Fridge Management Tips : ఫ్రిడ్జ్ పాడవకుండా తీసుకోవాల్సిన జాగ్రత్తలు.. పండ్లు, కూరగాయలను తాజాగా ఉంచేందుకు ఫాలో అవ్వాల్సిన టిప్స్ ఇవే
Fridge Usage : సరైన పద్ధతిలో కూరగాయలు, పండ్లను పెట్టకపోతే.. ఫ్రిడ్జ్లో పెట్టినా అవి పాడైపోతాయి. అందుకే ఫ్రిడ్జ్లో వాటిని స్టోర్ చేసే ముందు కొన్ని జాగ్రత్తలు, టిప్స్ ఫాలో అవ్వాలంటున్నారు నిపుణులు.
Refrigerator Organization : ఫ్రిడ్జ్ని కూరగాయలు, పండ్లు, ఇతర ఆహార పదార్థాలను తాజాగా, పాడవకుండా ఉండేందుకు వినియోగిస్తారు. దాదాపు అందరిళ్లల్లోనూ ఫ్రిడ్జ్ ఉంటుంది. అయితే దీనిని మెయింటైన్ చేయడమే అందరికీ రాదు. తెలియకుండా చేసే కొన్ని మిస్టేక్స్ వల్ల కూరగాయలు, పండ్లు త్వరగా పాడైపోతూ ఉంటాయి. పండ్లు, కూరగాయలు పాడవకుండా.. ఎక్కువకాలం వాటిని తాజాగా ఉంచేందుకు కొన్ని చిట్కాలు ఫాలో అవ్వాలి. ఎలాంటి జాగ్రత్తలు తీసుకుంటే మంచిది? ఎలాంటి టిప్స్ కూరగాయలు, పండ్లను ఫ్రెష్గా ఉంచుతాయో ఇప్పుడు తెలుసుకుందాం.
కవర్స్లో పెడుతున్నారా?
ఫ్రిడ్జ్లో కూరగాయలు, పండ్లను నిల్వ చేసేప్పుడు చాలామంది చేసే అతి పెద్ద మిస్టేక్ ఏంటంటే.. ప్లాస్టిక్ కవర్స్లో పెట్టడం. ఇలా చేయడం వల్ల అవి త్వరగా పాడైపోతాయి. దానికి బదులు కూరగాయలు, పండ్లను విడివిడిగా కాటన్ బ్యాగ్లో పెట్టుకోవాలి. లేదంటే సన్నని కాటన్ క్లాత్లో వాటిని చుట్టి విడిగా స్టోర్ చేసుకోవాలి. ఎందుకంటే కాటన్ తేమను గ్రహించి.. పండ్లు, కూరగాయలను ఎక్కువకాలం తాజాగా ఉండేలా చేస్తుంది.
ఆకుకూరలను ఇలా పెట్టండి
పచ్చిమిర్చి, కొత్తిమీర, కరివేపాకు, పాలకూర వంటివి త్వరగా కుళ్లిపోతాయి. లేదంటే ఎండిపోతాయి. కానీ వాటిని కాటన్ బ్యాగ్స్లో ఉంచితే ఎక్కువకాలం ఫ్రెష్గా ఉంటాయి. వాటి వాసన కూడా పోదు. అల్లంపై ఉండే మట్టిని శుభ్రంగా కడిగి.. వాటిని ఆరబెట్టి ఫ్రిజ్లో పెట్టుకోవాలి. అలాగే కొబ్బరికాయను కూడా ఫ్రిడ్జ్లో నేరుగా పెట్టకూడదు. అలా చేస్తే త్వరగా పాడైపోతుంది కాబట్టి.. కొబ్బరిని తురుముగా చేసుకుని.. దానిని ఓ కంటైనర్లో పెట్టుకోవాలి. దీనివల్ల బూజు పట్టదు. వంటల్లో వాడుకునేందుకు కూడా ఈజీగా ఉంటుంది.
పండ్లను ఇలా స్టోర్ చేయండి..
పండ్లను ఉంచేప్పుడు వెంటిలేషన్ కోసం.. రంధ్రాలు ఉన్న కంటైనర్లో ఉపయోగించవచ్చు. మల్లెపువ్వు, జామపండ్లు వంటి వాటిని ఫ్రిడ్జ్లో పెట్టేప్పుడు నేరుగా కాకుండా కవర్ చేసి పెట్టుకోవాలి. లేదంటే ఫ్రిడ్జ్లోని ఆహారపదార్థాలన్నీ వాటి వాసనతో నిండిపోతాయి. నిమ్మకాయను కట్ చేసి ఫ్రిడ్జ్లో ఓ మూల ఉంచితే ఫ్రిజ్ మంచి వాసన వస్తుంది.
మూతలేకుండా వద్దు..
పన్నీర్, బటర్ వంటి పాల ఉత్పత్తులను నేరుగా ఫ్రిజ్లో పెట్టకూడదు. వాటిని అల్యూమినియం ఫాయిల్తో కవర్ చేసి స్టోర్ చేసుకోవాలి. ఇడ్లీ, దోశ పిండిని మూతలేకుండా ఫ్రిజ్లో ఉంచకూడదు. గాలిచేరని కంటైనర్లో వేసి.. ఫ్రిజ్లో పెట్టుకోవాలి. దీనివల్ల పిండి పాడవదు. అలాగే దానివల్ల ఫ్రిడ్జ్లో దుర్వాసన రాదు. కూరలు, రైస్ ఇలా ఏ పదార్థాన్ని పెట్టినా.. దానిని మూతలేకుండా, కవర్ చేయకుండా పెట్టకూడదు. అలాగే వాటిని తర్వాతే వాడేసుకోవాలి. ఎక్కువకాలం ఫ్రిడ్జ్లో ఉంచి.. వాటిని ఉపయోగించడం మంచిది కాదు.
వాటిని ఫ్రిజ్లో పెట్టకూడదు..
వెండి వస్తువులను ఫ్రిడ్జ్లో పెట్టకూడదు. ప్లాస్టిక్ కంటైనర్స్ కూడా వినియోగించకపోవడమే మంచిది. ఫ్రిడ్జ్ ఖాళీగా ఉందని.. కొందరు అవసరం లేని వాటిని కూడా ఫ్రిడ్జ్లో పెట్టేస్తారు. ఇది అస్సలు మంచిది కాదు. ఫ్రిడ్జ్ ఎప్పుడూ మంచి స్పేస్తో వెంటిలేషన్ వెళ్లేలా ఉంటే అది ఎక్కువకాలం పని చేసే అవకాశం ఎక్కువ.
తీసుకోవాల్సిన జాగ్రతలు
వారానికోసారైనా ఫ్రిడ్జ్ని శుభ్రం చేయాలి. అప్పుడే అది మంచి కండీషన్లో వర్క్ చేస్తుంది. అలాగే ఫ్రిడ్జ్లో పెట్టిన అనవసరమైన, ఎక్కువకాలం ఉంచిన వస్తువులను పడేయడమే మంచిది. ఫ్రిడ్జ్ వెనుక భాగంలో ఉన్న కంటైనర్లోని నీటిని తీసేసి శుభ్రం చేస్తే మంచిది. లేకుంటే దోమలు ఎక్కువకావడం, నీటి నుంచి దుర్వాసన రావడం జరుగుతుంది.
ఐస్ గడ్డకట్టేస్తే..
ఫ్రిడ్జ్ని కొందరు ఏ సీజన్ అయినా ఒకేలాగా వినియోగిస్తారు. సీజన్స్ బట్టి ఫ్రిడ్జ్ టెంపరేచర్స్ని మారుస్తూ ఉండాలి. లేదంటే డీప్ ఫ్రీజర్లో ఐస్ గడ్డకట్టేస్తుంది. దానిని ఎలా తీయాలో తెలియక గంటల కొద్ది ఫ్రిజ్ని ఆపేస్తారు. లేదా బలవంతంగా ఐస్ని పగలగొట్టేందుకు ప్రయత్నిస్తారు. దానివల్ల ఫ్రీజర్ పగిలే అవకాశం ఎక్కువ ఉంది. అలాంటప్పుడు ఫ్రీజర్లో ఐస్ ఎక్కువగా పేరుకుపోతే.. ఫ్రిడ్జ్ మధ్యలో ఉన్న బటన్ నొక్కాలి. ఇది మంచు పేరుకుపోకుండా, గడ్డకట్టకుండా హెల్ప్ చేస్తుంది.
Also Read : వయసు ప్రకారం బీపీ ఎంత ఉండాలో తెలుసా? మగ, ఆడవారిలో ఉండే వ్యత్యాసం ఇదే
టాప్ హెడ్ లైన్స్
ట్రెండింగ్ వార్తలు
