Sara Tendulkar Skincare Routine : సారా టెండూల్కర్ స్కిన్ కేర్ సీక్రెట్స్ ఇవే.. సింపుల్ రొటీన్తో గ్లాస్ స్కిన్
Sara Tendulkar Skin Care Tips : సారా టెండూల్కర్ తన స్కిన్ కేర్ రొటీన్ గురించి చాలా ఇంట్రెస్టింగ్ విషయాలు తెలిపింది. PCOS ఉన్న కూడా హెల్తీ, బ్యూటీ స్కిన్ కోసం ఏమి ఫాలో అవ్వాలో తెలిపింది.
- సారా టెండూల్కర్ సున్నితమైన చర్మం కోసం సరళమైన సంరక్షణ పాటిస్తుంది.
- క్లెన్సర్, మాయిశ్చరైజర్, SPFతో చర్మాన్ని హైడ్రేట్, రక్షిస్తుంది.
- PCOS కారణంగా మొటిమలు, జిడ్డు చర్మ సమస్యలు ఎదుర్కొంది.
- ఆరోగ్యకరమైన ఆహారం, నిద్ర, నీరు చర్మ ఆరోగ్యానికి కీలకం.
Sara Tendulkar Skincare Secrets : ఈరోజుల్లో స్కిన్ కేర్ ఇండస్ట్రీకి మంచి డిమాండ్ పెరుగుతుంది. సోషల్ మీడియా కారణంగా.. K-బ్యూటీ ట్రెండ్ అయినా 'గ్లాస్ స్కిన్' వైపు చాలామంది మొగ్గు చూపుతున్నారు. ఆ లుక్ కోసం వివిధ ఉత్పత్తులను ఉపయోగిస్తున్నారు. దాదాపు 8 నుంచి 15 దశల స్కిన్ కేర్ రొటీన్ కామన్ అయిపోయింది. అయితే ఈ ట్రెండ్స్ వదిలి.. చాలా సింపుల్ రొటీన్తో వారి చర్మాన్ని చూసుకునే వారు కూడా ఉన్నారు. అలాంటివారిలో సారా టెండూల్కర్ కూడా ఒకరు.
ఇటీవల ఆమె ఇచ్చిన ఇంటర్వ్యూలో.. తన స్కిన్ కేర్ రొటీన్, మెరిసే చర్మం వెనుక రహస్యాన్ని పంచుకుంది. ఆమె తన చర్మం సున్నితంగా ఉంటుందని.. ఈజీగా మొటిమలు వచ్చేస్తాయని అందుకే ఏదైనా ప్రొడెక్ట్ వాడేముందు చాలా ఆలోచిస్తానంటూ.. తన స్కిన్ కేర్ రొటీన్ గురించి చెప్పుకొచ్చింది.
సార్ స్కిన్ కేర్ రొటీన్.. వెరీ సింపుల్
ఎక్కువ ఉత్పత్తులను ఉపయోగించకుండా.. ప్రాథమిక చర్మ సంరక్షణపై దృష్టి పెడతానని సారా చెప్పారు. తనది సెన్సిటివ్ స్కిన్ అని.. దీనికోసం క్లెన్సర్, తేలికపాటి మాయిశ్చరైజర్, చర్మానికి హాని కలిగించకుండా సమతుల్యం చేసే పదార్థాలను ఎంచుకుంటానని తెలిపింది. చర్మాన్ని హైడ్రేట్గా ఉంచుకోవడంతో పాటు.. సూర్య కిరణాల నుంచి రక్షించుకోవడం కోసం ప్రత్యేక శ్రద్ధ చూపుతానని వెల్లడించింది. ఉదయాన్నే చర్మాన్ని రక్షించే ప్రొడెక్ట్స్ ఉపయోగిస్తుందట. అలాగే రాత్రి పడుకునే ముందు మేకప్ తొలగించి చర్మాన్ని శుభ్రంగా ఉంచుకోవడం ఆమె దినచర్యలో ముఖ్యమైన భాగంగా తెలిపింది.
మొదట్లో ఎక్కువ ప్రొడెక్ట్స్ ఉపయోగించడం వల్ల త్వరగా ఫలితాలు వస్తాయని భావించానని.. కానీ కాలక్రమేణా 'స్కిన్ టైప్'ను అర్థం చేసుకోవడం, దానిని రక్షించడం చాలా ముఖ్యమని గుర్తించినట్లు తెలిపింది. ఆమె అభిప్రాయం ప్రకారం.. కొత్త ఉత్పత్తులను పదేపదే ప్రయత్నించడానికి బదులుగా.. సాధారణ, స్థిరమైన రొటీన్ మరింత ప్రభావవంతంగా ఉంటుందని తెలిపింది.
PCOS వల్లే ఇది సాధ్యమైంది..
సారా టెండూల్కర్ తనకు PCOS సమస్య ఉందని కూడా ఈ ఇంటర్వ్యూలో తెలిపింది. దీని కారణంగా మొటిమలు, జిడ్డుగల చర్మం వంటి సమస్యలను ఎదుర్కొన్నానని కూడా తెలిపింది. ఈ అనుభవం చర్మ ఆరోగ్యానికి, అంతర్గత ఆరోగ్యానికి నేరుగా సంబంధం ఉందని ఆమెకు అర్థమయ్యేలా చేసిందని వెల్లడించింది. అలాగే తన ఆహారం విషయంలో కూడా చాలా జాగ్రత్తగా ఉంటానని పేర్కొంది. ప్రాసెస్ చేసిన, నూనె, అధిక చక్కెర కలిగిన ఆహారానికి దూరంగా ఉంటుందట ఈ బ్యూటీ.
ఇవేకాకుండా స్ట్రెంత్ ట్రైనింగ్, మంచి నిద్ర, హైడ్రేషన్ కూడా స్కిన్ కేర్కు చాలా అవసరమని తెలిపింది. సరైన ఆహారం, తగినంత నీరు తీసుకుంటే.. ఆ ఫలితాలు చర్మంపై స్పష్టంగా కనిపిస్తాయన్నది. అంతేకాకుండా త్వరగా ఫలితాలు పొందాలనే కోరికతో ట్రెండ్స్ వెనుక పరుగెత్తడానికి బదులుగా.. వైద్యుడి సలహా తీసుకోవాలని సారా సూచించింది. ముఖ్యంగా తనలాగా సెన్సిటివ్ స్కిన్ ఉన్నవారు.. సైన్స్ ఆధారిత, క్లినికల్గా పరీక్షించిన ఉత్పత్తులకు ప్రాధాన్యత ఇవ్వాలన్నది సారా.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
Before You Go
Simple Yoga for Body Fat | చెడు కొవ్వును సింపుల్ యోగాసనాలతో దూరం చేయండి
టాప్ హెడ్ లైన్స్
ట్రెండింగ్ వార్తలు
