Sink Trap Leak: వంటగది సింక్ నుంచి నీరు కారుతుందా? ప్లంబర్ అవసరం లేకుండా ఈ చిట్కాలతో లీక్ అరికట్టవచ్చు! 

Water Damage Prevention: సింక్ ట్రాప్‌లు లీక్ అవ్వడానికి అత్యంత సాధారణ కారణాలు లూజ్‌గా ఉన్న కనెక్షన్‌లు, అరిగిపోయిన వాషర్‌లు, సరిగా లేని పైపు ఫిట్టింగ్‌లు లేదా విరిగిన భాగాలు.

వంటగది సింక్ నుంచి నీరు కారుతుందా? ఈ చిట్కాలతో ప్లంబర్ అవసరం లేకుండా లీక్ అరికట్టవచ్చు! 

Source : freepik

Show Quick Read

Key points generated by AI, verified by newsroom

• వదులైన కనెక్షన్లు, అరిగిపోయిన వాషర్లు సింక్ లీక్ కారణాలు.
• లీక్ గుర్తించి, వదులు కనెక్షన్లు వెంటనే చేతితో బిగించాలి.
• పాడైన వాషర్లు మార్చాలి, లేదంటే కొత్త ట్రాప్ అమర్చాలి.

How To Fix A Leaking Sink Trap: ఇంట్లోని సింక్ కింద నుంచి నీరు లీక్ అవ్వడం అనేది ఒక సాధారణ సమస్యలా అనిపించవచ్చు, కానీ దానిని నిర్లక్ష్యం చేస్తే భారీ మూల్యం చెల్లించాల్సి రావచ్చు. నెమ్మదిగా జరిగే లీక్ వల్ల వంటగది క్యాబినెట్‌లు, ఫ్లోర్‌లు, ఇతర వస్తువులు దెబ్బతినవచ్చు. అదృష్టవశాత్తూ, చాలా సందర్భాల్లో, ఈ సమస్యను పెద్దగా ఖర్చు లేకుండా సులభంగా పరిష్కరించవచ్చు. దాన్ని మీరు ఎలా చేయాలో ఇప్పుడు చూద్దాం. 

సింక్‌ను ఎలా బాగు చేసుకోవాలి?

ప్లంబింగ్ నిపుణుల అభిప్రాయం ప్రకారం, సింక్ ట్రాప్‌లు (వీటిని పి-ట్రాప్‌లు అని కూడా పిలుస్తారు) లీక్ అవ్వడానికి అత్యంత సాధారణ కారణాలు వదులుగా ఉన్న కనెక్షన్‌లు, అరిగిపోయిన వాషర్‌లు, సరిగా లేని పైపు ఫిట్టింగ్‌లు లేదా పాతబడిన,  విరిగిన పార్ట్స్‌ కావచ్చు. అందువల్ల, ముందుగా నీటి లీక్ కారణాలను గుర్తించాలి. ఈ విషయాన్ని తెలుసుకునే ముందు మొత్తం ట్రాప్‌ను పొడి గుడ్డతో పూర్తిగా శుభ్రం చేయాలని నిపుణులు సిఫార్సు చేస్తున్నారు. ఆ తర్వాత, సింక్ కింద ఒక బకెట్ ఉంచి, కొన్ని నిమిషాల పాటు నీటిని వదలండి. అవసరమైతే ఫ్లాష్‌లైట్ ఉపయోగించి, ప్రతి కనెక్షన్‌ను జాగ్రత్తగా తనిఖీ చేయండి. కొన్నిసార్లు, నీరు పై ప్రదేశం నుంచి లీక్ అయి, కింద వేరే ప్రదేశం నుంచి చుక్కలుగా కారుతుంది, దీనివల్ల కారణాన్ని గుర్తించడం కష్టమవుతుంది.

ఈ విషయాన్ని గుర్తుంచుకోండి

చాలా సందర్భాలలో, స్లిప్-జాయింట్ నట్స్ దగ్గర లీకులు కనిపిస్తాయి. కనెక్షన్ వదులుగా ఉంటే, చేతితో బిగించడం సరిపోవచ్చు. అవసరమైతే, ప్లైయర్స్ ఉపయోగించి కొద్దిగా అదనంగా తిప్పవచ్చు. అయితే, అతిగా బిగించడం వల్ల ప్లాస్టిక్ ఫిట్టింగ్ విరిగిపోవచ్చని లేదా వాషర్ దెబ్బతినవచ్చని నిపుణులు హెచ్చరిస్తున్నారు. నట్స్ బిగించిన తర్వాత కూడా లీక్ కొనసాగితే, వాషర్‌ చెక్ చేయాలి. కాలక్రమేణా, వాషర్లు గట్టిపడతాయి లేదా పాడైపోతాయి. దీనివల్ల సరైన సీలింగ్ జరగదు. అటువంటి సందర్భాల్లో, కొత్త వాషర్లను అమర్చడం అత్యంత సులభమైన చౌకైన పరిష్కారంగా చెప్పవచ్చు.

ట్రాప్ పగిలిపోతే ఏం చేయాలి? 

అయితే, ట్రాప్ పగిలిపోయినా లేదా ఐరన్ పైపు తుప్పు పట్టినా, మొత్తం ట్రాప్‌ను మార్చడమే మంచిది. మార్కెట్లో లభించే PVC పి-ట్రాప్‌లు చవకైనవి, తుప్పు పట్టకుండా కూడా ఉంటాయి. కొత్త ట్రాప్‌ను అమర్చేటప్పుడు, అన్ని వాషర్‌లు సరైన దిశలో ఉన్నాయని, పైపులు సరిగ్గా అమర్చి ఉన్నాయని నిర్ధారించుకోవడం ముఖ్యం. ప్లంబింగ్ నిపుణుల అభిప్రాయం ప్రకారం, తరచుగా లీకులు అవుతున్నా లేదా ఫిట్టింగ్‌ల థ్రెడ్‌లు అరిగిపోయినా, కేవలం ఒక భాగాన్ని మార్చడం కంటే మొత్తం అసెంబ్లీని మార్చడమే సురక్షితమైన, ఎక్కువ కాలం నిలిచే పరిష్కారంగా చెబుతున్నారు.         

మరిన్ని చదవండి

జీర్ణ సమస్యలకు చెక్ పెట్టాలంటే జీలకర్ర డ్రింక్ ట్రై చేయండి.. ఉదయాన్నే తాగితే ఎన్నో లాభాలు

30 రోజులు రైస్ వాటర్‌ను ముఖానికి అప్లై చేస్తే కలిగే లాభాలివే.. ఎలా ఉపయోగించాలంటే