Dating Trend : అందంగా లేకపోయినా పర్లేదు.. ప్రేమగా ఉంటే చాలు, Shrekking ట్రెండ్ అంటే ఇదే
Love Beyond Looks : చూడటానికి అందంగా లేకపోయినా.. మనసు మాత్రం ఎంతో బంగారం అంటూ సోషల్ మీడియాలో ఓ కొత్త ట్రెండ్ని తీసుకొచ్చారు Gen Zలు. మరి ఆ ట్రెండ్ గురించిన ఇంట్రెస్టింగ్ విషయాలు చూసేద్దాం.
- Gen Z లు ఇప్పుడు బాహ్య సౌందర్యం కంటే వ్యక్తిత్వానికి ప్రాధాన్యత ఇస్తున్నారు.
- ఇన్స్టాగ్రామ్లో 'Shrekking' ట్రెండ్ ద్వారా లక్షల మంది తమ మద్దతు తెలుపుతున్నారు.
- Shrek పాత్ర స్ఫూర్తితో, హృదయం గొప్పదనాన్ని ఈ ట్రెండ్ హైలైట్ చేస్తుంది.
- ఈ ట్రెండ్ భావోద్వేగ అనుబంధానికి, నమ్మకానికి విలువనిస్తుంది.
Shrekking Dating Trend : అందానికి వెనక ఉన్న నొప్పిని తెలుసుకున్న Gen Zలు.. ఇప్పుడు కొత్త దారిని వెతుకుతున్నారు. తాము ప్రేమించిన అబ్బాయి లేదా అమ్మాయి లుక్స్ గురించి కాకుండా మనసు, వారి గొప్పతనం గురించి ఓపెన్గా మాట్లాడుతున్నారు. అలా లుక్స్ బట్టి కాకుండా ప్రేమించడాన్ని ష్రెక్కింగ్ అంటున్నారు. నా బాయ్ ఫ్రెండ్ లేదా గర్ల్ ఫ్రెండ్ చూడడానికి అందంగా లేకున్నా.. నా జీవితంలో చూసిన మంచి వ్యక్తి వీళ్లే అంటూ ఓపెన్గా చెప్పడం స్టార్ట్ చేశారు.
స్వదేశంలో లేని TikTok లో ఇలాంటి వీడియోలు మిలియన్ వ్యూస్ సాధించడంతో.. ఇండియాలో ఇన్స్టాగ్రామ్లో చేసి.. లక్షల్లో వ్యూస్ సంపాదిస్తున్నారు. వారికి మద్ధతు ఇస్తూ చాలామంది "సేమ్", "నా లవ్ స్టోరి కూడా ఇదే " అంటూ కామెంట్ల ద్వారా తమ మద్ధతు ఇస్తన్నారు. ఈ ట్రెండ్కి Gen Zలు Shrekking అనే ఫన్నీ నేమ్ పెట్టారు. అయితే వినడానికి ఫన్నీగా ఉన్నా.. దానివెనుక ఎంతో బాధ కూడా ఉందని పోస్ట్ల రూపంలో చెప్తున్నారు.
Shrek పేరుకి డేటింగ్కి లింక్ ఏంటి?
షెర్క్ అనే పాత్రతో ఓ ఫేమస్ క్యారెక్టర్ ఉంది. అది చూసేందుకు వికారంగా ఉంటుంది కానీ.. హార్ట్ మాత్రం గోల్డ్. నిజాయితీగా, నమ్మకంగా, ప్రేమగా ఉంటాడు. ఆ పాత్ర స్ఫూర్తితోనే ఈ ట్రెండ్కి Shrekking అని పేరు పెట్టారు. అంటే చూసేందుకు అంత గొప్పగా లేకున్నా.. వాళ్ల హార్ట్ అన్నింటికంటే మిన్నా.. అలాంటి వారితో డేటింగ్ చేయడం తప్పు కాదనే అర్థాన్ని వారు చెప్తున్నారు.
Gen Z దీనిని ఎందుకు హైలెట్ చేస్తోంది?
ఈ తరం డేటింగ్లో సిచ్యూవేషన్ షిప్, గోస్టింగ్, బ్రెడ్ క్రంబింగ్ వంటివి వాటితో అందం వెనక పడుతున్నామని భావించిన జెన్ జి.. వారితో ఎమోషనల్ కనెక్షన్ లేకపోవడాన్ని హైలెట్ చేసింది. కాబట్టి అందమైన వ్యక్తితో డేటింగ్ చేసినా ఎమోషనల్ సపోర్ట్ లేకపోతే ఆ బంధానికి అర్థం లేదని.. అందంగా లేని వ్యక్తి మనసు బాగుంటే.. ఎమోషనల్గా వారు సపోర్ట్ ఇస్తారని నమ్ముతున్నారు.
ఇన్స్టాగ్రామ్లోని ఫిల్టర్లతో, మేకప్లతో మోసపోయామని.. చూసేందుకు పర్ఫెక్ట్గా ఉన్నా.. మానసికంగా వారితో కలిసి ఉండలేమని.. ఈ ట్రెండ్ని హైలెట్ చేస్తున్నారు. చూడడానికి నచ్చిన వ్యక్తితో ఉన్నా.. ఎమోషనల్గా చాలామంది ఒంటరిగా ఫీల్ అవుతున్నారట. పైగా వారినుంచి ఎలాంటి మోరల్ సపోర్ట్ లేకపోవడంతో.. జెన్ జీలు తమకు ఎమోషనల్గా సపోర్ట్ ఇచ్చేవారికోసం ఎదురు చూస్తున్నారట. అందుకే ఆ వ్యక్తి ఎంత అందంగా ఉన్నారని కాకుండా.. తమకోసం ఎంత పరితపిస్తున్నారో చూస్తున్నారట.
ష్రెక్కింగ్ డేటింగ్తో లాభాలు..
ఈ డేటింగ్లో ఫీలింగ్స్కి ప్రయారటీ ఇస్తారు. అలాగే అందానికి అట్రాక్ట్ అయ్యే డేటింగ్ ట్రెండ్స్ నుంచి బయటపడుతున్నారు. మీ పార్టనర్ మీ ఫీలింగ్స్ని రెస్పెక్ట్ చేసి.. ఎమోషనల్గా అందుబాటులో ఉంటారు. దీంతో మీ రిలేషన్ స్ట్రాంగ్ అయ్యే అవకాశం ఎక్కువగా ఉంది.
మరి నష్టాలు ?
ప్రతి డేటింగ్కి నెగిటివ్ సైడ్ ఉన్నట్టే దీనికి కూడా కొన్ని నష్టాలు ఉన్నాయి. ఎందుకంటే ఎమోషనల్ సపోర్ట్ కోసం ఎదురు చూస్తూ.. ఎవరు కాస్త జాలీ చూపించినా మంచి అనుకునే అవకాశం ఉంది. దానిని అవతలి వారు క్యాష్ చేసుకోవచ్చు. అలాగే అందంగా లేనివారంతా మంచివారు అనుకోవడం తప్పు. అందంగా ఉంటే ఎమోషనల్గా సపోర్ట్ చేయరు అనుకోవడం కూడా తప్పే అవుతుంది. కొన్ని సందర్భాల్లో వారిని తక్కువగా చూసే అవకాశముంది. జెన్యూన్గా అవతలివారిపై ఫీల్ లేకుండా సపోర్ట్ కోసం వాడుకుంటే అది ఎక్కువకాలం నిలవదు.
రూపం అనేది మంచితనాన్ని నిర్ణయించదు. అందంగా ఉన్నా లేకపోయినా ఎవరైనా మంచి లేదా చెడు పార్టనర్ కావచ్చు. కానీ Shrekking చెప్పేది ఏమిటంటే.. ప్రేమ కేవలం బాహ్య రూపంపై ఆధారపడి ఉండదు. నమ్మకం, గౌరవం, సమయం ఇవ్వడంపైనే ఉంటుందని చెప్తోంది. ఇది అర్థం చేసుకుంటే అందంగా ఉన్నా లేకున్నా నిజమైన ప్రేమను పొందవచ్చు. ఇవ్వవచ్చు.
టాప్ హెడ్ లైన్స్
ట్రెండింగ్ వార్తలు
