Pondicherry Trip : 8000లోపే పాండిచ్చేరి స్పెషల్ ట్రిప్.. సోలో అయినా, ఫ్రెండ్స్తో అయినా తక్కువ ఖర్చులో ఇలా ప్లాన్ చేసేయండి
Budget-Friendly Pondicherry Trip : పాండిచ్చేరి వెళ్లాలనుకుంటున్నారా? తక్కువ ఖర్చులో పూర్తి ట్రిప్ ఇలా ప్లాన్ చేసుకోండి. 8000 లోపే పాండిచ్చేరిని ఎలా ఎక్స్ప్లోర్ చేయవచ్చో చూసేద్దాం.
Pondicherry Trip Under 8000 : పాండిచ్చేరి చాలామంది విష్ లిస్ట్లో ఉండే ఓ అందమైన ప్రదేశం. ఇక్కడికి వెళ్లాలని.. అక్కడ బీచ్లలో ఎంజాయ్ చేయాలని.. సన్ సెట్, సన్ రైజ్ చూడాలని అనుకుంటారు. పాస్టెల్-రంగు భవనాలు, సైలెంట్ బౌలేవార్డ్లు, బీచ్సైడ్ కేఫ్లు, స్పష్టమైన ఫ్రెంచ్ ఫీలింగ్ కోసం ఇక్కడికి వెళ్లాలనుకుంటారు. అయితే కొందరికి బడ్జెట్ ప్రాబ్లమ్ ఉంటుంది. మరి పాండిచ్చేరి వెళ్లాలనుకుంటే.. ఎలాంటి ప్రణాళిక ఉండాలి. తక్కువ బడ్జెట్లో ట్రిప్ ఎలా పూర్తి చేయవచ్చో చూసేద్దాం.
8000 లోపు పాండిచ్చేరి ట్రిప్
పాండిచ్చేరిలో పెద్ద రైల్వే స్టేషన్ లేదా విమానాశ్రయం లేదు. కాబట్టి చెన్నై లేదా విల్లుపురం వెళ్లాలి. ఎందుకంటే అవే పాండికి సమీప నగరాలు. బడ్జెట్ ప్రయాణికులు ప్రభుత్వ బస్సులు లేదా సెకండ్ క్లాస్ రైలు టిక్కెట్లపై వెళ్లొచ్చు. ఇవి చాలా చౌకగా అందుబాటులో ఉంటాయి. రాత్రిపూట బస్సులు లేదా తెల్లవారుజామున రైళ్లను ఎంచుకోవడం వల్ల.. ఒక రాత్రికి వసతి ఖర్చులను ఆదా చేసుకోవచ్చు. పాండిచ్చేరిలో ఖరీదైన రవాణా లేకుండా నగరాన్ని ఎలా అన్వేషించాలో చూసేద్దాం.
బడ్జెట్ ఫ్రెండ్లీ స్టేయింగ్స్
- హాస్టళ్లు, డార్మిటరీలు : సోలో ట్రావెలర్స్ లేదా షేరింగ్ సౌకర్యంగా ఉన్నవారికి.. హాస్టళ్లు అత్యంత పొదుపుగా ఉండే ఎంపిక.
- అన్ప్యాక్ హాస్టల్ : డార్మిటరీ బెడ్లు రాత్రికి 600 – 800 వరకు ఉంటాయి. హాస్టల్ ఎయిర్ కండిషన్డ్ గదులు, షేర్డ్ కిచెన్లు, లాంజ్లు, టెర్రస్ను అందిస్తుంది. శ్రీ అరబిందో ఆశ్రమం, వైట్ టౌన్ వంటి ప్రధాన ఆకర్షణలకు సమీపంలో ఉండటం దీనిని అనుకూలమైన స్థావరంగా చేస్తుంది.
- గోస్టాప్స్ పాండిచ్చేరి : డార్మ్ బెడ్లు 400 – 600 నుంచి ప్రారంభమవుతాయి. అల్పాహారంతో కూడిన ఎంపికలు సాధారణంగా 700–800 వరకు ఉంటాయి. హాస్టల్ కామన్ లాంజ్లు, గేమ్స్ రూమ్లు, అవసరమైన సౌకర్యాలను అందిస్తుంది. ఇది బడ్జెట్ ప్రయాణికులకు బెస్ట్.
- బడ్జెట్ హోటళ్లు : ఎక్కువ ఖర్చు చేయకుండా ప్రైవేట్ గదులను ఇష్టపడే ప్రయాణికులు హోటళ్లు తీసుకోవచ్చు. లా విల్లా క్రియోల్లో ఇద్దరికి రాత్రికి సుమారు 1,000కి గదులు అందుబాటులో ఉన్నాయి. లా బీచ్ రిసార్ట్ ముత్తులో ఇద్దరికి సుమారు 2,000 రూమ్కి తీసుకుంటారు.
ఫుడ్ ఆప్షన్స్
పాండిచ్చేరిలో స్ట్రీట్ ఫుడ్ నుంచి.. ఉన్నత స్థాయి కేఫ్ల వరకు ఉంటుంది. అయితే బడ్జెట్ ప్రయాణికులు తెలివిగా ఎంచుకోవడం ద్వారా రుచి, విలువ రెండింటినీ ఆస్వాదించవచ్చు.
- బేకర్ స్ట్రీట్ : దాని ఫ్రెంచ్ బేక్డ్ వస్తువులకు ఇది ప్రసిద్ధి చెందింది. పొదుపుగా ఉండే అల్పాహారం, తేలికపాటి భోజనాలకు అనువైనది.
- కొరోమాండల్ కేఫ్ : ఫ్రెంచ్ టౌన్లో ఉన్న ఇది రిలాక్స్డ్ వాతావరణంలో కాంటినెంటల్ వంటకాలు, పేస్ట్రీలు, హై టీని అందిస్తుంది.
- టోవో రెస్టారెంట్ : శాఖాహార భోజనానికి మంచి ఎంపిక. ఇద్దరికి సుమారు 1,200 సగటు ఖర్చుతో అందుబాటులో ఉంటుంది.
పాండిచ్చేరి ఎక్స్ప్లోర్ చేసేందుకు
పాండిచ్చేరిలో స్థానిక ప్రయాణం రిఫ్రెష్గా సరళంగా, పొదుపుగా ఉంటుంది. వైట్ టౌన్ను అన్వేషించడానికి రోజుకు 100 నుంచి సైకిళ్లను అద్దెకు తీసుకోవచ్చు. స్కూటర్లు రోజుకు సుమారు 350–400కి అందుబాటులో ఉన్నాయి, ఇవి చాలా సౌలభ్యంగా ఉంటాయి. ఫ్రెంచ్ క్వార్టర్ను చూడడానికి నడవడం ఉత్తమ మార్గాలలో ఒకటి. ఇక్కడ ప్రతి వీధిలో ఒక్కో కథ ఉంటుంది.
- ఫ్రెంచ్ క్వార్టర్ గుండా నడుస్తూ రంగుల వలసరాజ్యాల భవనాలను చూడొచ్చు. ఫోటోలు తీయడం కూడా ఖర్చుతో కూడుకున్నది కాదు.
- రాక్ బీచ్, సెరినిటీ బీచ్ వంటి బీచ్లు అందరికీ తెరిచి ఉంటాయి. సైలెంట్ ఈవెనింగ్స్కి అనువైనవి.
- శ్రీ అరబిందో ఆశ్రమం వంటి ఆధ్యాత్మిక ప్రదేశాలు.. ప్రవేశ రుసుము లేకుండా ప్రశాంతమైన క్షణాలను అందిస్తాయి.
సమీప ప్రాంతాలకు, వారసత్వ వీధులకు, స్థానిక మార్కెట్లకు చిన్న పర్యటనలకు ఎక్కువ ఖర్చు చేయకుండా నడకతో నగరాన్ని చూడవచ్చు. ఇవన్నీ మీకు బడ్జెట్ ఫ్రెండ్లీ ట్రిప్ అనుభవాన్ని ఇస్తాయి. మరి ఇంకెందుకు ఆలస్యం. మీరు కూడా ఈ స్పెషల్ జర్నీని తక్కువ బడ్జెట్లో హ్యాపీగా ఎంజాయ్ చేసేయండి.
టాప్ హెడ్ లైన్స్
ట్రెండింగ్ వార్తలు
