India Post Jobs: పోస్టల్ శాఖలో 30 వేల పోస్టులు.. త్వరలో నోటిఫికేషన్- పరీక్ష లేకుండానే నియామకాలు

Indian Postal Department | పోస్టల్ డిపార్ట్‌మెంటులో దాదాపు 30 వేల ఖాళీలు భర్తీ చేయడానికి త్వరలో నోటిఫికేషన్ విడుదల చేయనున్నారు. రాతపరీక్ష లేకుండానే, మెరిట్ ప్రకారం నియామకాలు జరుగుతాయి.

పోస్టల్ శాఖలో 30 వేల పోస్టులు

Source : ABPLIVE AI

India Post Jobs 2026 | దేశంలోనే అతిపెద్ద ప్రభుత్వ విభాగాలలో భారతీయ పోస్టల్ శాఖ ఒకటి. తపాలా శాఖ కేంద్ర ప్రభుత్వ పరిధిలో పనిచేస్తుంది. కేంద్ర ప్రభుత్వం కిందకు వస్తుంది కాబట్టి, ఇక్కడ పనిచేసే ఉద్యోగులకు అధిక జీతం, అలవెన్సులు వంటివి అందిస్తున్నారు. కేంద్ర ప్రభుత్వ ఉద్యోగం కోసం ఎదురుచూస్తున్న వారికి తపాలా శాఖలో పనిచేయడం మంచి అవకాశంగా మారుతుంది. ప్రతి సంవత్సరం పోస్టల్ శాఖ ఉద్యోగ ప్రకటన కోసం యువతతో పాటు చిన్న ఉద్యోగాలు చేసేవారు సైతం ఎదురుచూస్తున్నారు. ఈ క్రమంలో భారత తపాలా శాఖలో ఉద్యోగాల కోసం ముఖ్యమైన ప్రకటన విడుదలైంది.

2026 జనవరి 15న అధికారిక ప్రకటన విడుదల చేయనున్నట్లు ప్రకటించింది. అంటే, భారత తపాలా శాఖలో బ్రాంచ్ కాని పోస్ట్ ఆఫీసులలో ఖాళీగా ఉన్న ఉద్యోగాలు భర్తీ చేయనున్నారు. ఇందులో గ్రామ స్థాయి ఉద్యోగులు, బ్రాంచ్ పోస్ట్ మాస్టర్ వంటి పోస్టులు ఉన్నాయి.

అభ్యర్థులకు ఏజ్ లిమిట్..

అంతేకాకుండా, గ్రామీణ డాక్ సేవక్ (GDS) ప్రకటన కూడా విడుదలైంది. బ్రాంచ్ పోస్ట్ మాస్టర్ (BPM), అసిస్టెంట్ బ్రాంచ్ పోస్ట్ మాస్టర్ (ABPM), పోస్ట్ మ్యాన్ వంటి ఉద్యోగాలకు నియామకాలు చేపడతారు. ఇందులో మొత్తం 30,000 ఖాళీలు భర్తీ అయ్యే అవకాశం ఉంది. ఈ ఉద్యోగాల కోసం అధికారిక ప్రకటన జనవరి 15న విడుదల అవుతుందని ప్రకటించారు. ఈ ఉద్యోగాలకు దరఖాస్తు చేయాలనుకునేవారు 18 సంవత్సరాలు నిండి ఉండాలి. గరిష్టంగా 40 ఏళ్లలోపు ఉండాలని తెలిపారు.

 

ఇందులో షెడ్యూల్డ్ కులాల (SC) వారికి 5 సంవత్సరాలు, షెడ్యూల్డ్ తెగల (ST) వారికి 5 సంవత్సరాలు, ఇతర వెనుకబడిన తరగతుల వారికి 3 సంవత్సరాలు, వికలాంగులకు 10 సంవత్సరాలు వయోపరిమితిలో సడలింపు ఇస్తారు. ఈ ఉద్యోగానికి 10వ తరగతి లేదా దానికి సమానమైన చదువులో ఉత్తీర్ణత సాధించాలి. 10వ తరగతిలో వచ్చిన మార్కుల మెరిట్ జాబితా ఆధారంగా ఉద్యోగానికి ఎంపిక చేయనున్నారు. ఈ ఉద్యోగానికి దరఖాస్తు చేసుకునేవారికి స్థానిక భాష అంటే తెలుగు రాయడం, మాట్లాడటం వచ్చి ఉండాలి. ద్విచక్ర వాహనం లేదా సైకిల్ తొక్కడం రావాలి. 

ఈ పోస్టల్ శాఖ ఉద్యోగానికి దరఖాస్తు చేయడానికి indiapostgdsonline.gov.in అనే వెబ్‌సైట్ ద్వారా దరఖాస్తు చేసుకోవాలి. అంతేకాకుండా, దరఖాస్తుదారులు అవసరమైన పత్రాలను కూడా సబ్మిట్ చేయాలి. ఎడ్యుకేషనల్ క్వాలిఫికేషన్, కుల ధృవీకరణ పత్రం (Caste Certificate), ఫోటో, సంతకం, ఫోన్ నంబర్ వంటి వాటిని నమోదు చేయాలి. షెడ్యూల్డ్ కులాలు, షెడ్యూల్డ్ తెగలు, వికలాంగులు, ట్రాన్స్ జెండర్ వంటి విభాగాలకు చెందినవారు దరఖాస్తు రుసుము చెల్లించాల్సిన అవసరం లేదు. ఇతర కేటగిరీలకు చెందినవారు దరఖాస్తు రుసుముగా రూ.100 చెల్లించాలి. దరఖాస్తు రుసుమును UPI, క్రెడిట్ కార్డ్, డెబిట్ కార్డ్ వంటి వాటి ద్వారా సైతం చెల్లించవచ్చు. కాబట్టి, తపాలా శాఖ (Postal Depaerment) ఉద్యోగం కోసం ఎదురుచూస్తున్నవారు జనవరి 15 వరకు వేచి ఉండాలని గమనించాలి.

మరిన్ని చదవండి

మంచు తొలగిస్తే లక్షల్లో జీతం.. ఉద్యోగం, సౌకర్యాల గురించిన పూర్తి వివరాలివే

ఈ ఉద్యోగాలకు ఏడాది పొడవునా డిమాండ్.. మార్కెట్లో ఈ రంగాలకు తగ్గని ఆదరణ