Tutti Frutti Cake Recipe : క్రిస్మస్ స్పెషల్ టూటీ ఫ్రూటీ కేక్.. చాలా ఈజీగా ఇంట్లో చేసేయండిలా

Christmas Special Cake Recipe : క్రిస్మస్, న్యూ ఇయర్ స్పెషల్​గా ఏమైనా చేయాలనుకుంటే ఇంట్లోనే సింపుల్​గా టేస్టీ టేస్టీ టూటీ ఫ్రూటీ కేక్ చేసేయండి. రెసిపీగా చాలా ఈజీ.

టూటీ ఫ్రూటీ కేక్ తయారీ విధానం (Image Source : Unsplash)

Tutti Frutti Cake Recipe For Christmas : క్రిస్మస్ సమయంలో కేక్స్​కి ఉండే డిమాండ్ అంతా ఇంతా కాదు. ఈ సమయంలో డెజర్ట్​లలో కేక్​ లేకుంటే ఆ సెలబ్రేషన్స్ అసంపూర్ణంగానే ఉంటాయి. అయితే ఆ కేక్​ని ఇంట్లోనే తయారు చేసుకోగలిగితే.. దానికి మించిన పండుగ ఇంకోటి ఉంటుందా? ఒక్కసారి చేయడం అలవాటు అయితే చాలు పండుగలకు.. పుట్టినరోజులకు.. స్పెషల్​ డేలలో దీనిని హాయిగా చేసుకుని లాగించేయవచ్చు. మరి అందరికీ నచ్చే.. ముఖ్యంగా పిల్లలు మెచ్చే టూటీ ఫ్రూటీ కేక్​ను మీరు ఇంట్లోనే ఎలా రెడీ చేసుకోవాలో.. దానికి కావాల్సిన పదార్థాలు ఏమిటో ఇప్పుడు తెలుసుకుందాం. 

కావాల్సిన పదార్థాలు

కోకో పౌడర్ - 150 గ్రాములు

మైదా - 175 గ్రాములు (చల్లుకుని పక్కన పెట్టుకోవాలి)

బాదం పొడి - 150 గ్రామములు

బేకింగ్ పౌడర్ - ఒకటిన్నర స్పూన్

చాక్లెట్ సిరప్ - 150 ml

బటర్ - 250 గ్రాములు

పంచదార - 150 గ్రాములు

గుడ్లు - 5

మిక్స్డ్ ఫ్రూట్ జామ్ - 25 గ్రాములు

టూటీ ఫ్రూటీ - 100 గ్రాములు

ఐసింగ్ షుగర్ - 2 టేబుల్ స్పూన్స్ 

టూటీ ఫ్రూటీ కేక్ తయారీ విధానం

మీరు టూటీ ఫ్రూటీ కేక్ తయారు చేయాలనుకున్నప్పుడు.. టూటీ ఫ్రూటీని చాక్లెట్ సిరప్​లో ఒక వారం రోజుల ముందు నానబెట్టండి. బేకింగ్ చేసే రోజున మిక్సింగ్ గిన్నెలో మైదా పిండి, బాదం పొడి, కోకో పౌడర్​, బేకింగ్ పౌడర్ వేసి బాగా కలపండి. అవి బాగా కలిసేందుకు ఫోర్క్ ఉపయోగించవచ్చు. ఇప్పుడు 180 డిగ్రీల సెల్సియస్ వద్ద ఓవెన్​ను ప్రీహీట్ చేయండి.

మరొక మిక్సింగ్ బౌల్ తీసుకుని దానిలో బటర్, షుగర్ వేసి బాగా కలపండి. క్రీమ్ ఆకృతిలో, లేత పసుపు రంగులోకి మారేవరకు దానిని బాగా కలుపుతూనే ఉండండి. లేత పసుపు రంగు క్రీమ్​ మాదిరిగా వచ్చిన తర్వాత దానిలో ఎగ్స్​ వేయండి. అది మరింత క్రీమిగా మారేవరకు దానిని బాగా కలపండి. మృదువైన క్రీమ్​గా మారిన తర్వాత దానిలో చాక్లెట్ సిరప్​, జామ్, నానబెట్టిన టూటీ ఫ్రూటీలు ఈ మిశ్రమంలో వేయాలి. 

ఇప్పుడు పిండిని కూడా ఇదే మిశ్రమంలో వేసి బాగా కలపండి. ఉండలు లేకుండా బాగా కలపుకోవాలి. లేదంటే కేక్​ మధ్యలో గాలి ఉండిపోవడం, ముద్దులుగా కేక్​ మారడం జరుగుతుంది. కాబట్టి ఎలాంటి ఉండలు లేకుండా పిండిని బాగా మిక్స్ చేయాలి. మీకో విషయం తెలుసా? మీరు పిండిని ఎంత బాగా కలపగలిగితే మీ కేక్​ అంత పర్​ఫెక్ట్​గా వస్తుంది. దీనికోసం మీరు ఫోర్క్​ యూజ్ చేయొచ్చు. లేదంటే బ్యాటర్ మిక్సింగ్ పరికరాలు ఉపయోగించవచ్చు. 

కేక్​ బ్యాటర్​ బాగా మిక్స్ చేసిన తర్వాత.. బటర్​పేపర్​తో టిన్​ రెడీ చేసి పెట్టుకోవాలి. దానిలో పిండిని వేయాలి. గాలి బుడగలు లేకుండా దానిని సున్నితంగా ట్యాప్ చేస్తూ.. టిన్​లో సెట్​ చేయాలి. ఒకసారి నేలను ట్యాప్​ చేస్తే తెలియకుండా ఎక్కడైనా గ్యాప్​ ఉన్నా ఫిల్ అయిపోతుంది. ఇప్పుడు ఈ కేక్​ బ్యాటర్​ టిన్​ను 180 డిగ్రీల సెల్సియస్ వద్ద ప్రీహీట్ చేసుకున్న ఓవెన్​లో ఉంచాలి. దీనిని 35 నుంచి 40 నిముషాలు ఉడికించాలి. కేక్ కుక్ అయిందో లేదో తెలుసుకోవడానికి దానిలో టూత్​ పిక్​ గుచ్చాలి. అది క్లీన్​గా బయటకు వస్తే కేక్​ రెడీ అయినట్లే. 

ఇలా రెడీ అయిన కేక్​ను ఓవెన్​ నుంచి బయటకు తీయాలి. దానిపై ఐసింగ్ షుగర్​తో కోటింగ్ చేయాలి. గార్నిష్ చేసుకోవడానికి మీరు డ్రై ఫ్రూట్స్, చాక్లెట్ సిరప్స్ కూడా ఉపయోగించుకోవచ్చు. దీనిని ఫ్రిజ్​లో పెట్టకుండా నార్మల్​ టెంపరేచర్​లో రెండు రోజులు ఉంచుకోవచ్చు. ఫ్రిజ్​లో వారం రోజులు స్టోర్ చేసుకోవచ్చు. మరి ఇంకెందుకు ఆలస్యం మీరు కూడా క్రిస్మస్​కు టూటీ ఫ్రూటీ కేక్ చేయాలనుకుంటే ఈ రోజే టూటీ ఫ్రూటీలు నానబెట్టేయండి. క్రిస్మస్​ రోజు హాయిగా కేక్​ వండేసి.. లాగించేయండి.