Snake Bite Medicine : నాగపాము, రక్తపింజిరి, కట్లపాము కాటేసినా ఈ మందు వాడితే చాలట.. కేవలం 300 రూపాయాలతో ప్రాణం కాపాడవచ్చా?
Anti Snake Venom : నాగుపాము, కట్లపాము కాటేసినా చికిత్స ఉందా? యాంటీ స్నేక్ వీనోమ్ ఎలా పని చేస్తుంది? పాము కాటు మరణాలను తగ్గించే ఈ మందు గురించి వైద్యులు వెల్లడించిన కీలక విషయాలు ఇవే.
- ఇండియాలో పాముకాటు మరణాలు తగ్గించడానికి ASV కీలకమైనది.
- విషపాముల విషంతో గుర్రం రక్తం నుండి ASV తయారవుతుంది.
- వైద్య పర్యవేక్షణలో ASV అందించాలి, నేరుగా ఇంజెక్ట్ చేయకూడదు.
- పాముకాటు వెంటనే ఆసుపత్రికి వెళ్ళి సరైన చికిత్స పొందాలి.
Snake Bite Deaths in India : ఇండియాలో ప్రతి ఏడాది పాము కాటుతో 50 వేల మంది రైతులు చనిపోతున్నారని.. కానీ ఈ మెడిసన్ అలాంటి వారికి అందుబాటులో ఉంటే వారి ప్రాణాలు కాపాడవచ్చని చెప్తున్నారు డాక్టర్ రవికాంత్ కొంగర. కేవలం 300 రూపాయాలతో అందుబాటులో ఉండే ఈ మెడిసన్ అందక చాలామంది ప్రాణాలు కోల్పోతున్నారంటూ ఓ వీడియోలో ఆవేదన వ్యక్తం చేశారు. ఇంతకీ ఆ మెడిసన్ ఏంటి.. దానిని ఎలా తయారు చేస్తారు? ఇది ఎలా పని చేస్తుంది వంటి విషయాలు ఇప్పుడు తెలుసుకుందాం.
300 రూపాయల మందు..
ప్రపంచంలో పాము కాటుతో మరణిస్తున్నవారి సంఖ్య ఇండియాలోనే అధికమని డాక్టర్ రవికాంత్ కొంగర తెలిపారు. సరైన అవగాహన లేకపోవడమే దీనికి కారణమని.. లేకుంటే పాముకాటు ద్వారా జరిగే మరణాలు చాలావరకు తగ్గేవని చెప్తున్నారు. ఈ మందు చాలా తక్కువ ధరకు అందుబాటులో ఉంటుందని తెలిపారు. అదే యాంటీ స్నేక్ వీనోమ్ (Anti Snake Venom). ఇది కేవలం 300 రూపాయాలకే అందుబాటులో ఉంటుందని.. ఇది ప్రతీ గ్రామాల్లో అందుబాటులో ఉంచితే పాము కాటు మరణాలు తగ్గుతాయని అంటున్నారు.
యాంటీ స్నేక్ వీనోమ్ తయారీ..
ఇండియాలో చాలా విషపూరితమైన వాటిలో నాగపాము, కట్లపాము, రక్తపింజిరి అని.. వీటి వల్లే చాలామంది మరణిస్తున్నారని తెలిపారు. అయితే వీటి విషాన్ని ఉపయోగించే యాంటీ స్నేక్ వీనోమ్ తయారు చేస్తారని వెల్లడించారు. అంటే నాగపాము, కట్లపాము, రక్తపింజిరి విషాన్ని తీసుకుని.. వాటిని కలిపి ఒక చుక్క గుర్రానికి ఎక్కిస్తారట. గుర్రం తన శరీరంలో వీటికి యాంటీబాడీలు తయారు చేస్తుంది. అప్పుడు గుర్రంలోని రక్తం తీసుకుని.. దానిలోని యాంటీ బాడీలను మందుగా చేస్తారు. ఇది మార్కెట్లో చాలా తక్కువ ధరకి అందుబాటులో ఉంటుందని తెలిపారు.
ఫస్ట్ ఎయిడ్ ఇదే..
కొందరు ఏ పాము కాటు వేసిందో చెప్తారు.. మరికొందరు చెప్పలేరు. అలాంటివారికి ఇది బాగా హెల్ప్ అవుతుందని చెప్తున్నారు వైద్యులు. పాము కాటు వేసినప్పుడు ఫస్ట్ ఎయిడ్ కింద ఈ ఇంజెక్షన్ ఇవ్వడం వల్ల తర్వాత చికిత్స చాలా సులభం అవుతుందని.. మారుమూల ప్రాంతాల్లో ఉండేవారు టౌన్ వెళ్లేవరకు పరిస్థితి విషమించదని చెప్తున్నారు.
బాధితుడికి నేరుగా ఇవ్వకూడదట..
ఇంజెక్షన్ రూపంలో ఈ మందును బాధితుడికి నేరుగా ఇవ్వకూడదని వైద్యులు చెప్తున్నారు. చాలామంది తెలియక నేరుగా తీసుకోవాలని చూస్తారు. కానీ దీనిని ఐవీగా ఇవ్వకూడదని.. సెలైన్కి స్లోగా ఇవ్వాలని సూచిస్తున్నారు. వెంటనే నేరుగా వేగంగా ఇస్తే.. రియాక్షన్ కూడా ఒకేసారి ఇచ్చేస్తుందని.. అది కొందరికి ఇబ్బంది కలిగిస్తుందని సూచించారు. విషపూరితమైన పాము కాటేసిందనుకున్నప్పుడు దీనిని తీసుకుంటే ప్రాణాలు కాపాడుకోవచ్చని చెప్తున్నారు.
అలాగే పాము కాటేసిన వెంటనే ఈ ఇంజెక్షన్ వేస్తే సరిపోతుంది అనుకోకూడదు. ఎందుకంటే ఈ ఫస్ట్ ఎయిడ్ వైద్యుల పర్యవేక్షణలో, ఆసుపత్రిలో మాత్రమే ఇవ్వాల్సిన చికిత్స అని సూచిస్తున్నారు. ఎందుకంటే అలర్జీ లేదా అనాఫైలాక్సిస్ వంటివి ఉంటే తీవ్రమైన రియాక్షన్స్ వచ్చే అవకాశం ఉంటుంది. అలాగే ఈ మందు అందరికీ ఒకే విధంగా ఇవ్వరు. పాము విషం లక్షణాలు, రోగి పరిస్థితిని బట్టి వైద్యులు ASV డోసు నిర్ణయిస్తారు.
పాముకాటు తర్వాత చేయాల్సినవి
ముందుగా బాధితుడిని ప్రశాంతంగా ఉంచాలి. అలాగే కాటు వేసిన అవయవాన్ని కదలకుండా ఉంచాలి. వెంటనే సమీప ఆసుపత్రికి తీసుకెళ్లి ఫస్ట్ ఎయిడ్, చికిత్స చేయించాలి. అలాగే పాము కాటు వేస్తే.. ఆ గాయం కోయడం, విషం పీల్చడం, బిగుతుగా కట్టేయడం వంటి పద్ధతులు చేయకూడదని సూచిస్తున్నారు. అలాగే ప్రతి పాముకాటుకు ASV అవసరం ఉండకపోవచ్చు. ఎందుకంటే చాలా పాములు విషరహితమైనవే.
మరిన్ని ఇంట్రెస్టింగ్ హెల్త్ ఆర్టికల్స్, ఇంటి చిట్కాల కోసం దీనిని క్లిక్ చేయండి.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
Before You Go
Simple Yoga for Body Fat | చెడు కొవ్వును సింపుల్ యోగాసనాలతో దూరం చేయండి
టాప్ హెడ్ లైన్స్
ట్రెండింగ్ వార్తలు
