Condoms vs Birth Control Pills : సెక్స్ జీవితానికి కండోమ్స్ బెటరా? బర్త్ కంట్రోల్ పిల్స్ బెటరా?

Intimate Health Tips in Telugu : కొందరు అప్పుడే పిల్లలు వద్దు అనుకుని కండోమ్స్, బర్త్ కంట్రోల్ పిల్స్ వాడుతారు. అయితే ఈ రెండిట్లో మీ లైంగిక జీవితానికి ఏది మంచిది?

కండోమ్ vs బర్త్ కంట్రోల్ పిల్స్ (Image Source : Pexels)

Birth Control Methods : కుటుంబ సమస్యల వల్లనో.. లేదంటే కొన్ని ఆరోగ్య కారణాల వల్లనో.. లేదంటే ఆర్థిక కారణాలవల్లనో.. ఇవేమి లేకుంటే కొన్ని రోజులు ఎంజాయ్ చేద్దామనే ఉద్దేశంతోనో కొందరు అప్పుడే పిల్లలు వద్దు అనుకుంటారు. అయితే పిల్లలు మాత్రమే వద్దు అనుకుంటారు కాబట్టి లైంగికంగా దూరంగా ఉంటారా అంటే లేదు. మరి దీనికి పరిష్కారం ఎలా? అవే కండోమ్స్(Condoms), పిల్స్. ఈ రెండూ ఉపయోగిస్తూ.. లైంగిక జీవితానికి దగ్గరగా ఉంటారు. అయితే ఇవి మహిళ శారీరక, మానసిక ఆరోగ్యంపై ఎలాంటి ప్రభావం చూపిస్తాయి. మీ సెక్స్ లైఫ్​ (Sex Life)పై కూడా ఇవి ప్రభావం చూపిస్తాయా? ఇంతకీ ఈ రెండిట్లో ఏది శ్రేయస్కరం?

కండోమ్స్, పిల్స్​లో సరైన ఎంపిక చేసుకోవడం అనేది చాలా ముఖ్యం. మీకు తెలుసో లేదో.. ఇది మీ సెక్స్ డ్రైవ్​ (Sex Drive)పై ప్రభావం చూపిస్తుందని ఓ సర్వే తేల్చింది. గర్భం నిరోధించేందుకు కండోమ్స్, పిల్స్ రెండూ అందరికీ తెలిసిన మార్గాలు. అయితే ఇవి రెండు ప్రయోజనాలతో పాటు.. కొన్ని ఎఫెక్ట్స్ కూడా ఇస్తాయి. ఇవి మీ లైంగిక జీవతంపై దీర్ఘకాలం ప్రభావంం చూపిస్తాయంటున్నారు నిపుణులు.
కండోమ్​లు బెటరా?

మీకు తెలుసా? కండోమ్​ల వాడకం వల్ల పురుషుల్లో లిబిడో తగ్గుతుందట. అది నపుంసకత్వానికి దారి తీస్తుందని చెప్తారు. కొందరిలో లైంగిక ఆనందాన్ని దూరం చేస్తుందని.. లేదా పూర్తిగా ఆ కోర్కిలు చంపేస్తుందట. అయితే దీనిని నిరూపించడానికి ప్రస్తుతం ఎలాంటి ఆధారాలు లేవు. కానీ చాలామంది దీనిని నమ్ముతున్నారు. 

అయితే బర్త్ కంట్రోల్ పిల్స్​ కంటే కండోమ్స్ మంచి ఎంపిక అంటున్నారు నిపుణులు. ఎందుకంటే ఈ పిల్స్ హార్మోన్ల సమతుల్యతను ప్రభావితం చేస్తాయి. మహిళ శరీర పనితీరును ప్రతికూలంగా ప్రభావితం చేస్తాయి. అవాంఛిత దుష్ర్పభావాలకు కారణమవుతాయి. అంతేకాదండోయ్.. కండోమ్​లు పిల్స్​ కంటే చాలా తక్కువ ధరకే అందుబాటులో ఉంటాయి. ఇవి లైంగిక ఇన్ఫెక్షన్లను దూరం చేస్తాయి. STD, HIV వంటి వాటినుంచి రక్షణ కల్పిస్తాయి. 

బర్త్ కంట్రోల్ పిల్స్ బెటరా?

గర్భాధారణను నివారించడంలో బర్త్ కంట్రోల్ పిల్స్ (Birth Control Pills) చాలా ప్రభావవంతంగా పనిచేస్తాయి. అయినప్పటికీ.. ఇవి కొన్ని దుష్ప్రాభావాలకు దారితీస్తాయి. దానిలో మొదటి లిబిడో తగ్గుదల. పిల్స్ తీసుకోవడం వల్ల కలిగే హార్మోన్లలో మార్పుల కారణంగా మహిళల్లో లిబిడో తగ్గుతుంది. సాధారణంగా మహిళల్లో లైంగిక కోర్కిలు ఏదొక రీజన్​తో తగ్గిపోతూ ఉంటాయి. అయితే ఈ పిల్స్​ వల్ల ఈ సమస్య మరింత ఎక్కువయ్యే అవకాశముంది. అంతేకాకుండా హార్మన్లలో మార్పుల వల్ల మానసికంగా కూడా కాస్త ఇబ్బందులు పడుతూ ఉంటారు. 

కాబట్టి మీరు గర్భాన్ని నిరోధించుకోవాలనుకున్నప్పుడు సరైనది ఎంపిక చేసుకోవాలి. ఈ రెండిట్లో ఏదొకటి కచ్చితంగా ఎంచుకోవాల్సిన పరిస్థితి వచ్చినప్పుడు మీ వైద్యుడిని సంప్రదించండి. వారు మీ ఆరోగ్య పరిస్థితులు, మానసిక స్థితులను దృష్టిలో ఉంచుకుని.. మీకు ఏది మంచిదో చెప్తారు. లేదంటే మరేదైనా పద్ధతులు వారు సూచిస్తారు. 

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.