Heat Wave Alert : రోజు రోజుకి పెరుగుతోన్న ఉష్ణోగ్రతలు.. వేడి వల్ల శరీరానికి, మనసుకు పొంచి ఉన్న ప్రమాదాలు ఇవే
Stay Cool, Stay Safe : తీవ్రమైన వేడి అనేది కేవలం వాతావరణ సమస్య మాత్రమే కాదు. ఇది శరీరం, మనసు రెండింటిపై కూడా తీవ్రమైన ప్రభావాన్ని చూపుతోంది. డీహైడ్రేషన్, వడదెబ్బ వంటి సమస్యలు పెరుగుతాయి.
- వాతావరణ మార్పులతో జనవరి నుంచే పెరుగుతున్న ఎండలు తీవ్రంగా ఉన్నాయి.
- అధిక వేడి శరీరంలోని నీటిని తగ్గించి, అలసట, డీహైడ్రేషన్ కలిగిస్తుంది.
- మానసికంగా చిరాకు, ఒత్తిడి, నిద్రలేమి వంటి సమస్యలు వేడివల్ల పెరుగుతాయి.
- పిల్లలు, వృద్ధులు, అనారోగ్య సమస్యలున్నవారు మరింత జాగ్రత్తగా ఉండాలి.
Hidden Health Dangers of Extreme Heat : గతంలో వేసవి కాలం అంటే మే-జూన్ అన్నట్టే ఉండేది. కానీ వాతావరణం పూర్తిగా మారిపోయింది. జనవరి చివరి నుంచి ఎండలు పెరగడం.. ఫిబ్రవరి, మార్చికి వచ్చే సరికి అవి తీవ్రంగా మారడం జరుగుతుంది. ఏప్రిల్, మే ఎండలు అయితే ఇక చెప్పనవసరం లేదు. ఎండ, వడగాలులు ప్రజలను శారీరకంగా, మానసికంగా ఇబ్బంది పెడుతున్నాయి. ఇంటి నుంచి బయటకు రాగానే.. శరీరంలోని శక్తి అంతా డ్రైన్ అయిపోతుంది.
వైద్యుల ప్రకారం.. నిరంతరం పెరుగుతున్న ఈ వేడి శరీరాలపై తీవ్ర ప్రభావాన్ని చూపిస్తుంది. అంతేకాకుండా.. అధిక ఉష్ణోగ్రతలు శరీరంలోని నీటిని వేగంగా ఆవిరి చేస్తాయి. దీనివల్ల డీహైడ్రేషన్, నీరసం, తల తిరగడం వంటి సమస్యలు వస్తాయి. ఇది కేవలం అలసట అని భావించి చాలామంది నిర్లక్ష్యం చేస్తారు. కానీ ఇలా అజాగ్రత్తగా ఉంటే.. తీవ్రమైన అనారోగ్యానికి కారణం కావచ్చు.
వేడివల్ల శరీరంలో జరిగే మార్పులు..
శరీరం అధిక వేడికి గురైనప్పుడు.. తనను తాను చల్లబరచుకోవడానికి మరింత కష్టపడాల్సి వస్తుంది. చెమట పట్టడం వల్ల శరీరంలోని నీరు, అవసరమైన ఖనిజాలు తగ్గిపోతాయి. ఇది రక్త ప్రసరణను కూడా ప్రభావితం చేస్తుంది. వేడి శరీరం నుంచి తేమను తొలగించి.. చర్మాన్ని నిర్జీవంగా, పొడిగా మారుస్తుంది. దీంతో పెదవులు పగలడం, తల బరువుగా అనిపించడం, చేతులు, కాళ్లు మండటం వంటి లక్షణాలు కనిపిస్తాయి. కొన్నిసార్లు చర్మంపై దద్దుర్లు, చికాకు, వాపు కూడా రావచ్చు. ఎక్కువసేపు ఎండలో ఉండటం వల్ల వడదెబ్బ వంటి ప్రమాదకరమైన పరిస్థితులకు దారితీస్తుంది. ఇవి స్పృహ కోల్పోవడానికి కూడా కారణమవుతాయి.
మానసికంగా కలిగే ఇబ్బందులు..
అధిక వేడి మానసిక స్థితిని కూడా ప్రభావితం చేస్తుందని నిపుణులు. నిరంతరం వేడికి గురికావడం వల్ల చిరాకు, కోపం, అశాంతి, ఒత్తిడి పెరుగుతాయి. నిద్రలేమి, తలనొప్పులు, చిన్న చిన్న విషయాలకే కోపం రావడం జరుగుతుంది. తీవ్రమైన వేడి మెదడు పనితీరును బలహీనపరుస్తుంది. అందుకే వైద్యులు తరచుగా నీరు తాగాలని, తేలికపాటి ఆహారం తీసుకోవాలని, ఎండకు దూరంగా ఉండాలని సూచిస్తున్నారు.
వాళ్లు మరింత జాగ్రత్తగా ఉండాలి..
ఈ వేడి వాతావరణంలో పిల్లలు, వృద్ధులు, ఇతర అనారోగ్య సమస్యలు ఉన్నవారు మరింత జాగ్రత్తగా ఉండాలి. మధుమేహం, గుండె లేదా మూత్రపిండాల వ్యాధులు ఉన్నవారు మరింత జాగ్రత్తగా ఉండాలి. లేదా పరిస్థితి మరింత ప్రమాదకరంగా మారుతుంది. అలిగే పిల్లలు, వృద్ధులు త్వరగా డీహైడ్రేట్ అవుతారు. ఇలాంటి సమయంలో చిన్న నిర్లక్ష్యం కూడా గణనీయమైన సమస్యలకు దారితీస్తుంది. కాబట్టి వారు ఎక్కువసేపు ఎండలో ఉండకుండా చూసుకోవాలి. నీరు తాగుతూ, హైడ్రేట్ అయ్యేలా చూసుకోవాలి.
తీసుకోవాల్సిన జాగ్రత్తలు..
ఇలాంటి వేడి వాతావరణంలో.. ఫ్యాన్ లేదా కూలర్ కింద ఉంటే సరిపోదు. శరీరాన్ని లోపలి నుంచి కూల్గా ఉండేలా చూసుకోవాలి. నీరు తాగుతూ.. హైడ్రేటింగ్ ఫుడ్స్ తీసుకుంటూ.. కాటన్ దుస్తులు వేసుకుని చల్లగా చూసుకోవాలి. అలాగే బయటకు వెళ్తే తలపై కప్పుకోవడం, గ్లాసెస్ పెట్టుకోవడం, సన్స్క్రీన్ రాసుకోవడం వంటివి చేయాలి.
వైద్యసహాయం ఎప్పుడు తీసుకోవాలంటే..
తీవ్రమైన వేడి, మంట, తల తిరగడం, వాంతులు లేదా నీరసం వంటి లక్షణాలు కనిపిస్తే.. వెంటనే వైద్యుడిని సంప్రదించాలి. నిర్లక్ష్యం చేస్తే అది ప్రాణాంతకమవుతుంది. తలనొప్పి తీవ్రం కావడం, శరీరం సహకరించకపోవడం, అలసిపోవడం వంటి లక్షణాలు కూడా విస్మరించకూడదు.
ఎండాకాలంలో తీసుకోవాల్సిన మరిన్ని జాగ్రత్తల కోసం ఇది క్లిక్ చేయండి.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
Before You Go
Simple Yoga for Body Fat | చెడు కొవ్వును సింపుల్ యోగాసనాలతో దూరం చేయండి
టాప్ హెడ్ లైన్స్
ట్రెండింగ్ వార్తలు
