World Happiness Report : ఇండియాలో జనాలు సంతోషంగా లేరట.. తాజా రిపోర్ట్​లో ఇంట్రెస్టింగ్ విషయాలు, టాప్​లో ఉన్న దేశమిదే

Happiest Countries in the World : ప్రపంచంలో ఏ దేశ ప్రజలు ఎక్కువ సంతోషంగా ఉన్నారో.. ఇండియా ఏ స్థానంలో ఉందో తెలుసా? తాజాగా వచ్చిన రిపోర్ట్​లో ఓ ఇంట్రెస్టింగ్ ఫ్యాక్ట్ కూడా ఉంది. అదేంటో చూసేద్దాం.

వరల్డ్ హ్యాపినెస్ రిపోర్ట్.. సంతోషంగా ఉన్న దేశాలు ఇవే

Source : Freepik

Show Quick Read

Key points generated by AI, verified by newsroom

• ఫిన్లాండ్ మళ్లీ ప్రపంచంలో అత్యంత సంతోషకరమైన దేశంగా నిలిచింది.
• ఐస్లాండ్, డెన్మార్క్, కోస్టారికా టాప్ 5లో చోటు సంపాదించాయి.
• భారతదేశం 116వ స్థానంలో, పాకిస్తాన్ 104వ స్థానంలో నిలిచింది.
• కుటుంబం, వ్యాయామం, ప్రకృతితో సమయం సంతోషాన్ని పెంచుతాయి.

World Happiness Rankings : ప్రపంచంలో ఎవరు ఎక్కువ సంతోషంగా జీవిస్తున్నారు? డబ్బు, అభివృద్ధి, టెక్నాలజీ అన్నీ ఉన్నా.. నిజమైన సంతోషం ఎక్కడ ఉంది? ఈ ప్రశ్నకు సమాధానం చెప్తూ.. ప్రతి సంవత్సరం World Happiness Report విడుదల చేస్తున్నారు. ప్రపంచంలోని ఏ దేశాలు సంతోషంగా ఉన్నాయో చెప్తూ ఈసారి కూడా ప్రపంచ దేశాల సంతోష స్థాయిలను అంచనా వేసి ర్యాంకులు ప్రకటించారు. ఈ జాబితాలో ఫస్ట్ ప్లేస్ ఎవరిది? భారత్ ఏ స్థానంలో ఉంది? 

ఆ దేశానిదే మళ్లీ ఫస్ట్ ర్యాంక్

ఈ సంవత్సరం కూడా ఫిన్లాండ్ ప్రపంచంలోని అత్యంత సంతోషకరమైన దేశంగా నిలిచింది. 10లో 7.764 రేటింగ్ సాధించింది. సామాజిక భద్రత, అవినీతి లేకపోవడం, వ్యక్తిగత స్వేచ్ఛ, జీవన నాణ్యత అనేది ఇక్కడి ప్రజల సంతోషానికి ప్రధాన కారణాలుగా చెప్తున్నారు. 

సంతోషంగా ఉన్న టాప్ దేశాలు

ఫిన్లాండ్ తర్వాత.. ఐస్లాండ్ 2వ స్థానంలో, డెన్మార్క్ 3వ స్థానంలో, కోస్టారికా 4వ స్థానంలో ఉన్నాయి. ఇవే కాకుండా స్వీడన్, నార్వే, నెదర్లాండ్స్ కూడా సంతోషంగా ఉన్న టాప్ దేశాల్లో ఉన్నాయి. టాప్ 10లో యూరోపియన్ దేశాలే ఎక్కువగా ఉండడం గమనార్హం. అలాగే టాప్ 10 కంట్రీస్లో ప్రధాన ఆంగ్ల భాషా దేశం ఒక్కటి కూడా లేకపోవడం గమనార్హం. అమెరికా 23వ స్థానంలో.. యూకే 29వ స్థానంలో, కెనడా 25వ స్థానంలో, ఆస్ట్రేలియా 15వ స్థానంలో ఉన్నాయి. 

ఇండియా ఏ స్థానంలో ఉందంటే.. 

ప్రపంచ సంతోష సూచికలో భారతదేశం 116వ స్థానంలో నిలిచింది. ఇది చాలా తక్కువ ర్యాంక్ అయినప్పటికీ.. ఓ మంచి విషయం కూడా ఉందని అంటున్నారు. అదేంటంటే.. 2024లో ఈ ర్యాంక్ 126వ ఉండగా.. 2025లో 118వ స్థానంలో ఉంది. అలా చూసుకుంటే ర్యాంక్ కాస్త మెరుగైనట్లే కనపిస్తుందని చెప్తున్నారు. నివేదికల ప్రకారం వృద్ధుల్లో జీవిత సంతృప్తి పెరగడం, కుటుంబ బంధాలు బలంగా మారడమే ఇండియా స్కోర్ మెరుగవడానికి కారణం. 

ఇంట్రెస్టింగ్ ఫ్యాక్ట్.. 

World Happiness Report ప్రకారం ఓ ఇంట్రెస్టింగ్ ఫ్యాక్ట్ ఉంది. ఆర్థిక సమస్యలు ఎదుర్కొంటున్న పాకిస్తాన్.. ఇండియా కంటే ముందుగా 104వ స్థానంలో ఉంది. 

సంతోషంగా ఉండేందుకు చిట్కాలివే.. 

దేశం ఏ స్థానం లో ఉన్నా.. వ్యక్తిగతంగా సంతోషంగా ఉండడం మన చేతుల్లోనే ఉంది. మరి సంతోషంగా ఉండేందుకు ఫాలో అవ్వాల్సిన టిప్స్ ఏంటో.. నిపుణులు ఇస్తోన్న చిట్కాలు ఏంటో చూసేద్దాం. 

• కుటుంబం, స్నేహితులతో గడపడం వల్ల సంతోషం పెరుగుతుంది. కాబట్టి మీకు నచ్చిన రిలేషన్​ని దూరం చేసుకోకండి.
• రెగ్యులర్​గా వ్యాయామం చేయడం, మంచి ఆహారం తీసుకోవడం వల్ల కూడా మూడ్ మెరుగవుతుంది.
• చిన్న విషయాల్లో ఆనందం వెతుక్కోండి. చిన్న సక్సెస్​ని కూడా సెలబ్రేట్ చేసుకోండి.
• ఇతరులతో పోల్చుకోవడం మానితే సగం సంతోషంగా ఉంటారని గుర్తించుకోవాలి.
• ఏమి లేదని బాధపడే బదులు.. ఉన్నవాటి గురించి సంతోషంగా ఉండడం నేర్చుకోవాలి.
• ప్రకృతితో సమయం గడపడం వల్ల మానసిక ప్రశాంతత దొరుకుతుంది.

వీటిని రెగ్యులర్​గా ఫాలో అయితే వ్యక్తిగతంగా సంతోషంగా ఉండేదుకు ఇవి హెల్ప్ అవుతాయి. 

మరిన్ని చదవండి

ఉదయాన్నే 30 సెకన్లు వెనక్కి నడిస్తే చాలు.. శారీరక, మానసిక ప్రయోజనాలు పొందడం ఖాయం

ఇంట్లో వాటర్ ట్యాంక్ ఇలా క్లీన్ చేయండి.. స్టెప్ బై స్టెప్ గైడ్