Kiss To Inmate: హతవిధీ.. హంతకుడికి ముద్దు పెట్టిన లేడీ జడ్జి.. కెమేరాకు చిక్కిన రొమాన్స్!

బాధ్యతాయుత పదవిలో ఉన్న న్యాయమూర్తి.. ఏకంగా ఓ హంతకుడికి ముద్దు పెట్టి చిక్కుల్లో పడింది. ఇప్పుడు క్రమశిక్షణ చర్యలను ఎదుర్కొంటోంది.

Image Credit: Pixels

మ.. మ.. మ.. ముద్దంటే చేదా? నీకా ఉద్దేశం లేదా? అని అడిగితే.. ఎవరు ఊరుకుంటారు చెప్పండి. కానీ.. ఎంతో బాధ్యతాయుతంగా వ్యవహరించాల్సిన న్యాయమూర్తి (జడ్జి) కూడా ఇలా టెంప్ట్ అవుతారని ఎవరూ ఊహించలేరు. కానీ, అదే మ్యాజిక్కు. అర్జెంటీనాకు చెందిన ఓ న్యాయమూర్తి ఆ పనే చేసింది. ఏకంగా హత్య ఘటనలో శిక్ష అనుభవిస్తున్న హంతకుడికే ముద్దుపెట్టింది. చివరికి చిక్కుల్లో పడింది. పాపం ఎవరూ చూడటం లేదు కదా అని ముద్దుకు కక్కుర్తి పడింది. నిఘా నేత్రానికి చిక్కి అడ్డంగా బుక్కైంది.  

అర్జెంటీనాలో చుబూట్ ప్రావిన్స్‌కు చెందిన న్యాయమూర్తి మారిల్ సురెజ్.. క్రిస్టియన్ మాయి బుస్టాస్ అనే ఖైదీతో రొమాన్స్ చేస్తూ సీసీటీవీ కెమేరాకు చిక్కింది. డిసెంబరు 29న చోటుచేసుకున్న ఈ ఘటన సోషల్ మీడియాలో వైరల్‌గా చక్కర్లు కొట్టింది. ఈ విషయం సుప్రీం కోర్డు వరకు వెళ్లింది. వెంటనే మారిల్‌పై క్రమశిక్షణ చర్యలు తీసుకోవాలంటూ.. అర్జెంటీనా సుపీరియర్ కోర్ట్ ఆఫ్ జస్టిస్ ఆదేశించారు. 

ఏం జరిగింది?: 2009 సంవత్సరంలో లీండ్రో రాబర్ట్స్ అనే పోలీస్ అధికారిని షూట్ చేసి దారుణంగా చంపేశాడు. ఈ కేసుపై ఇటీవలే కోర్టు అతడికి జీవిత ఖైదు విధించింది. ఈ హత్య ఘటనకు ముందే బుస్టాస్ మరో హత్య కేసులో నిందితుడు. తన పిన కొడుకుని కొట్టి చంపిన కేసులో కారాగార శిక్ష అనుభవిస్తున్న అతడు.. జైలు నుంచి తప్పించుకొనే ప్రయత్నం చేశాడు. ఈ సందర్భంగా అతడు ఓ పోలీస్ అధికారిని కాల్చి చంపాడు. ఈ ఘటనలో అతడి సోదరుడు కూడా చనిపోయాడు. 

కోర్టు సమాచారం ప్రకారం.. బుస్టాస్‌కు విధించిన శిక్షను తగ్గించాలంటూ ఇటీవల జరిగిన విచారణలో జడ్జి మారిల్ అతడికి అనుకూలంగా ఓటేసింది. కానీ, తుది తీర్పులో కోర్టు అతడికి జీవితఖైదు విధించింది. అయితే.. అతడికి, లేడీ జడ్జికి ఎప్పుడు బంధం ఏర్పడిందో తెలీదు. అర్జెంటీనా ప్రావిన్షియల్ పెనిటెన్షియరీ ఇన్స్టిట్యూట్‌లో అతడిని కలవడానికి వెళ్లిన మారిల్.. అతడికి ముద్దు పెట్టింది. ఈ ఘటన పెద్ద దుమారమే రేపింది. ఎందుకంటే.. మారిల్ స్త్రీవాది. న్యాయవ్యవస్థలో పురుషులతోపాటు స్త్రీలకు కూడా సమాన ప్రాతినిధ్యం పెంచాలని ఓ టీవీ ఇంటర్వ్యూలో వెల్లడించింది. మహిళలకు ఆదర్శంగా ఉండాల్సిన ఆమె ఇలా చేయడం చాలా బాగోలేదంటూ అంతా మండిపడుతున్నారు. 

వీడియో: 

An Argentinian judge has been caught on prison CCTV kissing a convicted cop-killer who she tried to save from a life sentence.

Mariel Suarez, a judge in southern Chubut province, was filmed kissing Cristian 'Mai' Bustos in jail near the city of Trelew on the afternoon of Dec 29. pic.twitter.com/YVvAzJzf42

— MassiVeMaC (@SchengenStory) January 4, 2022

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి