్నం తినడం మానేస్తున్నారా? కానీ మీరు అన్నం తింటూ కూడా బరువు తగ్గించే డైట్ ప్లాన్ ఇక్కడుంది. ఇది మీకు మంచి ఫలితాలు ఇవ్వడంలో హెల్ప్ చేస్తుంది.
Weight Loss Meal Plan with Rice : అన్నం తింటే బరువు పెరిగిపోతామని చాలామంది దానిని తినడం మానేస్తారు. కానీ కొందరేమో అన్నం లేకుండా అస్సలు ఉండలేరు. అయితే మీకో విషయం తెలుసా? అన్నాన్ని తీసుకునే విధంగా తీసుకుంటే కూడా బరువును కంట్రోల్ చేసుకోవచ్చు. ఆరోగ్యానికి ఎలాంటి ఇబ్బంది లేకుండా అన్నాన్ని డైట్లో తీసుకుంటూ బరువు తగ్గేందుకు ఎలా ప్లాన్ చేసుకోవాలో ఇప్పుడు చూసేద్దాం. వారానికి సరిపడ డైట్ని ఇప్పుడు చూసేద్దాం.
సోమవారం
మీ ఉదయాన్ని వామ్ము నీరు లేదా సోంపు నీటితో ప్రారంభించండి. బ్రేక్ఫాస్ట్లో శనగలతో చేసిన సలాడ్ తినవచ్చు. భోజనానికి ముందు అరటిపండు తినాలి. మధ్యాహ్నం భోజనంలో అన్నం, కూరగాయలు, సాంబార్, పెరుగు, సలాడ్ తినాలి. స్నాక్స్ టైమ్లో మజ్జిగ తాగాలి. డిన్నర్కి ఉడికించిన చిలగడదుంపతో సలాడ్ చేసుకోవచ్చు. రాత్రి పడుకునే ముందు గోరువెచ్చని నీటిని తాగాలి.
మంగళవారం
రెండో రోజు కూడా మీరు వామ్ము లేదా సోంపు నీటితో రోజును ప్రారంభించవచ్చు. బ్రేక్ఫాస్ట్గా కూరగాయలతో చేసిన ఉప్మా తినాలి. లంచ్కి ముందు జామపండు తీసుకోవచ్చు. భోజన సమయంలో బీట్రూట్ పులావ్, కీరదోసతో చేసిన రైతాను తీసుకోవచ్చు. సాయంత్రం స్నాక్స్గా స్ప్రౌట్స్ తినాలి. డిన్నర్లో దోశను, చట్నీతో తీసుకోవాలి. నిద్రకు ముందు గ్లాసు గోరువెచ్చని నీటిని తాగాలి.
బుధవారం
వామ్ము లేదా సోంపు నీటితో రోజును ప్రారంభించాలి. మిల్లెట్ దోశను సాంబార్తో, కరివేపాకులతో చేసిన చట్నీతో కలిపి బ్రేక్ఫాస్ట్ ముగించాలి. లంచ్కి ముందు స్నాక్స్ టైమ్లో అరటిపండు తినొచ్చు. భోజనంలో రసం, అన్నం, ఏదైనా కూరగాయలతో చేసిన ఫ్రై తీసుకోవచ్చు. సాయంత్రం స్నాక్స్గా బాదంలు తినొచ్చు. రాగిజావను డిన్నర్గా తీసుకోవచ్చు. పడుకునే ముందు గోరువెచ్చని నీటిని తాగాలి.
గురువారం
సోంపు లేదా వామ్ము నీటిని తీసుకోవాలి. మొక్కజొన్నతో చేసిన సలాడ్ని బ్రేక్ఫాస్ట్గా తీసుకోవాలి. లంచ్కి ముందు జామపండు తినొచ్చు. మధ్యాహ్నం వెజిటేబుల్ ఫ్రైడ్ రైస్, ఉల్లిపాయ రైతా, పప్పు తినాలి. స్నాక్స్ టైమ్లో బటర్ మిల్క్ తాగాలి. రాత్రి భోజనంలో ఉడికించిన కూరగాయలు, పప్పు కలిపి తీసుకోవాలి. నిద్రకు ముందు గోరువెచ్చని నీటిని తాగాలి.
శుక్రవారం
శుక్రవారం కూడా ఉదయాన్ని వామ్ము, సోంపు నీటితో ప్రారంభించాలి. బ్రేక్ఫాస్ట్గా ఓట్స్తో చేసిన స్మూతిని తినొచ్చు. లంచ్కి ముందు అరటిపండు తినాలి. భోజన సమయంలో అన్నం, సాంబార్, పెరుగు, సలాడ్తో తీసుకోవాలి. సాయంత్రం స్నాక్స్గా రాజ్మా తినొచ్చు. డిన్నర్గా యాపిల్ మిల్క్ షేక్ షుగర్ లేకుండా తీసుకుని.. పడుకునే ముందు గోరువెచ్చని నీటిని తాగాలి.
శనివారం
వామ్ము లేదా సోంపు నీటితో రోజును ప్రారంభించాలి. మిల్లెట్స్తో చేసిన జావను బ్రేక్ఫాస్ట్గా తీసుకోవాలి. లంచ్కి ముందు జామపండు తీసుకోవచ్చు. లంచ్కోసం జీరాతో చేసిన రైస్, పప్పు, పెరుగుతో సలాడ్ చేసుకుని తినొచ్చు. ఈవెనింగ్ స్నాక్గా అవిసెగింజలతో చేసిన లడ్డూ తీసుకోవచ్చు. ఉడికించి వేయించిన కూరగాయలను డిన్నర్కి తినొచ్చు. గోరువెచ్చని నీటితో రోజును ముగించాలి.
ఆదివారం
వామ్ము లేదా సోంపు నీటితో రోజును ప్రారంభించండి. దోశలను పల్లీ చట్నీతో కలిపి బ్రేక్ఫాస్ట్గా తినొచ్చు. లంచ్కి ముందు అరటిపండు, భోజనంలో వెజిటేబుల్ బిర్యానీ, రైతా తీసుకోవచ్చు. సాయంత్రం స్నాక్స్కోసం స్ప్రౌట్స్, రాత్రి భోజనానికి మిల్లెట్ ఉప్మా తినొచ్చు. గోరువెచ్చని నీటితో ముగించాలి.
మీరు అన్నం తిన్నా సరే.. మీ డైట్ని ఇలా ప్లాన్ చేసుకుంటే మంచి ఫలితాలు ఉంటాయి. రొటీన్గా వామ్ము లేదా సోంపు వంటి హెర్బల్ డ్రింక్తో రోజును ప్రారంభించాలి. అలాగే రోజూ గోరువెచ్చని నీటితో ముగించాలి. ఈ డైట్ని ఫాలో అవుతూ.. తేలికపాటి వ్యాయమాలు చేస్తూ.. టైమ్కి నిద్రపోతే బెస్ట్ బెనిఫిట్స్ పొందవచ్చు.
Before You Go
Simple Yoga for Body Fat | చెడు కొవ్వును సింపుల్ యోగాసనాలతో దూరం చేయండి
టాప్ హెడ్ లైన్స్
ట్రెండింగ్ వార్తలు
