Liver Cleansing Tips : కాలేయాన్ని సహజంగా ఇలా డీటాక్స్ చేసేయండి.. లివర్​ హెల్త్​ కోసం ఫాలో అవ్వాల్సిన టిప్స్

Liver Health : కాలేయాన్ని కాపాడుకునేందుకు కచ్చితంగా డిటాక్స్ టిప్స్ ఫాలో అవ్వాలని అంటున్నారు నిపుణులు. సహజంగా దీనిని ఎలా క్లెన్సింగ్ చేయవచ్చో ఇప్పుడు చూసేద్దాం. 

కాలేయ ఆరోగ్యాన్ని కాపాడుకోండిలా (Image Source : Freepik)

Source : freepik

Tips for Maintaining Liver Health : శరీరం నుంచి టాక్సిన్లను బయటకు పంపి.. పూర్తి ఆరోగ్యాన్ని కాపాడడంలో కాలేయం కీ రోల్ ప్లే చేస్తుంది. అంతేకాకుండా ఆహారం ద్వారా తీసుకున్న పోషకాలను, మెడిసన్స్​ను శరీరానికి అందించడంలో ముఖ్యపాత్ర పోషిస్తుంది. హార్మోనల్ సమస్యలను దూరం చేస్తుంది. మెటబాలీజాన్ని రెగ్యులేట్ చేస్తుంది. రోగనిరోధక శక్తిని పెంచి.. ఇన్​ఫెక్షన్లు రాకుండా కాపాడుతుంది. ఇలాంటి లివర్​ని హెల్తీగా చూసుకోవాలని సూచిస్తున్నారు నిపుణులు. సహజంగా లివర్​ డీటాక్స్ కోసం కొన్ని టిప్స్ ఫాలో అవ్వాలి అంటున్నారు. అవేంటో ఇప్పుడు చూసేద్దాం. 

లెమన్ వాటర్

మీ ఉదయాన్ని లెమన్ వాటర్​తో స్టార్ట్ చేయండి. గోరువెచ్చని నీటిలో తాజాగా పిండిన నిమ్మరసం కలిపి పరగడుపునే తాగండి. ఇది శరీరంలోని టాక్సిన్లను బయటకు పంపి.. లివర్ హెల్త్​ని ప్రమోట్ చేస్తుంది. 

ఆహారం..

కాలేయాన్ని శుభ్రం చేసుకునేందుకు హెల్తీ ఫుడ్ తీసుకోవాలి. లివర్​ ఫ్రెండ్లీ ఫుడ్స్​ని డైట్​లో చేర్చుకోవాలి. ఆకుకూరలు, వెల్లుల్లి, బీట్​రూట్, పసుపు వంటి వాటిని డైట్​లో చేర్చుకోవాలి. ఆరెంజ్, ద్రాక్షలు వంటి వాటిలో విటమిన్ సి ఉంటాయి. ఇవి కూడా లివర్​ హెల్త్​కి మంచివి. ఇవన్నీ ఆరోగ్యానికి మేలు చేయడమే కాకుండా.. లివర్​ని డిటాక్స్ చేసి.. మెరుగుపరచడంలో హెల్ప్ చేస్తాయి. ఆర్గానిక్ ఫుడ్స్ తీసుకుంటా ప్రాసెస్ చేసిన ఫుడ్స్​కి దూరంగా ఉండాలి. 

ఫాస్టింగ్.. 

వారంలో ఏదొక రోజు మీరు ఫాస్టింగ్ చేయండి. లేదా ఇంటర్మిటెంట్​ ఫాస్టింగ్ కూడా మంచి ఫలితాలు ఇస్తుంది. ఇలా ఉపవాసం చేయడం వల్ల లివర్​ డిటాక్స్​ అవ్వడంపై ఫోకస్ పెడుతుంది. జీర్ణ సమస్యలు తగ్గుతాయి. లివర్ ఫంక్షనింగ్ మెరుగుపడుతుంది. 

వ్యాయామం

ఫిజికల్​ యాక్టివిటీ ఉండేలా చూసుకోండి. రోజూ వ్యాయామం చేయడం వల్ల కూడా లివర్ హెల్త్ మెరుగవుతుంది. నడక, యోగా, సైక్లింగ్ వంటివి శరీరంలో రక్తప్రసరణను మెరుగుపరుస్తాయి. ఇవి లివర్​ హెల్త్​ని ప్రమోట్ చేస్తాయి. సహజంగా కాలేయాన్ని డిటాక్స్ చేస్తాయి. ఒత్తిడి కూడా లివర్​పై నెగిటివ్ ప్రభావం చూపిస్తుంది కాబట్టి.. యోగా, మెడిటేషన్ వంటివి చేయొచ్చు. 

హైడ్రేషన్ 

హైడ్రేషన్ అనేది లివర్​ హెల్త్​ని పూర్తిగా మెరుగుపరుస్తుంది. కాబట్టి రోజుకు కనీసం 7 నుంచి 8 గ్లాసుల నీటిని తాగండి. దీనివల్ల లివర్ ఫిల్టర్ అవుతుంది. టాక్సిన్లను బయటకు పంపుతుంది. మెటబాలీజంని పెంచి కాలేయ ఆరోగ్యాన్ని మెరుగుపరుస్తుంది. 

దూరంగా ఉండండి.. 

ప్రాసెస్ చేసిన ఫుడ్​ని పూర్తిగా మానేస్తే మంచిది. లేదా లిమిట్​గా తీసుకోవాలి. ప్రిజెర్వేటివ్స్ ఉండే ఫుడ్​కి, కెమికల్స్​కి దూరంగా ఉండాలి. ఆల్కహాల్​ని తగ్గించడం లేదా మానేయడం జరగాలి. 

ఇవన్నీ కాలేయాన్ని సహజంగా డీటాక్స్ చేయడంలో హెల్ప్ చేస్తాయి. అంతేకాకుండా పూర్తి ఆరోగ్యాన్ని మెరుగుపరుస్తాయి. నిద్ర నాణ్యత కూడా పెరుగుతుంది. వైద్యుల సహాయంతో లివర్ ఫంక్షనింగ్ మెరుగుపరచుకునేందుకు సప్లిమెంట్స్​ కూడా డైట్​లో తీసుకోవచ్చు. 

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.