IAF: అగ్నివీర్‌ వాయు నియామక పరీక్ష ఫలితాలు విడుదల, డైరెక్డ్ లింక్ ఇదే!

Agniveer News: భారత వాయుసేనలో అగ్నివీర్‌ వాయు (01/ 2024) నియామకాల కోసం నిర్వహించిన ఆన్‌లైన్ రాతపరీక్ష (ఫేజ్-1) ఫలితాలు నవంబరు 9న విడుదలయ్యాయి. అధికారిక వెబ్‌సైట్‌లో ఫలితాలను అందుబాటులో ఉంచారు.

అగ్నివీర్ వాయు ఫేజ్-1 పరీక్ష ఫలితాలు

Agniveer Vayu Written Test Results: భారత వాయుసేనలో అగ్నివీర్‌ వాయు (01/ 2024) నియామకాల కోసం నిర్వహించిన ఆన్‌లైన్ రాతపరీక్ష (ఫేజ్-1) ఫలితాలు నవంబరు 9న విడుదలయ్యాయి. అధికారిక వెబ్‌సైట్‌లో ఫలితాలను అందుబాటులో ఉంచారు. పరీక్షకు హాజరైన అభ్యర్థులు తమ యూజర్‌నేమ్‌/ ఈమెయిల్‌ ఐడీ, పాస్‌వర్డ్‌ వివరాలు నమోదుచేసి ఫలితాలు చూసుకోవచ్చు. ఫేజ్-1 పరీక్షలో అర్హత సాధించిన అభ్యర్థులకు తర్వాతి దశలో ఫేజ్-2లో భాగంగా ఫిజికల్ ఫిట్‌నెస్ టెస్ట్, అడాప్టబిలిటీ టెస్ట్-1, అడాప్టబిలిటీ టెస్ట్-2 నిర్వహిస్తారు. వీటిలో అర్హత సాధించినవారికి ఫేజ్-3లో మెడికల్ ఫిట్‌నెస్ టెస్ట్, చివరగా ధ్రువపత్రాల పరిశీలన నిర్వహించి అభ్యర్థులను ఎంపిక చేస్తారు.

అగ్నివీర్ వాయు రాతపరీక్ష ఫలితాల కోసం క్లిక్ చేయండి..

అగ్నివీర్ వాయు(01/ 2024) ఖాళీల భర్తీకి సంబంధించి అక్టోబర్‌ 13న ఆన్‌లైన్ రాత పరీక్షలు ప్రారంభం కానున్నాయి. ఫేజ్-1(ఆన్‌లైన్ రాత పరీక్ష), ఫేజ్-2(ఫిజికల్ ఫిట్‌నెస్ టెస్ట్, అడాప్టబిలిటీ టెస్ట్-1, అడాప్టబిలిటీ టెస్ట్-2), ఫేజ్-3(మెడికల్ ఫిట్‌నెస్ టెస్ట్), ధ్రువపత్రాల పరిశీలన తదితరాల ఆధారంగా అభ్యర్థులను ఎంపిక చేస్తారు.

భారత ప్రభుత్వ రక్షణ మంత్రిత్వశాఖకు చెందిన భారత వాయుసేన అగ్నిపథ్ స్కీంలో భాగంగా అగ్నివీర్ వాయు నియామకాలకు సంబంధించి ఈ ఏడాది జులైలో నోటిషికేషన్(01/2024) వెలువడిన సంగతి తెలిసిందే.  జులై 27 నుంచి ఆగస్టు 17 వరకు దరఖాస్తులు స్వీకరించారు. ఆన్‌లైన్ రాతపరీక్ష, ఫిజికల్ టెస్ట్, మెడికల్ టెస్టుల ఆధారంగా అభ్యర్థులను ఎంపికచేయనున్నారు.

అగ్నివీర్ వాయు ఉద్యోగ అర్హతలు ఇలా..

అర్హతలు..

A. సైన్స్ సబ్జెక్టులకు: కనీసం 50 శాతం మార్కులతో మ్యాథమెటిక్స్, ఫిజిక్స్, ఇంగ్లిష్ సబ్జెక్టులతో ఇంటర్మీడియట్(10+2)/ ఇంగ్లీష్ లో కనీసం 50 శాతం మార్కులు రావాలి. లేదంటే.. 50 శాతం మార్కులతో 3 సంవత్సరాల ఇంజినీరింగ్ డిప్లొమా చేసి ఉండాలి. ఫిజిక్స్, మ్యాథ్స్ వంటి రెండు నాన్-వొకేషనల్ సబ్జెక్టులతో కనీసం 50 శాతం మార్కులతో రెండేళ్ల వృత్తి విద్యా కోర్సు చేసి ఉండాలి. 

B. సైన్స్ సబ్జెక్టులు కాకుండా ఇతర సబ్జెక్టులు

కనీసం 50 శాతం మార్కులతో ఏదైనా విభాగంలో 10+2 చేసి ఉత్తీర్ణత సాధించాలి. ఇంగ్లీష్ లో కనీసం 50 శాతం మార్కులు రావాలి. 

వయస్సు పరిధి: అభ్యర్థి వయస్సు 21 సంవత్సరాల కంటే తక్కువ ఉండాలి. అంటే అభ్యర్థి 27 జూన్ 2003 నుంచి 27 డిసెంబర్ 2006 మధ్య జన్మించి ఉండాలి. 

కనీస పొడవు: దరఖాస్తు చేసుకునే పురుష అభ్యర్థుల ఎత్తు కనీసం 152.5 సెం.మీ ఉండాలి. మహిళా అభ్యర్థుల ఎత్తు కనీసం 152 సెం.మీ ఉండాలి. పురుష అభ్యర్థుల చెస్ట్ కనీసం 77 సెం.మీ ఉండాలి. 5 సెం.మీ వరకు విస్తరించగలగాలి. 

ఎంపిక ప్రక్రియ: ఫేజ్-1(ఆన్‌లైన్ రాత పరీక్ష), ఫేజ్-2(ఫిజికల్ ఫిట్‌నెస్ టెస్ట్, అడాప్టబిలిటీ టెస్ట్-1, అడాప్టబిలిటీ టెస్ట్-2), ఫేజ్-3(మెడికల్ ఫిట్‌నెస్ టెస్ట్), సర్టిఫికేట్ వెరిఫికేషన్ ఆధారంగా ఎంపిక ప్రక్రియ నిర్వహిస్తారు.

స్టాఫ్‌సెలక్షన్ కమిషన్ ఉద్యోగ పరీక్షల క్యాలెండర్‌-2024 విడుదల, ఏ పరీక్ష ఎప్పుడంటే?
కేంద్ర ప్రభుత్వంలోని వివిధ శాఖల, పలు విభాగాల్లో ఉద్యోగ ఖాళీల భర్తీకి సంబంధించిన పరీక్షల క్యాలెండర్‌ను స్టాఫ్‌ సెలక్షన్‌ కమిషన్‌ నవంబరు 7న ప్రకటించింది. 2024-25 సంవత్సరానికి నిర్వహించే ఉద్యోగ నియామక పరీక్షల తేదీలతో ప్రత్యేక చార్ట్‌ను కమిషన్ విడుదల చేసింది. ప్రకటించిన క్యాలెండర్ ప్రకారం.. 2024 జనవరి నుంచి 2025 జనవరి వరకు నిర్వహించే గ్రేడ్‌-సి స్టెనోగ్రాఫర్‌, ఢిల్లీ పోలీస్‌ సబ్‌ఇన్‌స్పెక్టర్‌, సీఏపీఎఫ్‌, జూనియర్‌ ఇంజినీర్‌, మల్టీ టాస్కింగ్‌ సిబ్బంది, హవల్దార్‌ (సీబీఐసీ, సీబీఎన్‌), కానిస్టేబుల్‌ (జీడీ) తదితర ఉద్యోగ నియామక పరీక్షల తేదీలు ఉన్నాయి. ఆయా పోస్టులకు నోటిఫికేషన్‌, దరఖాస్తుల స్వీకరణ, కంప్యూటర్‌ ఆధారిత పరీక్షలు నిర్వహించే తేదీలను క్యాలెండర్‌లో పొందుపరిచింది. అప్పటి పరిస్థితులను బట్టి ఈ తేదీల్లో మార్పులు ఉండే అవకాశం ఉంది.
పరీక్షల క్యాలెండర్ పూర్తి వివరాల కోసం క్లిక్ చేయండి..