Eggs for 14 Days : వరుసగా 14 రోజులు గుడ్లు తింటే శరీరంలో జరిగే మార్పులు.. నిపుణులు చెప్తోన్న నిజాలు ఇవే
Eggs for Health Benefits : 14 రోజులు గుడ్లు తింటే శరీరంలో ఏమవుతుంది? కొలెస్ట్రాల్ పెరుగుతుందా? శరీరంలో జరిగే మార్పులతో పాటు.. నిపుణులు చెప్పిన నిజాలు ఏంటో చూసేద్దాం.
Surprising Benefits of Eggs : గుడ్లు ఆరోగ్యానికి చాలామంచివి. ఆరోగ్య సమస్యల నుంచి.. చర్మం, జుట్టు విషయంలో కూడా మంచి బెనిఫిట్స్ ఇస్తాయి. బరువు తగ్గడంలో కూడా మంచి ఫలితాలు ఇస్తాయి. అయినా సరే చాలా మంది రోజూ గుడ్లు తింటే.. ముఖ్యంగా గుడ్డలోని పచ్చసొన తింటే.. కొలెస్ట్రాల్ పెరుగుతుందని భయపడతారు. కొలెస్ట్రాల్ పెరుగుతుందని వాటిని తినడం ఆపేస్తారు. కానీ తాజా అధ్యయనాలు, నిపుణులు వాటిని తోసి పుచ్చుతున్నారు. సరైన పరిమితిలో గుడ్లు తినడం వల్ల ఆరోగ్యానికి ఎన్నో లాభాలు కలుగుతున్నాయని చెప్తున్నారు.
గుడ్లలో పోషకాలు పుష్కలంగా ఉంటాయి. ముఖ్యంగా పచ్చసొనలో విటమిన్ ఎ, ఈ, ఒమేగా 3 ఫ్యాటీ యాసిడ్స్ ఉంటాయని చెప్తున్నారు నిపుణులు. కాబట్టి కేవలం గుడ్డు తెల్లసొన మాత్రమే తినడం సరిపోదని.. పోషకాలున్న పచ్చసొనతో పాటు తినాలని సూచిస్తున్నారు. డాక్టర్ సేథి.. 14 రోజులు.. రోజూ గుడ్లు తింటే శరీరంలో కొన్ని మార్పులు వస్తాయని చెప్తున్నారు. దానికి సంబంధించిన వీడియో సోషల్ మీడియాలో పోస్ట్.. చేసి అపోహలను క్లియర్ చేశారు. ఇంతకీ ఆయన చెప్పిన విషయాలు ఏంటి? 14 రోజులు రోజూ గుడ్డు తింటే కలిగే లాభాలు ఏంటి? ఎవరు తినకూడదు? గుడ్లు తినేప్పుడు ఎలాంటి జాగ్రత్తలు తీసుకోవాలో ఇప్పుడు చూసేద్దాం.
View this post on Instagram
మెదడు పనితీరుకై..
గుడ్లలో ఉండే చోలిన్ అనే పోషక పదార్థం మెదడుకు చాలా అవసరం. ఇది అసిటైల్కోలిన్ అనే న్యూరోట్రాన్స్మిటర్ తయారీలో సహాయపడుతుంది. దీంతో మెమరీ, ఫోకస్ మెరుగవుతాయి.
కొలెస్ట్రాల్ ప్రొఫైల్
చాలామంది గుడ్లు తింటే చెడు కొలెస్ట్రాల్ పెరుగుతుందని అనుకుంటారు. కానీ వాస్తవానికి.. గుడ్లు తినడం వల్ల శరీరంలో HDL (మంచి కొలెస్ట్రాల్) పెరుగుతుంది. ఇది గుండె ఆరోగ్యానికి మేలు చేస్తుంది.
కంటి ఆరోగ్యం
గుడ్డు పచ్చసొనలో ల్యూటిన్, జియాజాంతిన్ ఉంటాయి. ఇవి బ్లూ లైట్ నుంచి కళ్లను రక్షిస్తాయి. కంటి చూపు ఆరోగ్యంగా ఉంచుతాయి.
చర్మం, జుట్టు సంరక్షణకై..
గుడ్లలో ఉన్న సల్ఫర్ అమినో యాసిడ్స్ కెరాటిన్ ఉత్పత్తిని పెంచుతాయి. అలాగే జుట్టు, చర్మం, గోళ్లను బలంగా చేస్తాయి.
ప్రోటీన్ కోసం..
గుడ్లు ప్రోటీన్కు మంచి సోర్స్గా చెప్తారు. ఇవి కండరాలు బిల్డ్ చేయడానికి అవసరం అవుతాయి. కండర ద్రవ్యరాశి కోల్పోకుండా చేస్తంది.
బరువు తగ్గడానికై..
గుడ్లు తింటే ఎక్కువసేపు ఆకలి అనిపించదు. అలాగే ఓవర్ ఈటింగ్ తగ్గుతుంది. వెయిట్ లాస్కు హెల్ప్ అవుతుంది.
ఇన్ఫ్లమేషన్ తగ్గే అవకాశం
పచ్చసొనతో కలిసి గుడ్లు తింటే.. శరీరంలో ఇన్ఫ్లమేషన్ తగ్గే అవకాశం ఉంది. దీనివల్ల వాపు తగ్గుతాయి. హార్మోన్స్, సెల్ ఫంక్షన్కు మేలు చేస్తుంది.
గుడ్లు ఎవరు తినకూడదు..
రోజుకు 1లేదా 2 గుడ్లు తినొచ్చు. కానీ ఇది వ్యక్తిగత ఆరోగ్య పరిస్థితిని బట్టి మారుతుంది. డయాబెటిస్ ఉన్నవారు, హార్ట్ పేషెంట్స్, హై కొలెస్ట్రాల్ ఉన్నవారు డాక్టర్ సలహాతో వీటిని తీసుకోవాలి.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
Before You Go
Simple Yoga for Body Fat | చెడు కొవ్వును సింపుల్ యోగాసనాలతో దూరం చేయండి
టాప్ హెడ్ లైన్స్
ట్రెండింగ్ వార్తలు
