MPHA: మల్టీపర్పస్ హెల్త్ అసిస్టెంట్ రాతపరీక్ష వాయిదా, త్వరలో కొత్త తేదీ వెల్లడి!

తెలంగాణలో మల్టీపర్పస్ హెల్త్ అసిస్టెంట్' పోస్టుల భర్తీకి నవంబరు 10న నిర్వహించనున్న రాతపరీక్షను వాయిదావేసినట్లు మెడికల్ హెల్త్ సర్వీసెస్ రిక్రూట్‌మెంట్ బోర్డ్ (ఎంహెచ్‌ఎస్‌ఆర్‌బీ) వెల్లడించింది.

మల్టీపర్పస్‌ హెల్త్‌ అసిస్టెంట్‌ పరీక్ష వాయిదా

Multi Purpose Health Assistant Jobs:

తెలంగాణలో మల్టీపర్పస్ హెల్త్ అసిస్టెంట్' పోస్టుల భర్తీకి నవంబరు 10న నిర్వహించనున్న రాతపరీక్షను వాయిదావేసినట్లు మెడికల్ హెల్త్ సర్వీసెస్ రిక్రూట్‌మెంట్ బోర్డ్ (ఎంహెచ్‌ఎస్‌ఆర్‌బీ) వెల్లడించింది. ఈ మేరకు అధికారిక ప్రకటన విడుదల చేసింది. త్వరలోనే పరీక్ష కొత్త తేదీని ప్రకటించనున్నట్లు ఎంహెచ్‌ఎస్‌ఆర్‌బీ తెలిపింది. రాతపరీక్ష, పని అనుభవం తదితరాల ఆధారంగా ఉద్యోగాల ఎంపిక చేయనున్నారు. సర్వీస్‌ వెయిటేజీ కింద ఇచ్చే మార్కులను సైతం 20 నుంచి 30 మార్కులకు పెంచారు.

తెలంగాణ మెడికల్ హెల్త్ సర్వీసెస్ రిక్రూట్‌మెంట్ బోర్డ్ 'మల్టీపర్పస్ హెల్త్ అసిస్టెంట్' పోస్టుల భర్తీకి  జులై 26న నోటిఫికేషన్ విడుదల చేసిన సంగతి తెలిసిందే. అభ్యర్థుల నుంచి సెప్టెంబరు 1  నుంచి అక్టోబరు 3 వరకు దరఖాస్తులు స్వీకరించారు. ముందుగా నవంబరు 10న రాతపరీక్ష నిర్వహించాల్సి ఉండగా.. పరీక్షలను బోర్డు వాయిదా వేస్తున్నట్లు బోర్డు ప్రకటించింది. మొదట మొత్తం 1520 పోస్టుల భర్తీకి నోటిఫికేషన్ వెలువడింది. అయితే ప్రస్తుత పోస్టులకు అదనంగా 146 పోస్టులను చేర్చడంతోపాటు.. వైద్యవిధాన పరిషత్‌లో 265 పోస్టులను జతచేసింది. దీంతో మొత్తం ఖాళీల సంఖ్య 1931కి చేరింది. 

పోస్టుల వివరాలు..

మొత్తం ఖాళీలు: 1520

* మల్టీపర్పస్‌ హెల్త్‌ అసిస్టెంట్‌(ఫిమేల్)  పోస్టులు

అర్హత: మల్టీ పర్పస్ హెల్త్ వర్కర్ (ఫిమేల్) ట్రైనింగ్ కోర్సులో ఉత్తీర్ణతతో పాటు తెలంగాణ రాష్ట్ర నర్సులు మరియు మిడ్‌వైవ్స్ కౌన్సిల్‌లో రిజిస్టర్ చేసుకొని ఉండాలి. లేదా ఇంటర్మీడియట్ వొకేషనల్ మల్టీ-పర్పస్ హెల్త్ వర్కర్(మహిళ) శిక్షణా కోర్సులో ఉత్తీర్ణులై ఉండాలి మరియు ఎంపిక చేసిన ప్రభుత్వ ఆసుపత్రులలో ఒక సంవత్సరం క్లినికల్ శిక్షణను పూర్తి చేసి ఉండాలి. (లేదా) గుర్తింపు పొందిన ఆసుపత్రులలో ఒక సంవత్సరం అప్రెంటిస్‌షిప్ శిక్షణను పూర్తి చేసుకొని ఉండాలి. తెలంగాణ పారామెడికల్ బోర్డులో నమోదు చేసుకొని ఉండాలి. 

వయోపరిమితి: 01.07.2023 నాటికి 18 - 44 సంవత్సరాలు మించకూడదు. నిబంధనల ప్రకారం వయోసడలింపులు వర్తిస్తాయి.

దరఖాస్తు ఫీజు: రూ.500. ప్రాసెసింగ్ ఫీజు-రూ.200; ఎస్సీ, ఎస్టీ, బీసీ, ఈడబ్ల్యూఎస్, పీహెచ్ & తెలంగాణ రాష్ట్ర ఎక్స్-సర్వీసెమెన్ ఉద్యోగులకు ప్రాసెసింగ్ ఫీజు నుంచి మినహాయింపు ఉంది. 

దరఖాస్తు విధానం: ఆన్‌లైన్ ద్వారా దరఖాస్తు చేసుకోవాలి. 

ఎంపిక విధానం: రాత పరీక్ష, పని అనుభవం తదితరాల ఆధారంగా ఉద్యోగాల ఎంపిక ఉంటుంది.

పరీక్ష విధానం: పరీక్ష ఓఎంఆర్ ఆధారిత లేదా కంప్యూటర్ ఆధారిత పరీక్ష. పరీక్ష ఆంగ్లంలో జరుగుతుంది.

పరీక్షా కేంద్రాలు:  హైదరాబాద్, వరంగల్, ఖమ్మం, నిజామాబాద్.

పే స్కేల్: రూ.31,040 – 92,050 చెల్లిస్తారు.

వీసీఆర్‌సీలో 71 టెక్నికల్ అసిస్టెంట్&టెక్నీషియన్ పోస్టులు, వివరాలు ఇలా
పుదుచ్చేరిలోని ఐసీఎంఆర్- వెక్టార్ కంట్రోల్ రిసెర్చ్ సెంటర్ డైరెక్ట్ రిక్రూట్‌మెంట్ ప్రాతిపదికన టెక్నికల్ కేడర్‌లో రెగ్యులర్ పోస్టుల భర్తీకి నోటిఫికేషన్ విడుదల చేసింది. దీనిద్వారా మొత్తం 71 పోస్టులను భర్తీ చేయనున్నారు. పోస్టును అనుసరించి పదో తరగతి, పన్నెండో తరగతి, సంబంధిత విభాగంలో డిప్లొమా ఉత్తీర్ణులైన వారు దరఖాస్తు చేసుకోవడానికి అర్హులు. సరైన అర్హతలు గల అభ్యర్థులు నవంబరు 08 వరకు దరఖాస్తు చేసుకోవచ్చు. 
నోటిఫికేషన్, పోస్టుల వివరాల కోసం క్లిక్ చేయండి..

బ్యాంక్ ఆఫ్ మహారాష్ట్రలో క్రెడిట్ ఆఫీసర్ పోస్టులు, ఈ అర్హతలుండాలి
పూణేలోని బ్యాంక్ ఆఫ్ మహారాష్ట్ర క్రెడిట్ ఆఫీసర్ పోస్టుల భర్తీకి నోటిఫికేషన్‌ విడుదల చేసింది. దీనిద్వారా మొత్తం 100 పోస్టులను భర్తీ చేయనున్నారు. బ్యాచిలర్ డిగ్రీ, ఎంబీఏ ఉత్తీర్ణులైన అభ్యర్థులు దరఖాస్తు చేసుకోవడానికి అర్హులు. ఆన్‌లైన్ పరీక్ష, ఇంటర్వ్యూ ఆధారంగా ఎంపికచేస్తారు. సరైన అర్హతలున్నవారు నవంబరు 6లోగా దరఖాస్తులు సమర్పించాల్సి ఉంటుంది.
నోటిఫికేషన్, పోస్టుల వివరాల కోసం క్లిక్ చేయండి..