SSC Constable Admitcard: కానిస్టేబుల్ రాత పరీక్ష అడ్మిట్కార్డులు విడుదల, పరీక్షల షెడ్యూలు ఇలా
కేంద్ర సాయుధ బలగాల్లో కానిస్టేబుల్/ రైఫిల్మ్యాన్ ఖాళీల నియామక రాతపరీక్ష అడ్మిట్కార్డులను స్టాఫ్ సెలక్షన్ కమిషన్ ఫిబ్రవరి 15న విడుదల చేసింది. వెబ్సైట్లో అడ్మిట్కార్డులను అందుబాటులో ఉంచింది.
SSC GD Constable Admitcard: కేంద్ర సాయుధ బలగాల్లో కానిస్టేబుల్/ రైఫిల్మ్యాన్ ఖాళీల నియామక రాతపరీక్ష అడ్మిట్కార్డులను స్టాఫ్ సెలక్షన్ కమిషన్(ఎస్ఎస్సీ) ఫిబ్రవరి 15న విడుదల చేసింది. అధికారిక వెబ్సైట్లో అడ్మిట్కార్డులను అందుబాటులో ఉంచింది. పరీక్షకు దరఖాస్తు చేసుకున్న అభ్యర్థులు తమ రిజిస్ట్రేషన్ నంబర్ లేదా రూల్ నెంబరు, పుట్టినతేదీ వివరాలు నమోదు చేసి అడ్మిట్కార్డును డౌన్లోడ్ చేసుకోవచ్చు. ఇప్పటికే పరీక్ష కేంద్రం (సిటీ ఇంటిమేషన్ స్లిప్) వివరాలు, అప్లికేషన్ స్టేటస్ వివరాలను స్టాఫ్ సెలక్షన్ కమిషన్ విడుదల చేసిన సంగతి తెలిసిందే. తాజాగా అడ్మిట్ కార్డులను విడుదల చేసింది. కానిస్టేబుల్ పరీక్షకు సదరన్ రీజియన్ నుంచి 3,15,599 మంది అభ్యర్థులు అర్హత సాధించినట్లు సీఏపీఎఫ్ వర్గాలు తెలిపాయి. మరిన్ని వివరాలు అభ్యర్థులకు ఎస్ఎంఎస్ రూపంలో తెలియజేస్తామని వివరించారు. అభ్యర్థులకు ఏమైనా సందేహాలుంటే 044-28251139, 9445195946 నంబర్లలో సంప్రదించాలని కోరారు.
ప్రకటించిన షెడ్యూలు ప్రకారం దేశంలో 128 నగరాల్లో ఫిబ్రవరి 20 నుంచి మార్చి 12 వరకు ఆన్లైన్ విధానంలో పరీక్షలు నిర్వహించనున్నారు. ఈ పరీక్షకు దేశవ్యాప్తంగా సుమారు 48 లక్షల మంది అభ్యర్థులు హాజరుకానున్నారు. రాతపరీక్ష ప్రశ్నపత్రం హిందీ, ఇంగ్లిష్తో పాటు ప్రాంతీయ భాషల్లో నిర్వహించనున్నారు. ఇందులో తెలుగుతో పాటు కన్నడ, తమిళం, మళయాళం, ఉర్దూ తదితర 13 ప్రాంతీయ భాషలు ఉన్నాయి. ఈ మేరకు స్టాఫ్ సెలక్షన్ కమిషన్(ఎస్ఎస్సీ) నోటిఫికేషన్లో ప్రకటించిన విషయం తెలిసిందే. రాతపరీక్ష, ఫిజికల్ ఎఫిషియెన్సీ టెస్ట్, ఫిజికల్ స్టాండర్డ్ టెస్ట్ తదితర పరీక్షల ద్వారా అభ్యర్థులను ఎంపికచేస్తారు.
దక్షిణాది రాష్ట్రాల్లో 23 పరీక్షా కేంద్రాలను ఏర్పాటు చేశారు. తెలంగాణలో హైదరాబాద్, వరంగల్, కరీంనగర్.. ఆంధ్రప్రదేశ్లోని గుంటూరు, కర్నూలు, రాజమండ్రి, తిరుపతి, విశాఖపట్నం, విజయవాడ, కాకినాడ, నెల్లూరు, చీరాల, విజయనగరంలో పరీక్షలు కొనసాగనున్నాయి. రోజుకు నాలుగు షిప్టుల వారీగా 13 రోజుల పాటు పరీక్షలు నిర్వహించనున్నారు.
SSC Constable GD (సదరన్ రీజియన్) అడ్మిట్కార్డుల కోసం క్లిక్ చేయండి..
రాత పరీక్ష విధానం: మొత్తం 160 మార్కులకు కంప్యూటర్ ఆధారిత రాత పరీక్ష నిర్వహించనున్నారు. పరీక్షలో మొత్తం 80 ప్రశ్నలు ఉంటాయి. వీటిలో జనరల్ ఇంటలిజెన్స్ & రీజనింగ్-20 ప్రశ్నలు-40 మార్కులు, జనరల్ నాలెడ్జ్ & జనరల్ అవర్నెస్-20 ప్రశ్నలు-40 మార్కులు, ఎలిమెంటరీ మాథమెటిక్స్-20 ప్రశ్నలు-40 మార్కులు, ఇంగ్లిష్/హిందీ-20 ప్రశ్నలు-40 మార్కులు ఉంటాయి. పరీక్ష సమయం 60 నిమిషాలు. పరీక్షలో ప్రతిప్రశ్నకు 2 మార్కులు కేటాయించారు. నెగెటివ్ మార్కులు ఉంటాయి. ప్రతి తప్పు సమాధానానికి 0.50 మార్కులు (అర మార్కు) కోత విధిస్తారు.
కేంద్ర భద్రత బలగాల్లో కానిస్టేబుల్ జనరల్ డ్యూటీ (Constable GD), రైఫిల్ మ్యాన్ జనరల్ డ్యూటీ (Rifle Man GD) పోస్టుల భర్తీకి స్టాఫ్ సెలక్షన్ కమిషన్ నవంబరు 24న నోటిఫికేషన్ విడుదలైన సంగతి తెలిసిందే. దీనిద్వారా మొత్తం 26,146 ఖాళీలను భర్తీచేయనున్నారు. కానిస్టేబుల్ పోస్టుల భర్తీకి సంబంధించి నవంబరు 24 నుంచి డిసెంబరు 31 వరకు దరఖాస్తులు స్వీకరించారు. వయసు 18 - 23 సంవత్సరాల మధ్య ఉన్న అభ్యర్థులు దరఖాస్తు ఫీజుగా రూ.100 చెల్లించి దరఖాస్తులు సమర్పించారు. ఇందులో బోర్డర్ సెక్యూరిటీ ఫోర్స్(BSF)లో 6174 పోస్టులు, సెంట్రల్ ఇండస్ట్రియల్ సెక్యూరిటీ ఫోర్స్(CISF)లో 11025 పోస్టులు, సెంట్రల్ రిజర్వ్డ్ పోలీస్ ఫోర్స్(CRPF)లో 3,337 పోస్టులు, సశస్త్ర సీమాబల్(SSB)లో 635 పోస్టులు, ఇండో-టిబెటన్ బోర్డర్ పోలీస్ ఫోర్సెస్(ITBP)లో 3,189 పోస్టులు, అస్సాం రైఫిల్స్(AR)లో 1,490 పోస్టులు, స్పెషల్ సెక్యూరిటీ ఫోర్సెస్(SSF)లో 296 పోస్టులు ఉన్నాయి. మొత్తం ఖాళీల్లో పురుషులకు 23347 పోస్టులు, మహిళలకు 2799 పోస్టులు కేటాయించారు.
వివరాలు..
* మొత్తం ఖాళీల సంఖ్య: 26,146
పోస్టుల కేటాయింపు: యూఆర్-10,809, ఈడబ్ల్యూఎస్-3633, ఓబీసీ-5360, ఎస్టీ-2602, ఎస్సీ-3742.
| విభాగం | పోస్టుల సంఖ్య | పోస్టుల కేటాయింపు |
| బీఎస్ఎఫ్ | 6174 | మెన్-5211, ఉమెన్-963 |
| సీఐఎస్ఎఫ్ | 11025 | మెన్-9913, ఉమెన్-1112 |
| సీఆర్పీఎఫ్ | 3337 | మెన్-3266, ఉమెన్-71 |
| ఎస్ఎస్బీ | 635 | మెన్-593, ఉమెన్-42 |
| ఐటీబీపీ | 3189 | మెన్-2694, ఉమెన్-495 |
| ఏఆర్ | 1490 | మెన్-1448, ఉమెన్-42 |
| ఎస్ఎస్ఎఫ్ | 296 | మెన్-222, ఉమెన్-74 |
| మొత్తం ఖాళీలు | 26,146 | 26,146 |
టాప్ హెడ్ లైన్స్
ట్రెండింగ్ వార్తలు
