Professor Without a PhD : PhD లేకుండా కూడా ప్రొఫెసర్ అవ్వొచ్చని తెలుసా? ప్రాక్టీస్ ప్రొఫెసర్ గురించిన పూర్తి వివరాలివే
Professor of Practice : 15 ఏళ్ల అనుభవం ఉంటే PhD లేకున్నా యూనివర్సిటీలో ప్రొఫెసర్ అవ్వొచ్చని అంటున్నారు. ఇది ఎంతవరకు నిజం. పూర్తి వివరాలు ఇప్పుడు చూసేద్దాం.
Professor Without NET or PhD : ఈ మధ్యకాలంలో విద్య అనేది కేవలం పుస్తకాలకు పరిమితం కాలేదు. అందుకే విద్యార్థులను వాస్తవ ప్రపంచంలో ఉంటూ నాలెడ్జ్ పెంచుకునేలా సిద్ధం చేయాల్సి ఉంది. ఈ ఆలోచనతోనే ఒక కొత్త కార్యక్రమం ప్రారంభించారు. దీనిలో భాగంగా PhD, NET వంటి డిగ్రీలు లేకుండా కూడా విశ్వవిద్యాలయాలలో ప్రొఫెసర్లుగా మారవచ్చు. అందుకు ప్రసిద్ధ జానపద గాయని మాలిని అవస్థిని ఒక ఎగ్జాంపుల్. ఆమెను తాజాగా 'Professor of Practice'గా నియమించారు. దీనితో ఈ కొత్త వ్యవస్థపై చాలామందిలో ఆసక్తి పెరిగింది.
మాలిని అవస్థి జర్నీ..
జానపద సంగీత ప్రపంచంలో గొప్ప పేరు తెచ్చుకున్న మాలిని అవస్థిని మీరట్ విశ్వవిద్యాలయంలో 'Professor of Practice'గా ఎంపికయ్యారు. ఆమెకు జానపద సంగీతంలో సంవత్సరాల తరబడి అనుభవం ఉంది. ఆమె తన కళతో దేశ, విదేశాలలో గుర్తింపు తెచ్చుకుంది. ఆమె నియామకం విద్యార్థులకు పుస్తకాలతో పాటు వాస్తవ వేదిక అనుభవాన్ని కూడా అందిస్తుంది. అంటే ఇప్పుడు విద్య అనేది కేవలం సిద్ధాంతానికి మాత్రమే పరిమితం కాదని ఆమె జర్నీ నిరూపించింది.
'Professor of Practice' అంటే..
'Professor of Practice' అనేది ఒక ప్రత్యేక పదవి. ఇది ఎవరైనా వారి రంగంలో చాలా కాలంగా పనిచేస్తూ, ఆచరణాత్మక జ్ఞానాన్ని పొందిన వారి కోసం ప్రత్యేకంగా రూపొందించారు. అటువంటి వ్యక్తులు PhD లేదా NET వంటి సాంప్రదాయ డిగ్రీలను కలిగి ఉండవలసిన అవసరం లేదు. ఎందుకంటే వారి అనుభవాన్నే అతిపెద్ద అర్హతగా పరిగణిస్తారు. దీని ప్రధాన లక్ష్యం ఏమిటంటే.. విద్యార్థులను సిద్ధాంతంతో మాత్రమే కాకుండా.. వాస్తవ ప్రపంచ అనుభవంతో కూడా అనుసంధానించడం. ఇది విద్య ప్రమాణం, ఉపయోగం రెండింటినీ మెరుగుపరుస్తుంది.
Professor of Practice ఎలా కావచ్చు?
ఈ పదవికి అత్యంత ముఖ్యమైన విషయం అనుభవం. ఎవరైనా తమ రంగంలో దాదాపు 15 సంవత్సరాల అనుభవం కలిగి ఉంటే.. వారు దీనికి అర్హులు కావచ్చు. మీరు కళలు, మీడియా, వ్యాపారం, సైన్స్ లేదా ఏదైనా రంగంలో ఉన్నా.. మీరు మీ పనిలో నిపుణులైతే.. ఈ అవకాశం మీ కోసం వేచి ఉంటుంది.
ఎందుకు ప్రారంభించారంటే..
విద్యార్థులు తరచుగా పుస్తకాల నుంచి చదువుకుంటారు. కానీ వాస్తవంలో పని చేయడంలో ఇబ్బందులు ఎదుర్కొంటున్నారు. ఈ అంతరాన్ని తొలగించడానికి దీనిని ప్రారంభించారు. దీని లక్ష్యం ఏమిటంటే.. విద్యార్థులు వారి ఇండస్ట్రీకి సంబంధించిన వాస్తవ సమాచారాన్ని పొందుతూ.. ఉద్యోగం కోసం కూడా బాగా సిద్ధం కావాలి.
విద్యార్థులకు ఎలాంటి బెనిఫిట్ ఉంటుందంటే..
- అత్యంత ముఖ్యమైన ప్రయోజనం ఏమిటంటే.. విద్యార్థులు నేరుగా నిపుణుల నుంచి నేర్చుకునే అవకాశం పొందుతారు.
- ఉద్యోగంలో ఉపయోగపడే విషయాలను వారికి బోధిస్తారు. ఇంటర్న్షిప్లు, ఉద్యోగ అవకాశాలు కూడా పెరుగుతాయి.
- అంతేకాకుండా కొత్త ఆలోచనలు, స్టార్టప్ల ఆలోచనలు కూడా విద్యార్థుల్లో బలపడతాయి.
టాప్ హెడ్ లైన్స్
ట్రెండింగ్ వార్తలు
