అన్వేషించండి

సీజీఎల్-2023 టైర్-2 ప్రాథమిక ఆన్సర్ 'కీ' విడుదల, అభ్యంతరాలకు అవకాశం

కంబైన్డ్ గ్రాడ్యుయేట్ లెవెల్ ఎగ్జామినేషన్(టైర్-2)-2022 పరీక్షకు సంబంధించిన ప్రాథమిక ఆన్సర్ కీని స్టాఫ్ సెలక్షన్ కమిషన్ అక్టోబరు 30న విడుదల చేసింది. అధికారిక వెబ్‌సైట్‌లో అందుబాటులో ఉంచింది.

By : ABP Desam | Edited By: omeprakash | Updated at : 31 Oct 2023 08:24 AM (IST)

Staff Selection Commission has released the tentative answer keys along with candidates' response sheet(s) of the CGLE Tier-II 2023 సీజీఎల్-2023 టైర్-2 ప్రాథమిక ఆన్సర్ 'కీ' విడుదల, అభ్యంతరాలకు అవకాశం

సీజీఎల్ 2023 ప్రాథమిక ఆన్సర్ కీ

కంబైన్డ్ గ్రాడ్యుయేట్ లెవెల్ ఎగ్జామినేషన్(టైర్-2)-2022 పరీక్షకు సంబంధించిన ప్రాథమిక ఆన్సర్ కీని స్టాఫ్ సెలక్షన్ కమిషన్ అక్టోబరు 30న విడుదల చేసింది. ఆన్సర్ కీతోపాటు అభ్యర్థుల రెస్పాన్స్ షీట్లను కూడా అధికారిక వెబ్‌సైట్‌లో అందుబాటులో ఉంచింది. టైర్-2 పరీక్షకు హాజరైన అభ్యర్థులు ఆన్సర్ 'కీ' సరిచూసుకోవచ్చు. అభ్యర్థులు తమ రోల్ నెంబర్, పాస్‌వర్డ్ వివరాలు నమోదుచేసి ఆన్సర్ కీతోపాటు, రెస్పాన్స్ షీట్లను పొందవచ్చు. అభ్యర్థులకు ఆన్సర్ కీలో ఏమైనా అభ్యంతరాలుంటే అక్టోబరు 30న సాయంత్రం 6 గంటల నుంచి నవంబర్ 1న సాయంత్రం 6 గంటల వరకు తెలపాల్సి ఉంటుంది.

సీజీఎల్ 2023 టైర్-2 ఆన్సర్ 'కీ' కోసం క్లిక్ చేయండి...

కంబైన్డ్ గ్రాడ్యుయేషన్ లెవల్(సీజీఎల్‌) పరీక్ష-2023కు సంబంధించిన టైర్-2 సీబీటీ పరీక్షల అడ్మిట్ కార్డులను స్టాఫ్ సెలక్షన్ కమిషన్ అక్టోబరు 21న విడుదల చేయగా... ప్రకటించిన షెడ్యూలు ప్రకారం అక్టోబర్‌ 25, 26, 27 తేదీల్లో టైర్‌-2 పరీక్షలు నిర్వహించింది. జులై 14 నుంచి 27 వరకు నిర్వహించిన టైర్‌-1 పరీక్షకు దేశవ్యాప్తంగా దాదాపు 12 లక్షల మంది అభ్యర్థులు హాజరైన సంగతి తెలిసిందే. ఈ పరీక్ష ఫలితాలను సెప్టెంబరు 19న స్టాఫ్ సెలక్షన్ కమిషన్ విడుదల చేసింది. ఫలితాల్లో మొత్తం 81,695 మంది అభ్యర్థులు అర్హత సాధించారు. వీరికి 'టైర్‌-2' పరీక్షలు నిర్వహించారు. టైర్-2 పరీక్షలో అర్హత సాధించినవారికి తర్వాతి దశలో డేటా ఎంట్రీ స్పీడ్ టెస్ట్, ఫిజికల్/ మెడికల్ టెస్టులు, ధ్రువపత్రాల పరిశీలన నిర్వహించి తుది ఎంపిక చేయనున్నారు. ఆయా పోస్టులను బట్టి వేతనం నెలకు రూ.25,500 నుంచి రూ.1,51,100 ఉంటుంది.

స్టాఫ్ సెలక్షన్ కమిషన్ ఈ ఏడాది ఏప్రిల్ 3న సీజీఎల్-2023 నోటిఫికేషన్ విడుదల చేసింది. నోటిఫికేషన్‌ సమయంలో మొత్తం 7,500 ఖాళీలు ప్రకటించగా.. తాజాగా ఆ సంఖ్యను 8,440కు పెంచిన సంగతి తెలిసిందే. దీంతో అదనంగా 940 పోస్టులు చేరినట్లయింది. ఈ పరీక్ష ద్వారా వివిధ కేంద్ర మంత్రిత్వ శాఖల్లోని గ్రూప్-బి, గ్రూప్-సి విభాగాల్లో ఖాళీలను భర్తీ చేయనున్నారు. గ్రూప్-బి, గ్రూప్-సి విభాగాల్లో అసిస్టెంట్ ఆడిట్ ఆఫీసర్, అసిస్టెంట్ అకౌంట్స్ ఆఫీసర్, అసిస్టెంట్ సెక్షన్ ఆఫీసర్, అసిస్టెంట్, ఇన్‌స్పెక్టర్ ఆఫ్ ఇన్‌కమ్ ట్యాక్స్, ఇన్‌స్పెక్టర్, సబ్ ఇన్‌స్పెక్టర్, సబ్ ఇన్‌స్పెక్టర్, జూనియర్ స్టాటిస్టికల్ ఆఫీసర్, ఆడిటర్, అకౌంటెంట్, పోస్టల్ అసిస్టెంట్ తదితర పోస్టులు ఉన్నాయి.