TGPSC: తెలంగాణ గ్రూప్ - 3 అభ్యర్థులకు కీలక అప్ డేట్ - టీజీపీఎస్సీ ఏం చెప్పిందంటే?

Telangana News: గ్రూప్ - 3 అభ్యర్థులకు తెలంగాణ పబ్లిక్ సర్వీస్ కమిషన్ కీలక అప్ డేట్ ఇచ్చింది. నవంబర్ 17, 18 తేదీల్లో పరీక్షలకు నిర్వహించనుండగా దీనికి సంబంధించి షెడ్యూల్ రిలీజ్ చేసింది.

తెలంగాణలో గ్రూప్ - 3 పరీక్షలపై కీలక అప్ డేట్

Source : Twitter (X)

TGPSC Key Update On Group 3 Exams: తెలంగాణలో గ్రూప్ - 3 అభ్యర్థులకు రాష్ట్ర పబ్లిక్ సర్వీస్ కమిషన్ (TGPSC) కీలక అప్‌డేట్ ఇచ్చింది. నవంబర్ 17, 18 తేదీల్లో పరీక్షలు నిర్వహిస్తామని ఇప్పటికే వెల్లడించింది. తాజాగా దీనికి సంబంధించి షెడ్యూల్ విడుదల చేసింది. పరీక్షలకు వారం రోజుల ముందు నుంచి హాల్‌టికెట్లు అందుబాటులోకి తీసుకొస్తామని తెలిపింది. అలాగే, మోడల్ ఆన్సర్ బుక్ లెట్లను వెబ్‌సైట్‌లో ఉంచినట్లు కమిషన్ పేర్కొంది. కాగా, మొత్తం 1,388 గ్రూప్ - 3 పోస్టులను భర్తీకి నోటిఫికేషన్ విడుదల చేయగా.. 5,36,477 మంది అభ్యర్థులు దరఖాస్తు చేసుకున్నారు. తొలుత 2022, డిసెంబర్ 30వ తేదీన 1363 పోస్టులతో నోటిఫికేషన్ విడుదల చేయగా.. తర్వాత మరో 13 పోస్టులను అదనంగా చేర్చారు. బీసీ గురుకుల సొసైటీలో ఖాళీగా ఉన్న 12 పోస్టులు, అనంతరం నీటి పారుదల శాఖ ఈఎన్‌సీ కార్యాలయంలో 13 జూనియర్ అసిస్టెంట్ పోస్టులు ఖాళీగా ఉన్నట్లు గుర్తించింది. దీంతో మొత్తం పోస్టుల సంఖ్య 1388కి పెరిగాయి.