ఈ జీవులతో జాగ్రత్త - కరవడమే కాదు, చర్మంలో గుడ్లు కూడా పెట్టేస్తాయ్!
మీరు తరచుగా ఇన్ఫెక్షన్లకు గురవ్వుతున్నారా? అయితే, మీ చర్మంలో పరాన్నజీవులు గుడ్లు పెట్టుంటాయ్. వింటుంటేనే ఒళ్లుగగూర్పాటు కలుగుతోంది కదూ. అందుకే, ఈ జీవులతో జాగ్రత్త.
కొన్ని కీటకాలు రక్తం పీల్చే సమయంలో చర్మం కింద గుడ్లు పెట్టేస్తాయి. ఇలాంటి కీటకాలు కరవడం కొంచెం ఆందోళనకరమైన విషయం. ఇది ప్రాణాంతక అంటువ్యాధులకు కారణం కావచ్చు. గ్లౌసెస్టర్ షైర్ విశ్వవిద్యాలయంలో ఎకోలజిస్ట్, కన్సర్వేషన్ సైంటిస్ట్, ఎటమాలజిస్ట్ గా ఉన్న ప్రొఫెసర్ ఆడమ్ హర్ట్ కొన్ని విషయాలను వివరించారు. చాలా జీవులు మన శరీరాన్ని నివాసయోగ్యాలుగా భావిస్తయట. మరి కొన్ని వాటి సంతతిని పెంచుకునేందుకు అనువైనవిగా చూస్తాయి. ఇలాంటి జీవులలో మన శరీరానికిక హాని కలిగించే వాటిని పరాన్నజీవులు అని అంటారు.
మన శరీరంలోపల లేదా, మన శరీరం మీద గుడ్లు పెట్టడం గురించి వింటే చాలా భయానకంగా ఉన్నప్పటికీ ఇదే వాస్తవం. అలాంటి కొన్ని పరాన్నజీవుల గురించి తెలుసుకుందాం.
పేను
మానవ శరీరం మీద నివసించే అత్యంత సాధారణ పరాన్నజీవులలో పేను ఒకటి. ఇవి జుట్టులో నివసించే జీవి ఇది. రక్తాన్ని పీలుస్తుంది. జుట్టు మీద గుడ్లు పెడుతుంది. కొన్ని సార్లు చర్మం కింద కూడా గుడ్లు పెడతాయి. పేను ప్రత్యక్షంగా ఒకరి తల నుంచి మరొకరి తలలోకి చేరడం ద్వారా వ్యాపిస్తుంది. పేను వల్ల ముఖ్యంగా చాలా అసౌకర్యంగా ఉంటుంది. చాలా తక్కువ సందర్బాల్లో టైఫస్ వంటి వ్యాధులకు కారణం అవుతుంది.
పేలు ఉంటే కనిపించే లక్షణాలు
- దురద
- పేను పాకుతున్నట్టు కనిపిస్తుంది.
- కొన్ని సార్లు కళ్లు ఎర్రబారుతాయి.
- తల, మెడ, భుజాల మీద పేను వల్ల పుండ్లు పడవచ్చు.
టేప్ వార్మ్
దీనిని బద్దె పురుగు అంటారు. ఇవి చర్మం లోపలికి వెల్ళిపోతాయి. ఇవి ఫ్లాట్ గా రిబ్బన్ మాదిరిగా ఉండే సూక్ష్మ జీవి. అయితే ఇవి 23 అడుగుల వరకు కూడా పొడవు పెరగగలవు. జీర్ణవ్యవస్థ మీద దాడి చేసి అక్కడ చేరినపుడు పది వేల వరకు కూడా గుడ్లు పెట్టగలవు. పొదిగే సమయంలో ఊపిరితిత్తులు, కాలేయం, మెదడు వరకు శరీరం అంతా వ్యాపిస్తాయి. లక్షణాలు పెద్దగా కనిపించవు కానీ మలంలో పురుగులు కనిపిస్తాయి.
ఇతర లక్షణాలు
- కడుపునొప్పి
- డయేరియా
- వికారంగా ఉండడం
- ఆకలి మందగించడం
- బరువు తగ్గిపోవడం
- చర్మం, కళ్లు పసుపు రంగులోకి మారడం
- దగ్గు లేదా శ్వాసలో ఇబ్బంది
చికిత్స టేప్ వార్మ్ కు చాలా రకాల మందులు అందుబాటులో ఉన్నాయి. వీటి వాడకంతో ఇవి చనిపోతాయి. మలం ద్వారా విసర్జించబడుతాయి. తరచుగా చేతులు కడుక్కోవడం, చెప్పులు లేకుండా మట్టిలో నడవకూడదు. సంక్రమణ ప్రమాదం ఉందన్న అనుమానం ఉన్న చోట నీళ్లు తాగకపోవడమే మంచిది. సరిగ్గా వండని మాంసాహారం తీసుకోవద్దు.
లోవా లోవా
లోవా లోవా, లేదా రౌండ్ వార్మ్ గర్రపు ఈగల ద్వారా వ్యాపిస్తుంది. ఈ ఈగలు కుట్టినపుడు లార్వా శరీరంలోకి ప్రవేశించి చర్మం కింద ఐదు నెలల పాటు పెరుగుతాయి. వేల కొద్ది గుడ్లు పెడతాయి. ఇవి శరీరం అంతా తిరుగుతాయి. చర్మం కింద, కనుగుడ్డు మీద పురుగులు కదులుతున్నట్టు కనిపిస్తాయి. ఈ స్థితిని లోయాసిస్ అంటారు. ఇది తీవ్రమైతే మెదడు వాపు, కోమా, మరణానికి కారణం కూడా కావచ్చు.
లక్షణాలు
- దురద లేదా నొప్పితో కూడిన వాపు
- కంటి చూపుకు అడ్డంగా పరుగులు
- కండరాలు లేదా కీళ్ల నొప్పి
- అలసట
కళ్లలో పురుగులను సర్జరీ ద్వారా తొలగిస్తారు. ఇతర సమస్యలకు మందులతో చికిత్స అందిస్తారు.
ఓంకోసెర్కా వాల్వులస్
ఇదొక పరన్నజీవి. బ్లాక్ ఫ్లైస్ ద్వారా వ్యాపిస్తుంది. వేగంగా ప్రవహించే నీటి ప్రవాహాల దగ్గర కనిపిస్తుంది. గుడ్లు పెట్టడానికి ముందు రక్త ప్రవాహంలో 6-12నెలల పాటు సబ్ క్యుటేనియస్ కణజాలాల్లో గడుపుతాయి. ఓంకోసెర్పియాసిస్ అనే చర్మ ఇన్ఫెక్షన్ కు కారణమవుతుంది.
లక్షణాలు
- దురద
- దద్దుర్లు
- నాడ్యూల్స్ లో వాపు
- అంధత్వం
యాంటి పరాసిటిక్ మందులు దీనికి చికిత్సగా ఉపయోగిస్తారు.
గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.
టాప్ హెడ్ లైన్స్
ట్రెండింగ్ వార్తలు
