TSPSC: గ్రూప్-4 అభ్యర్థులకు అలర్ట్, సవరించిన ఖాళీల జాబితా వెల్లడి - జిల్లాలవారీగా కేటాయింపులివే!
TSPSC: మహిళలకు సమాంతర రిజర్వేషన్ల నేపథ్యంలో 8,180 గ్రూప్-4 ఉద్యోగాల ప్రకటన (నెం.19/2022)కు సవరణ ఖాళీల జాబితా (Revised Breakup)ను టీఎస్పీఎస్సీ ప్రకటించింది
TSPSC Group4 Details: తెలంగాణ రాష్ట్ర పబ్లిక్ సర్వీస్ కమిషన్ గ్రూప్-4 పరీక్ష జూలై 2023 లో నిర్వహించిన విషయం తెలిసిందే. ఇటీవల పరీక్ష ఫలితాలు విడుదలయ్యాయి. ఈ నేపథ్యంలో.. మహిళలకు సమాంతర రిజర్వేషన్ల నేపథ్యంలో 8,180 గ్రూప్-4 ఉద్యోగాల ప్రకటన (నోటిఫికేషన్ నెం.19/2022)కు సవరణ ఖాళీల జాబితా (Revised Breakup)ను టీఎస్పీఎస్సీ ప్రకటించింది. గ్రూప్-4 భర్తీలో రోస్టర్ విధానంలో మార్పులు చోటు చేసుకున్నాయి. కొత్త రోస్టర్ విధానం, మహిళలకు రోస్టర్ పాయింట్ లేకుండా ఖాళీల వివరాలను అందుబాటులో ఉంచారు. గతంలో విధించిన రోస్టర్ విధానాన్ని ఉపసంహరించారు. జిల్లాలవారీగా కేటాయించిన ఉద్యోగ వివరాల జాబితాను టీఎస్పీఎస్సీ విడుదల చేసింది. ఈ మేరకు ఖాళీల వివరాల జాబితాను టీఎస్పీఎస్సీ వెబ్సైట్లో పొందుపరిచినట్లు కమిషన్ కార్యదర్శి నవీన్ నికోలస్ తెలిపారు.
సవరించిన ఖాళీల వివరాల కోసం క్లిక్ చేయండి..
తెలంగాణలో గ్రూప్-4 ఉద్యోగ నియామక పరీక్ష ఫలితాలు (TSPSC Group 4 Results) ఫిబ్రవరి 9న విడుదలైన సంగతి తెలిసిందే. అభ్యర్థుల ర్యాంకుల వివరాలను తెలంగాణ రాష్ట్ర పబ్లిక్ సర్వీస్ కమిషన్ (TSPSC) వెల్లడించింది. మొత్తం 7,26,837 మంది అభ్యర్థులతో మెరిట్ జాబితాను టీఎస్పీస్సీ విడుదల చేసింది. గ్రూప్-4 పోస్టుల భర్తీకి సంబంధించి త్వరలోనే ధ్రువపత్రాల పరిశీలనకు ఎంపికైన అభ్యర్థుల వివరాలను వెల్లడించనుంది.
తెలంగాణలోమొత్తం 8,180 ఉద్యోగాల భర్తీకి జులై 1న రాతపరీక్ష నిర్వహించిన సంగతి తెలిసిందే. ఈ పరీక్ష కోసం రాష్ట్రవ్యాప్తంగా 9,51,321 మంది అభ్యర్థులు దరఖాస్తు చేసుకోగా.. 80 శాతం మంది అభ్యర్థులు పరీక్షకు హాజరయ్యారు. పేపర్-1కు 7,62,872 మంది, పేపర్-2కు 7,61,198 మంది అభ్యర్థులు హాజరయ్యారు. ఉదయం 10 నుంచి మధ్యాహ్నం 12.30గంటల వరకు జనరల్ స్టడీస్ పరీక్ష, మధ్యాహ్నం 2.30గంటల నుంచి సాయంత్రం 5గంటల వరకు సెక్టరేరియల్ ఎబిలిటీస్ పరీక్ష నిర్వహించారు.
గ్రూప్-4 పోస్టుల భర్తీకి డిసెంబరు 2న నోటిఫికేషన్ వెలువడిన సంగతి తెలిసిందే. ఈ పోస్టుల భర్తీకి సంబంధించి డిసెంబరు 30 నుంచి ఫిబ్రవరి 3 వరకు దరఖాస్తులు స్వీకరించారు. ప్రాథమికంగా విడుదల చేసిన నోటిఫికేషన్లో 9168 పోస్టులను భర్తీ చేయనున్నట్లు టీఎస్పీఎస్సీ ప్రకటించింది. అయితే డిసెంబరు 30న విడుదల చేసిన సమగ్ర నోటిఫికేషన్లో మాత్రం 8039 పోస్టులనే భర్తీ చేయనున్నట్లు తెలిపింది. తర్వాత ఈ పోస్టులకు అదనంగా 141 పోస్టులను జతచేయండంతో.. మొత్తం పోస్టులు సంఖ్య 8,180 కి చేరినట్లయింది.
తెలంగాణలో గ్రూప్-4 ఉద్యోగాల భర్తీకి సంబంధించిన ప్రిలిమినరీ పరీక్ష ఆన్సర్ 'కీ'ని టీఎస్పీఎస్సీ ఆగస్టు 28న విడుదల చేసింది. ఆన్సర్ కీలో అభ్యంతరాలు తెలియజేసేందుకు ఆగస్టు 30 నుంచి సెప్టెంబర్ 4 అవకాశం కల్పించింది. అనంతరం అక్టోబరు 6న ఫైనల్ కీని టీఎస్పీఎస్సీ విడుదల చేయగా.. పలు మార్పులు చోటుచేసుకున్నాయి.
గ్రూప్-4 పోస్టుల వివరాలు...
మొత్తం ఖాళీల సంఖ్య: 8,180 పోస్టులు
1) జూనియర్ అకౌంటెంట్: 429 పోస్టులు
విభాగాలవారీగా ఖాళీలు: ఆర్థికశాఖ - 191, మున్సిపల్ శాఖ - 238.
2) జూనియర్ అసిస్టెంట్: 5730 పోస్టులు
విభాగాలవారీగా ఖాళీలు:
| వ్యవసాయశాఖ-44 | బీసీ సంక్షేమశాఖ-448 | పౌరసరఫరాల శాఖ-72 | అటవీశాఖ-23 |
| వైద్యారోగ్యశాఖ-338 | ఉన్నత విద్యాశాఖ-743 | హోంశాఖ-133 | నీటిపారుదల శాఖ-51 |
| మైనార్టీ సంక్షేమశాఖ-191 | పురపాలక శాఖ-601 | పంచాయతీరాజ్-37 | రెవెన్యూశాఖ-2,096 |
| సెకండరీ విద్యాశాఖ-97 | రవాణాశాఖ-20 | గిరిజన సంక్షేమ శాఖ-221 | మహిళా, శిశు సంక్షేమం-77 |
| ఆర్థికశాఖ-46 | కార్మికశాఖ-128 | ఎస్సీ అభివృద్ధి శాఖ-474 | యువజన సర్వీసులు-13 |
3) జూనియర్ ఆడిటర్: 18 పోస్టులు
విభాగం: డైరెక్టరేట్ ఆఫ్ స్టేట్ ఆడిట్
4) వార్డ్ ఆఫీసర్: 1862 పోస్టులు
విభాగం: కమిషనర్ & డైరెక్టర్ ఆఫ్ మున్సిపల్ అడ్మినిస్ట్రేషన్.
మరిన్ని ఉద్యోగ వార్తల కోసం క్లిక్ చేయండి..
Before You Go
PBKS vs GT Highlights : వరుసగా ఐదో మ్యాచ్ లోనూ ఆఖరి ఓవర్ లోనే ఫలితం | IPL 2023 | ABP Desam
టాప్ హెడ్ లైన్స్
ట్రెండింగ్ వార్తలు
