అన్వేషించండి

Career Guidance: 2021లో డిమాండ్ ఉన్న 5 కోర్సులు ఇవే.. వీటిలో మీకేం కావాలో ఎంచుకోండి..

ప్రపంచమంతా డిజిటల్ యుగం వైపు పరుగులు పెడుతోంది. ఇంటర్ పూర్తయిన తర్వాత మనం ఎంచుకునే కోర్సును బట్టి మన కెరీర్ డిసైడ్ అవుతుంది. మరి ఈ 2021 డిజిటల్ యుగంలో మంచి బూమ్ ఉన్న 5 కోర్సులేంటో చూద్దామా?

Written By : ABP Desam | Updated at : 07 Sep 2021 04:00 PM (IST)

5 demanding courses students can choose in 2021 Career Guidance: 2021లో డిమాండ్ ఉన్న 5 కోర్సులు ఇవే.. వీటిలో మీకేం కావాలో ఎంచుకోండి..

ప్రతీకాత్మక చిత్రం

కోవిడ్ కారణంగా విద్యా వ్యవస్థలో ఎన్నడూ ఊహించని మార్పులు వచ్చాయి. సాంప్రదాయ విద్యపై ఉన్న అభిప్రాయాలన్నీ మహమ్మారి కారణంగా మారిపోయాయి. ఎక్కడి నుంచి అయినా చదువుకోవడం సాధ్యమనే విషయాన్ని గుర్తు చేశాయి. విద్యా సంస్థలు సైతం కొత్త విధానాల్లో చదువు చెప్పాయి. మంచి కొలువు దక్కాలంటే.. కేవలం చదువు ఒక్కటే ఉంటే సరిపోదు. ప్రాక్టికల్ నైపుణ్యాలు చాలా అవసరం. మనం ఎంత చదువుకున్నా.. నైపుణ్యాలు లేకుంటే జాబ్ రావడం కష్టం. అలాంటప్పుడు ఏం చేయాలి? మనం ఎంచుకున్న రంగాన్ని బట్టి ఉద్యోగానికి అవసరమైన కోర్సులను ఎంచుకోవాలి. ఆ కోర్సులను కూడా నేర్చుకోవడం ద్వారా చదువు పూర్తయ్యే సరికి ఉద్యోగం మన చేతిలో ఉంటుంది.

ప్రపంచమంతా డిజిటల్ యుగం వైపు పరుగులు పెడుతోంది. ముఖ్యంగా ఈ ఏడాదిన్నర కాలంలో టెక్నాలజీ యుగంలో చాలా మార్పులు వచ్చాయి. టెక్నాలజీ అప్‌డేట్ అవుతున్న కొద్దీ మనం కొత్త కోర్సులను నేర్చుకోవాలి. ఏదైనా కోర్సులో చేరే ముందు దాని గురించిన కనీస సమాచారం మనకు తెలిసి ఉండాలి. ఫలానా కోర్సు ఎంచుకోవడం వల్ల.. మనం చదువుతోన్న డిగ్రీకి ఉపయోగం ఉంటుందా? ఈ కోర్సులకు మార్కెట్లో బూమ్ ఉందా? దీని వల్ల ఉద్యోగాలు వస్తాయా? అని పలు కోణాల్లో అధ్యయనం చేయాలి. చివరికి మనకు తగ్గ కోర్సును ఎంచుకోవాలి. ఇంటర్ పూర్తయిన తర్వాత మనం ఎంచుకునే కోర్సును బట్టి మన కెరీర్ డిసైడ్ అవుతుంది. మరి ఈ 2021 డిజిటల్ యుగంలో మంచి బూమ్ ఉన్న 5 కోర్సులేంటో చూద్దామా?

సైబర్ సెక్యూరిటీ..
సైబర్ సెక్యూరిటీ.. విద్యార్థులకు అత్యంత డిమాండ్ ఉన్న కెరీర్‌లలో ఒకటి. భారతదేశంలో సైబర్ సెక్యూరిటీ కేసుల సంఖ్య రోజురోజుకూ పెరుగుతోంది. సామాన్యులు మొదలు.. ప్రభుత్వాలు, వివిధ సంస్థలు సైతం హ్యాకర్ల బారిన పడి, సైబర్ బెదిరింపులను ఎదుర్కొంటున్న సందర్భాలు ఉన్నాయి. సైబర్ నిపుణులు మాత్రమే ఇలాంటి సమస్యలకు చెక్ పెట్టగలుగుతారు. 2024 నాటికి దేశంలో సైబర్ సెక్యూరిటీ నిపుణుల డిమాండ్ 200 శాతం పెరిగే అవకాశం ఉందని పలు నివేదికలు చెబుతున్నాయి.