Cancer Prevention Tips : క్యాన్సర్ ప్రమాదాన్ని తగ్గించుకోవాలంటే ఈ జాగ్రత్తలు తప్పక పాటించండి.. ఆ తప్పులు చేయకండి

Cancer Risk : క్యాన్సర్ నివారించడానికి స్మోకింగ్ మానేయడం, మందు తగ్గించడం, లైఫ్​స్టైల్లో కొన్ని మార్పులు చేయాల్సి ఉంటుంది. మరి ఎలాంటి జాగ్రత్తలు తీసుకుంటే పూర్తి ఆరోగ్యానికి మంచిదో చూసేద్దాం.

క్యాన్సర్ రిస్క్ తగ్గాలంటే ఈ విషయాలను నిర్లక్ష్యం చేయకండి

Source : Gemini AI

Show Quick Read

Key points generated by AI, verified by newsroom

• ధూమపానం, మద్యం, రసాయనాలు మానేసి క్యాన్సర్ ప్రమాదం తగ్గించుకోవాలి.
• పండ్లు, కూరగాయలు, వ్యాయామం, ఒత్తిడి తగ్గింపుతో రోగనిరోధక శక్తి మెరుగుపడుతుంది.
• ప్రాసెస్‌ చేసిన ఆహారం, షుగర్ తగ్గించి ఆరోగ్యకరమైన జీవనశైలి పాటించండి.
• క్యాన్సర్ లక్షణాలు నిర్లక్ష్యం చేయకుండా క్రమం తప్పకుండా ఆరోగ్య తనిఖీలు చేయించుకోవాలి.

Healthy Lifestyle Changes To Reduce Cancer Risk : ప్రపంచంలోని అత్యంత ప్రాణాంతక వ్యాధులలో క్యాన్సర్ ఒకటి. కానీ నిపుణుల అభిప్రాయం ప్రకారం.. దీనికి జన్యువులు మాత్రమే కారణం కాదు. రోజువారీ అలవాట్లు, జీవనశైలి కూడా క్యాన్సర్ ప్రమాదాన్ని గణనీయంగా పెంచగలవు లేదా తగ్గించగలవు అని చెప్తున్నారు. మరి క్యాన్సర్ ప్రమాదాన్ని గణనీయంగా తగ్గించగలిగే కొన్ని అలవాట్ల గురించి ఇప్పుడు తెలుసుకుందాం.

పొగాకు, ధూమపానం

ఊపిరితిత్తులు, నోరు, గొంతు, మూత్రపిండాల క్యాన్సర్లతో సహా అనేక క్యాన్సర్లకు ధూమపానం, పొగాకు వాడకం ప్రధాన కారణంగా పరిగణిస్తారు. అందుకే స్మోకింగ్ చేయడం పూర్తిగా మానేయడమే మంచిది. అలాగే ధూమపానం చేయడమే కాదు.. ఇతరులు తాగే పొగకు గురికావడం వల్ల కూడా అంతే ప్రమాదకరమని నిపుణులు చెప్తున్నారు. 

హెల్తీ డైట్

మీరు రోజూ తినే ఆహారంలో పండ్లు, కూరగాయలు, తృణధాన్యాలకు ప్రాధాన్యత ఇవ్వడం మంచిది. కూరగాయలు, సీజనల్ ఫ్రూట్స్, గ్రీన్ టీ, పసుపు, పీచుపదార్థాలు అధికంగా ఉండే ఆహారాలు క్యాన్సర్ ప్రమాదాన్ని తగ్గించడంలో సహాయపడతాయి. అయితే ప్రాసెస్ చేసిన ఫుడ్, రెడ్ మీట్, డీప్ ఫ్రై చేసిన ఫుడ్స్, షుగర్ అధికంగా ఉండే ఆహారాలకు వీలైనంత వరకు దూరంగా ఉండాలి.

వ్యాయామం 

శరీరాన్ని చురుకుగా ఉంచుకోవడం ఫిట్‌నెస్‌కు మాత్రమే కాకుండా క్యాన్సర్ నివారణకు కూడా ముఖ్యం. వ్యాయామం, యోగా చేస్తే మనశ్శాంతి, ఒత్తిడిని తగ్గి.. రోగనిరోధక శక్తి మెరుగవుతుంది. తద్వారా క్యాన్సర్ ప్రమాదం తగ్గవచ్చు. 

డ్రింకింగ్..

మద్యపానం వల్ల అనేక రకాల క్యాన్సర్లు వస్తాయని పలు పరిశోధనల్లో తేలాయి. అందుకే క్యాన్సర్ నివారణలో భాగంగా మద్యానికి దూరంగా ఉండటం లేదా దాని వినియోగాన్ని తగ్గించుకోవడం ముఖ్యమైన చర్య అని నిపుణులు సిఫార్సు చేస్తున్నారు.

ఒత్తిడి

నిరంతర ఒత్తిడి.. రోగనిరోధక శక్తిని తగ్గించి వ్యాధుల ప్రమాదాన్ని పెంచుతాయి. ధ్యానం చేయడం, సంగీతం వినడం, పుస్తకాలు చదవడం, ప్రియమైనవారితో సమయం గడపడం వంటివన్నీ మానసిక బలాన్ని పెంపొందించడానికి సహాయపడతాయి.

కెమికల్స్​తో జాగ్రత్త

వేడి ఆహారాన్ని ప్లాస్టిక్ పాత్రలలో పెట్టడం, హెయిర్ డైలు, పెయింట్లు, పురుగుమందులకు అధికంగా గురికావడం వంటివి కూడా మానుకోవాలి. ఎందుకంటే వీటిలో క్యాన్సర్‌కు కారణమయ్యే కొన్ని రసాయనాలు ఉంటాయి. 

క్యాన్సర్ లక్షణాలు నిర్లక్ష్యం చేయకండి..

క్యాన్సర్ ప్రారంభ లక్షణాలు వెంటనే కనిపించవు. కాబట్టి క్రమం తప్పకుండా హెల్త్ టెస్ట్​లు చేయించుకోవడం ముఖ్యం. నిరంతరం అలసటగా ఉండటం, ఆకస్మిక బరువు తగ్గడం, రక్తపు వాంతులు, శరీరంలో గడ్డ, లేదా మానని గాయం వంటి లక్షణాలు కనిపిస్తే.. వెంటనే వైద్యుడిని సంప్రదించండి. ఎందుకంటే సమస్యను ముందుగానే గుర్తిస్తే చికిత్స సులభంగా, మరింత ప్రభావవంతంగా ఉంటుంది.

గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

మరిన్ని చదవండి

మహిళలు రోజూ బ్రేక్‌ఫాస్ట్ చేయాలి అంటోన్న నిపుణులు.. మానేస్తే వచ్చే ప్రధాన సమస్యలు ఇవే

HPV వ్యాక్సిన్ పెద్దయ్యాక కాదు.. చిన్న వయసులోనే వేయించాలి.. తల్లిదండ్రులు గుర్తించుకోవాల్సిన విషయాలివే